ˈˈDhinaan ˗nu ˈˈɲanbhɔsü
Mɛn ˈbha ˗ya ˈwɔn yaa kë kwa ˈka, ˈmën ˗kë ˈö kwa dua ˈyaa ˗mü kö ˈkwa kwa ˗naan yö ɛɛnˈˈ kö ