Zahova Pachia Kha Innbyng Balyng Te Beih Oh

E brosia he na leihla kou tetuh Baebu hopya paw hynh na mawte na innbyng hae hanglang bungnaw nynh thua cipaw nae muihthya cih. Zahova nynh na lung ae paw sah ry. Na hingnaw kya Zahova Pachia Penaw kha masaty lang na nung oh zetuh ‘Pachia nynh na ry na bou oh paw kha ae pya cih oh’ a ci. (Matthai 6:33) Pachia nynh ae vaeccaw ry keiccuze nangmah Pachia te vaeccawku kho nawlang thawmawte zua kuh. Pachia te vaeccawkunaw kaw mue paw tuh alehua ccepaw lahsung ccangkheih nynh thua.—Matthai 22:37, 38.

1 ZAHOVA TE NA CCUEPEKUNAW OH KHA TYNG SAH

BAEBU HOPAW: ‘“Te, kae tuh nae Paaw ka thua cih zah nanning tuh ka ccanung hae te ka ccapaw hae na thua cih oh,” cite Zahova nynh a ci.’ (2 Korin 6:18) Pachia tuh na bang lang myarya a tang ry. Tang khonaw langpi ccangkheih tuh sawsangkunaw nynh thua. ‘Apaekuh lei lang sawsangku ‘lang’ Zahova nynh nang kha ae tuh-ou. (1 Thesalon 5:17) Na thinlung kya ung paw te na thinphangnaw miakaw kha mah ae ngae pah ry. (Filipi 4:6) Na innbyng hae te pyngkheih lang saw na sangkheih oh zetuh Zahova kha ccungccaw lukheih hawte yn muih thya bua vae cih hae.

Zahova kha na thinlung bya na hopya hawte amaw bya mah ngae a ho. Baebu te Baebu kya-e bapite thopaw ccaw hae leihla paw tuh Pachia bya ngae paw nynh thua. (Sam 1:1, 2) Na leihla paw kha bua tua thui. (Sam 77:11, 12) Pachia bya ngae khylang pungku paw hynh zungzae pungku a ho.—Sam 122:1-4.

Zahova te ccuepeku khonaw langpi ccangkheih tuh a maw kong kha mingccangpaw hae hopya bua hae paw nynh thua. A maw kong houh na hopya bua hae ze amaw te houh na naekuh cih oh.—Matthai 28:19, 20.

NA CI LANGPAW:

• Nin takyh a ccyh pya kute Baebu ccaw kha ria, sawsang kuh

• Hoysakhy lang inlaepae paw laeze na innbyng hae te beihnaw te a sekuhpaw hae kha bapi lang nung

2 INNBYNG PUNGKUNAW KYA NAELUNG TUA SAH

BAEBU HOPAW: “Pachia kalang naekuh oh lah a ning mah nae kalang a naekuh cih.” (James 4:8) Innbyng pungkunaw* cccyh kha khyakuhlah khah-e ccyh haw khate zungzae cih. (Genesis 18:19) Tuhkoute nin takyh na hingnaw kya khe Pachia rynaw kha tuate hinglang mah myarya a zi ci. Zahova Pachia te na innbyng ccuepekunaw a hoy kho nawlang ‘inn kya na hung zemah, khycce na ccia zemah, na ii zemah, na tho zemah thuasah” Pachia kong kha na ccangpah cih hae.’ (Deuteronomi 6:6, 7) Joshua nynh ‘kae te ka innbyng hae tuh Zahova rou nynh kae beih cih’ cite a ho hawte nangmah ho kho nawlang zuakuh.—Joshua 24:15.

* Houh ny na ryze Atunin Ccyh Kya Zahova Pachia Rya Kha A Hunghaemou Alah Hae ccah-uh akong 10 naw “innbyng pungku cipaw tuh pawmou?” kyakhe do.

NA CI LANGPAW:

• Innbyng pungkunaw kha merarihte rae, na innbyng hae lukheih rahveih mih bounaw kha tua lah hokheih oh