CCANGKUNAW 41
Zu Te Vaw Thuanaw Kong Baebu Nynh A Hopaw
Ccungccaw patae nynh zu te vaw thuanaw kong kha ho ry khyh hae. Thuasalama Baebu nynh zu te vaw thuanaw kong kha ccaerarih lang, sawtua lang te a langsah. Baebu hopaw tuh aening hanglang thanenaw a ung. Baebu tuh yn Raetu Zahova kyate yn thuapaw a thua keiccu nynh thua. Pachia nynh aening hanglang pawmou ahoyhua cipaw kha a ny. Pachia rynaw mue lang, lungpaw te zungzae hingnaw mue lang pawmou cyi lang cipaw kha mah a langsah.
1. Zahova nynh zu te vaw thuanaw kong kha pawtemou a muih?
Zu te vaw thuanaw tuh zuvaw hae hoysah nawlang Zahova nynh a pya hae paw lasung nynh thua. E lasung tuh zuvaw hae kha ccawsah nawlang kyalya thua leite lukheit te lukheit a sungsakuh hae cipaw a langsah kho hae. Baebu nynh hynhte a ci: “Na no lya-e na zu kyakhe hoysahte umtua.” (Phungtangbya 5:18, 19) Khrihccaw zuvaw hae nynh zu tuhkhyhze vawpaw tungvaw lungzi lang, milae zu milae vawpaw ryte sei lei lang Zahova nynh a ry.—Hebru 13:4 kha ria.
2. Ohhuakunaw cipaw tuh pawmou?
Baebu nynh hynhte a ci, ‘a ohhuakuh hae paw tuh Pachia peenaw ccou lan khyh hae.’ (1 Korin 6:9, 10) Baebu zeitu hae nynh ohhuakunaw hanglang Grik byaccang por·neiʹa kha a mang hae. E byaccang kya (1) kuih kynkuh leite nupi pise seinawa, (2) nupi te nupi, pise te pise seinaw, (3) ramsaw hae te seinaw hae a pabua. “Ohhuakunaw kha sungku lan” ze Zahova rynaw mue lang zah ahmaw mah thanenaw mue lang.—1 Thesalon 4:3.
HOUH CCANGKUH LANG HOUH MUIH LANG
Ohhuakunaw sungkukhonaw kong te ziazae thyaanaw nynh thanenaw ae muesakhonaw kong kha tuatua.
3. Ohhuakunaw kha sungkuh
Zyntynpaw Josef nynh ziazae thyaa nawlang la zuaku. Genesis 39:1-12 kha ria tuhkoute e bakhianaw hae kha hokuh oh:
Josef tuh pawcce la ccue?—Adihpaw 9 kha do.
Josef byapaenaw tuh ame cite na tua tou? Pawccemou?
Atu she ngawphue hae nynh Josef kha dosuin kuh te ohhuakunaw kha pawtemou a sungkuh kho hae? VIDEO kha pia.
Zahova nynh aening kha ohhuakunaw miakaw sungkuh hae sah ci a ry. 1 Korin 6:18 kha ria tuhkoute e bakhianaw hae kha hokuh oh:
Pawta hawpaw hae keiccumou lukhakheit tuh a ohhuakuh kho?
Ohhuakunaw kha pawtemou na sungkuh kho?
4. Tuh-ounaw kha na dou kho
Ohhuakuh lang tuh-ounaw tung vae ze dou nawlang pawnynhmou a ruusah kho? VIDEO kha pia, tuhkoute akaw lang-e bakhianaw kha hokuh oh.
E video kya-e unopaw nynh a tuanaw te a cyisanaw hae nynh a zu tungvaw lungzi leite a ungsah kho cipaw a nyh tuh pawmou a la cyi?
Zyntynpaw Khrihccaw hae hei athyaapaw tuanaw hae tua lang zuakuh ccyh mah a ung. Ohhuakunaw kong tua khyh nawlang pawtemou sungkuh lang? Filipi 4:8 kha ria tuhkoute e bakhianaw hae kha hokuh oh:
Pawkongmou tua lang a ccang?
Baebu rianaw, Zahova a rya lawnaw nynh seinaw rae lang tuh-ounaw kha dou kho nawlang pawtemou yn bung kho?
