ˈWɔn ˗man ˗Zlan ˗ta ˗sü ˈdhuëë˗ ˗yö ꞊va

1. Ö ˈˈtʋ ˗to Yesu ˗bha ˗kɔ ˗së ˈnën ˈö ˗tɔ,

ˈPë ˈö˗ pö kwa ˗dhɛ ˗a ˗ya ꞊bhlëë ˈgü ˗sü.

ˈKwa ˈwɔn man˗ ˗ta, ˗yö kwa Dë ˗Zlan zuʋ̈ˈˈ ꞊nii ˗da,

ˈÖ ˈwɔn ˗së ꞊va ꞊dede ˗nu ˗kë kwa ˗dhɛ.

2. Kwa këwɔn ˗nu ˗wo ˗kë ꞊dhɛ mɛn ˈkɔ ˈkpii˗ dɔ.

ˈKwa˗ ˈkɔ ˗gɛn ˗gban ˗gwë ˗ta, kö kwa ˗bha ˗së.

Kwa Dëmɛn ˗yö ˗dhioo ˗së ꞊va ˗dɔ ˈkwa ˗ta ꞊dɛɛ.

ˈWɔn ˗maan ˗ta ˗sü ˗yö ˗këdhösü ˗ʒian ˈka.

3. ˈˈDhü ˈwo ˈˈyiga ˗nu ˗gɔ ˗ta ꞊faan ˗yö ˗an ˗bha,

˗A ˈˈtʋ̈ŋ ˗ya ˗wo ˗an bhɛ ˗së ˗nu ˗wo ˗ya.

ˈKwa ˈwɔn man ˗Zlan ˗ta kö kwa ꞊dhɛ ˈˈdhü ˗së ˈdhö.

˗Zlan ˗dho ˗toëpö ˗këdhösü ˗nu kwa ˗dhɛ.