CCANGKUNAW 25
Ccungccaw Hae Hanglang Pachia Eenaw Tuh Pawmou?
Baebu nynh ccungccaw hingnaw tuh ‘dyn zah vawsawnaw te phe abeih’ a ci. (Job 14:1) E tuh aening hanglang Pachia eenaw tou? A thua khyhze, aening hanglang Pachia eenaw tuh pawmou? Pachia eenaw tuh accing kho cih tou? Baebu kya-e thaw yn muinsahpaw aphi kha tuatua.
1. Zahova nynh aening kha pawtecihpaw hingnaw mou yn muesah ry?
Zahova nynh aening kha ahoy huapaw hingnaw kha yn muesah ry. Masaty ccungccaw hae, Adam te Evua kha a rae koute myarya puithyapaw Edin khokhu kya a ungsah hae. Tuhkoute “‘Pungzae oh lah lungthung oh, laephi kha phe beih oh lah laephi kha uh oh’ cite hythua a pya hae.” (Genesis 1:28) Zahova nynh mihmaw kha ccaw sahkuh hae sah ci a ry, laephi pyngpi kha Paradise lang tang lang cyisah ry hae zah lorangsaw hae kha a do-oih sah ry hae. Pachia la eenaw tuh ccungccaw miakaw kha dang laling te zungzae hinglang nynh thua.
Tuh hawte a cyikuh khyh zemah,a Pachia eenaw tuh rulaekuh khyh. (Isaiah 46:10, 11) A kaw ngae hae paw ccungccaw hae tuh a ccingpaw hingnaw te zungzae hing lang Pachia nynh a ry ung.—Byaphy 21:3, 4 kha ria.
2. Atu ccyh kya asuilang ungpaw hingnaw kha pawtemou mue kho lang?
Zahova nynh aening kha ‘Pachia doliakuh lang ahoo cipaw nynaw thinlung’ tuhkhyhze, Pachia kha ny te beih rynaw thinlung te nynh yn rae. (Matthai 5:3-6 kha ria.) Amaw te ahoypaw vaeccawkunaw yn hoisah ry. “A laanpi balyn kya ccia lanpaw, amaw sungsah lanpaw,” te “thinlung balyn te” beihpaw kha a ry. (Deuteronomy 10:12; Sam 25:14) Tuhte cyi lang zetuh ruunaw tung ccyh kya mah amepaw lungpawnaw mue kho lang. Zahova beihnaw nynh hingnaw kha asuilang a ungsah. Pachia nynh a eepaw hingnaw a thua keiccu.
HOUH CCANGKUH LANG HOUH MUIH LANG
Zahova nynh aening hanglang laephi a paccyn lya a langsapaw a lepaw sungsakunaw kong, hingnaw eenaw kong Baebu ccangpyanaw kong kha ccangkuh tua.
3. Zahova tuh ccungccaw hae hanglang myarya hoypaw eenaw a hoi
VIDEO kha pia, tuhkoute akaw lang-e bakhianaw kha hokuh oh.
Pachia nynh a puithyapaw laephi kha pawcce la rae?
Phunghotu 3:11 kha ria tuhkoute e bakhianaw kha hokuh oh:
E nynh Zahova kong pawmou ae ccangpya?
4. Zahova eenaw rulaekuh khyh
Sam 37:11, 29 te Isaiah 55:11 kha ria tuhkoute e bakhianaw kha hokuh oh:
Ccungccaw hae hanglang Zahova eenaw tuh rulaekuh khyh cipaw pawtemou ah ny kho oh?
A vua hae paw a rohpaw inn kha bua sahthui kho a thua. Tuhhawte, Pachia nynh mah ccungccaw hae nynh a vua hae paw laephi kha amaw a sungsah hae paw hanglang bua a raethui cih
5. Zahova beihnaw nynh hingnaw kha asuilang a ungsah
Hingnaw eenaw kong nynaw nynh ah lung yn pawsah kho. VIDEO kha pia, tuhkoute akaw lang-e bakhianaw kha hokuh oh.
Terumi tuh hingnaw eenaw kong a nynaw kyate pawtemou thanenaw a mue?
Phunghotu 12:13 kha ria tuhkoute e bakhianaw kha hokuh oh:
Zahova nynh aening hanglang patae yn cyipyapaw tungvaw ah lungtuanaw kha pawtemou langsah kho lang?
CCUNGCCAW LUKHEIT NYNH KHIAPAW: “Hingnaw eenaw tuh pawmou?”
Pawtemou na phi cih?
ADYNGNAWTE
Zahova nynh a ccingpaw hingnawte laephivaw kya ccungccaw hae zungzae hing hae sah ci a ry. Pachia kha thinlung balynte beih lang zetuh—atu ccyh kya mah hingnaw tuh asuilang a ung cih.
Bua Liathuinaw
Adam te Evua hanglang masaty Zahova eenaw tuh pawmou?
Ccungccaw hae hanglang Pachia eenaw tuh rulaekuh khyh cipaw pawtemou ah ny kho oh?
Asuilang ungpaw hingnaw kha pawtemou na mue kho?
HOUH CCUNGCHIH
Edin khokhu la ung ccaccingnaw kong kha leihla tua.
“Edin Khokhu La Ung Ccaccing Tou?” (Rawvianaw, January 1, 2011)
Laephi tuh zungzae a tyn cih cipaw tuh zynngan ung tou cipaw kong kha ria tua.
Hingnaw asuilang kong Baebu nynh a hopaw kha dokhia tua.
Pawpaw balyn pheccing vae cite a la tuapaw pisepaw lukheit a hingnaw kya ahoopaw a muihnaw kong kha do tua.
a A cyikuh khyhnaw kong kha malang ccangkunaw kya ny lang.