5. Zahova phunglang hae nynh thanenaw yn muesah
Zahova nynh aening hanglang pawnynh ahoyhua cipaw kha a ny. Ziazae thyaakhonaw kong, ziazae thyaanaw thanenaw kong hae kha yn hopya. Phungtangbya 7:7-27 kha ria tuhkhyhze VIDEO kha pia, tuhkoute akaw lang-e bakhianaw hae kha hokuh oh.
E ngawphue paw tuh tuh-ounaw a thuasapaw kalang pawtemou a thua?—Phungtangbya 7:8, 9 kha do.
Phungtangbya 7:23, 26 liate ohhuakunaw nynh hoyleinaw hae a ungsah kho. Ziazae thyaa langze paw piahccahnaa hae mou sungkuh kho lang?
Ziazae thyaanaw nynh lungpaw te zungzae hing lang pawtemou yn bung kho?
Ccungccaw abang nynh nupi te nupi, pise te pise seinaw te asekuhte Baebu hopaw tuh sungsakunaw hoi khyh cite a tua hae. Thuasalama sungsakunaw hoipaw Pachia Zahova nynh ccungccaw miakaw kha lungpaw te zungzae a hingsah ry hae. Tuhte hing kho nawlang Pachia phunglang hae hawte hing lang ahoo. 1 Korin 6:9-11 kha ria tuhkoute e bakhianaw kha hokuh oh:
Nupi te nupi, pise te pise seinaw rynaw tuh Pachia muihnaw kya a ngaekuh khyhpaw kele tou?
Pachia rynaw mue kho nawlang ah balyn te rulaekuh ahoo. Tuhte zuakuh nape a tuh tou? Sam 19:8, 11 kha ria tuhkoute e bakhianaw hae kha hokuh oh:
Zahova kya-e ziazae phunglang hae tuh athane cite na tua tou? Pawcce?
Zahova nynh a ziazae phunglang hae kha zui lang ccungccaw patae kha a bung hae. Namaw balyn ae bung kho
CCUNGCCAW ABANG NYNH HO HAE PAW: “Lukheit te lukheit a sungsakuh hae zetuh nupi pise seinaw a rae hae paw tuh sei khyh.”
Nangso pawtemou na tua?
ADYNGNAWTE
Zu te vaw thuanaw tuh zuvaw hae hoysah nawlang Zahova nynh a pya hae paw lasung nynh thua.
Bua Liathuinaw
Ohhuakunaw kya pawhaemou a pa?
Ohhuakunaw kha sungkuh kho nawlang pawnynhmou yn bung cih?
Zahova kya-e ziazae phunglang hae kha zui langze pawtemou thanenaw mue lang?
HOUH CCUNGCHIH
Pachia nynh pynkheih lang a ungkheih ry hae paw nupi te pise kha pawcce kuih a kynsah kuh ry hae cipaw kha leihla tua.
“Kuih Kynkuh Leite Pynkheih Lang Ungkheihpaw Te Asekuhte Baebu Nynh Pawmou A Ho?” (Website ccaw)
Nupi te nupi, pise te pise seinaw a rae hae paw kha hua lang Baebu nynh thaw yn pya tou cipaw kha leihla tua.
“Nupi Te Nupi, Pise Te Pise Seinaw Tuh A Sei Tou?” (Website ccaw)
Zu te vaw thuanaw te asekuhpaw Pachia kawbya hae nynh yn thungkhawnaw kong kha leihla tua.
“Mung Te Nupi Pise Seinaw Raepaw Kha Pawtemou Muih Lang A Ccang?” (Website ccaw)
“Kae kha minming nynh myarya saw yn tua hae” cihkuhpaw tungnaw kya nupi te nupi, pise te pise seinaw a raepaw lukheit pawcce a rulaekuh cipaw kha ria tua.
“Baebu Nynh Hingnaw Hae Kha A Rulaesah Kho” (Rawvianaw, April 1, 2011)
a Tuh-e kya nupi pise seinaw, mung te leihkhu te nupi pise seinaw, minccang paw hae E kha nupi pise sei rynaw thinlung te haepaw cita hawpaw cyisanaw hae a pa.