Zoova ˗bha ˈˈkiö ˗yö Ezekiasö ˗takpa

Asidhi ˈˈkwipö ˈkpii˗ ˗kɔ ˗yö ˗ʒiö Izraɛdhö ˈˈkwɛnŋgɔ ˗kɔŋ do bhë ˗an ˗gɔ. ˈˈKɛɛ Asidhi ˗gblüdë Senakedhibö ˗kun ˗a ˈˈpiʋ̈ kö ˗yö Zuda ˈˈkwɛnŋgɔ ꞊plɛ ˗nu bhë ˗an ˈsü. ˈDhɛ ˗kë ˈˈdhʋ̈, ˈö ˗ya Zuda ˈˈkwipö ˗nu ˈkun ˗sü ˗bha do do. ˈˈKwipö ˈö˗ kun ˗a ˈˈpiʋ̈ ꞊dedewo kö ˈö˗ sü ˈyö ˗tɔ Zedhizadhɛmö. ˗A ˗dhɛ Senakedhibö ˈyaa kun ˗a ˈwɔn dɔ ˗ni ˈgü ˈyö ˗tɔ ꞊dhɛ Zoova ˗kun ö ˗kɔ kpa ˗ni ˈgü Zedhizadhɛmö ˗dhɛ ˗ta.

Zuda ˗gblüde Ezekiasö ˗yö ˈwëëga ꞊va ˗nu Senakedhibö ˗dhɛ kö ˗yö ö ꞊kwaa Zedhizadhɛmö ˗dhɛ ˗zü. ˈKö kë ꞊dhɛ Senakedhibö ˗yö ˈwëëga ˈö bhë ˗a ˗sü, ˗yö ö ˗bha ˈˈsɔdha ˗nu ˗bɔ kö ˗wo ˈdho Zedhizadhɛmö ˗dhɛ ˗gɔ. ˈˈSuʋ̈ ˗kun Zedhizadhɛmö ˗mɛn ˗nu ˈgü ˈyö ˗tɔ ꞊dhɛ Asidhi ˈˈsɔdha ˗nu ˗kun ꞊ɲɔɔn ˗ni ˈgü ˗an ˗bha ˈˈkwipö ˗bha ˗kplawo. ˈDhɛ ˗kë ˈˈdhʋ̈ ˈyö Ezekiasö ˗ya pö ˗an ˗dhɛ: ‹ˈˈSuʋ̈ ˈya ˈdho ka kë. ꞊Faan ˗yö Asidhi ˗mɛn ˗nu ˈgü, ˈˈkɛɛ Zoova ˗dho kwa ˈgü kë ˈˈgbɩɩ˗ ˈö ʒiö˗ ˈka ˗an ˗ta.›

Senakedhibö ˗yö ö ˗bha Lasake (ˈˈsɔdha ˗gɔmɛn ˈkpii˗) ˗bɔ Zedhizadhɛmö kö ˗yö ꞊wɛɛdɔ ˈˈsɛgümɛn ˗nu ˗bha. ˈYö Lasake bhë ˗yö dɔ ˈˈkwipö wëëdhö ˈö ˗gbla ˈö˗ pö: ‹Zoova ˈyaa ꞊mɔɔn˗ ˗bha kö ˗yö nu ka ˗dhɛ. ˈKaa ˈdho ka ꞊kwaa Ezekiasö ˈzü ˈö ˈˈkpënŋ˗ ˗kë ka ˗gɔ. ˗Zlan ˈˈwɛɛ ˈbha ˈö dho ka dha yi ˗gɔ ˈyaa dhö.›

Ezekiasö ˗yö Zoova dhɛɛˈˈ ˗kpɔ pë ˈö ˗dho ˗a kë ˗a ˈka. ˈYö Zoova ˗ya pö: ‹ˈˈSuʋ̈ ˈyaa dho ˗da ü ˈgü pë ˈö Lasake ˗ya pö ü ˗dhɛ bhë ˗a ˗wɔn ˈgü. Senakedhibö ˈti dho Zedhizadhɛmö ˗dhɛ ˈkun.› ꞊Taabha, Senakedhibö ˗yö ˈsëëdhɛ ˗nu ˗bɔ Ezekiasö ˗dhɛ. ˗Ya ˗pö ˈsëëdhɛ ˗nu bhë ˗an ˈgü ꞊dhɛ: ‹˗Ka ka ˗gɔ ˈdho yi ˗dhɛ ˈˈshia, ˈyö ˗tɔ ꞊dhɛ Zoova ˈyaa ꞊mɔɔn˗ ˗bha kö ˗yö ka dha.› Ezekiasö ˗yö ˗bhɛɛ Zoova ˗dhɛ ˈö˗ pö: ‹Zoova, ˗dɔ ˈˈgbɩɩ˗ kö ˈü yi dha, kö mɛn ꞊gban ˗wa ˈwɔn dɔ ꞊dhɛ bhi ˈnën ˈü ˗tɔ ˗Zlan dosɛnŋ ˈö ˈdhö.› ˈYö Zoova ˗ya pö ˗a ˗dhɛ: ‹Asidhi ˗gblüdë ˗kɔ ˈti dho ꞊mɔɔn˗ ˗da Zedhizadhɛmö ˗dhɛ ˈgü ˗sü ˗bha. A ˗dho n ˗kɔ kpa n man ˈˈkwipö ˗ta.›

˗Yö ˗kun ga ˗sü ˈka Senakedhibö ˈgü ꞊dhɛ ö ˗dho Zedhizadhɛmö ˗dhɛ ˈkun. ˈˈKɛɛ gbeŋ do ˈka, ˈyö Zoova ˗yö ö ˗bha ˈˈkiö do bɔ Asidhi ˈˈsɔdha ˗nu ˗bha kanŋ ˈö kun ˈˈkwipö bhë ˗a ˈˈsuee ˗a ˈgü. ˈˈKiö ˈö bhë ˗yö ˈˈsɔdha 185.000 ˗zë. ˗Gblüdë Senakedhibö ˗bha ˈˈsɔdha ˈˈgbɩɩ˗ ˗nu ꞊gban ˗wo ˗ga. ˗Gblü yö ˈti dhi ˗a ˗gɔ. ˗Yö ö ꞊yɛɛkë ˈö dho ö ꞊plöö. Zoova ˗yö ö ˗kɔ ˗kpa Ezekiasö waa Zedhizadhɛmömɛn ˗nu ˗ta ꞊dhɛ ˗kɔ ˈö˗ pö ˈka ˗a ˈdhö. Ü kun Zedhizadhɛmö ˗be, ü dho ü ˗zoyö Zoova ˗dhɛ ˗ee?