CCANGKUNAW 28
Zahova Te Zisu Nynh Ae Cyipya Hae Paw Hanglang Na Lungtuanaw Kha Langsah
Bang lukheit nynh myarya puithyapaw lasung ccangkheit ae pya ze pawtemou na ung cih? Myarya na lungpaw cih zah na lungtuanaw kha na nysah ry cih. Zahova te Zisu nynh ahoy huapaw kya-e ahoy huapaw lasung yn pya hae. Paw lasung mou? Tuh-e hanglang lungtuanaw kha pawtemou ah langsah kho oh?
1. Pachia te Zisu nynh yn cyipya hae paw hanglang lungtuanaw langsakhonaw zia tuh pawmou?
“[Zisu] amaw a zynpaw miakaw tuh” zungzae hingnaw a mue kho cih hae cite Baebu nynh bya ynking pyakuh. (Johan 3:16) Zynnaw cipaw tuh pawmou a ho ry? Zisu kha zyn kele zaw khyh. Ka zyn cipaw kha ah pokunaw te cyisanaw hae kya mah langsah ahoo cih. (James 2:17) Ka zyn cipaw kha byaho, cyisanaw te langsah lang zetuh Zisu te thuasah Zahova temah houh naekuh kho lang.—Johan 14:21 kha ria.
2. Zahova te Zisu nynh yn cyipya hae paw hanglang lungtuanaw kha pawccyhkyamou langsah kho lang?
Zisu nynh a zuitu hae kha a chiimaw khuazi kya amaw sithoinaw hanglang lungtuanaw langsakhonaw zia ccangpaw kong kha la hopya hae. “Bawipaw Zerya” cite Baebu kya a kokuhpaw Khrih chiinaw liathuinaw poi kha masaty la mang khae hae. (1 Korin 11:20) Zisu nynh ccungccaw hae hanglang—a hingnaw a la pyakuh—cipaw kha zuitu hae te amepaw Khrihccaw hae miakaw nynh a ning khyh nawlang hae e poi kha amaw maw nynh masaty lang la mang khae hae. Tuhkoute: “Kamaw liathui nawlan mang oh” cite a tawsya hae. (Luka 22:19) Liathuinaw poi kaepaw tuh Zahova te Zisu e ale huapaw sungsakunaw hanglang lungtuanaw langsapaw nynh thua.
HOUH CCANGKUH LANG HOUH MUIH LANG
Zahova te Zisu kya-e ale huapaw sungsakunaw hanglang lungtuanaw langsakhonaw zia hae kha leihla tua. Zisu chiinaw liathuinaw poi azicinaw kong kha tuatua.
3. Lungtuanaw kong langsakhonaw zia
Tui kya na phungkuh lya lukhakheit nynh ae khung cite na mihmae kya ungsah kuh tua. Tuhte ae khungtupaw kong kha zoibaheih te na ning kho cih tou? Tuhkhyhze amaw tungvaw lungtuanaw kong langsakhonaw zia hae kha na ccung cih tou?
Zahova keiccuze nynh hingnaw khue ah mue oh. 1 Johan 4:8-10 kha ria tuhkoute e bakhianaw hae kha hokuh oh:
Zisu sithoinaw tuh ahoy huapaw lasung cite pawcce ho kho lang?
Zahova te Zisu nynh ae cyipya hae paw hanglang pawtemou na ung?
Zahova te Zisu nynh aening hanglang yn cyipya hae paw hanglang lungtuanaw kha pawtemou langsah kho lang? 2 Korin 5:15 te 1 Johan 4:11; 5:3 kha ria. Tuhkoute e bakhianaw kha hokuh oh:
E Baebu ccaw liate lungtuanaw kong kha pawtemou langsah kho lang?
4. Zisu kha dosuinkuh
Zisu kha dosuinkunaw liate lungtuanaw kha langsah kho a thua. 1 Peter 2:21 kha ria tuhkoute e bakhianaw kha hokuh oh:
Zisu ccunoh kha a naekuhte pawzia hae temou zui kho lang?
Zisu tuh Pachia bya kha a sungsah, thehoypaw ho zah ccungccaw hae kha a bung hae
5. Khrih chiinaw liathuinaw poi kya pungkuh bua
Masaty Bawipaw Zerya kya pawmou a cyi hae cipaw kong ny nawlang Luka 22:14, 19, 20 kha ria. Tuhkoute e bakhianaw hae kha hokuh oh:
Bawipaw Zerya kya pawmou cyi hae?
Sanlou te misutui tuh pawmou a ho ry?—Adihpaw 19 te 20 kha do tua.
Zisu nynh a chii nin a thua takyh kum kheit kya vaekheit Bawipaw Zerya kha yn mangsah ry. Tuhkeiccuze Zahova Ccaeccei hae tuh Zisu chiinaw liathui nawlang kum takyh kae pungkuh. E azicipaw pungkunaw kong ny nawlang, VIDEO kha pia. Tuhkoute akaw lang-e bakhianaw kha hokuh oh.
Liathuinaw poi kya pawmaw cyi hae?
Sanlou te misutui tuh syntawnaw hae nynh thua. Salou tuh aening hanglang yn pyapaw Zisu e a ccingpaw ccungccaw pyng nynh a ho ry. Misutui tuh Zisu a chiise kha nynh a ho ry
CCUNGCCAW ABANG NYNH HO HAE PAW: “Zisu kha zyn langze khungnaw mue lang vae.”
Zyn kele zaw khyh cipaw kong kha Johan 3:16 te James 2:17 kha mangte pawtemou na ccaesah cih?
ADYNGNAWTE
Zisu kha zynnaw liate, Zisu chiinaw liathuinaw poi kya pungkunaw liate aening elang yn cyipya hae paw hanglang lungtuanaw kha ah langsah oh.
Bua Liathuinaw
Zisu kha zynnaw cipaw tuh pawmou a ho ry?
Zahova te Zisu nynh ae cyipya hae paw hanglang lungtuanaw kha pawtemou na langsah kho?
Khrih chiinaw liathuinaw poi kya pungkuh bua lang pawcce myarya azici?
HOUH CCUNGCHIH
Khrih chiinaw nynh paw cyi lang mou ah lung yn thosah?
Zynnaw, ka zyn cipaw langsakhonaw kong kha houh ccangkuh.
“Zahova Byakingnaw Hae Kha Ka Zyn Cipaw Langsah” (Rawvianaw, October 2016)
Khrih sithoinaw kong yn nyh zah a rulaekunaw kong kha “Ka Hingnaw Bua Thya Vae Zah Ka Hoysah Vae” cihkuhpaw ccaw kya ria tua.
“Baebu Nynh Hingnaw Hae Kha A Rulaesah Kho” (Rawvianaw, August 1, 2011)
Liathuinaw poi kya ccungccaw a zya kele nynh sanlou te misutui kha pawcce a mang hae cipaw kha tuatua.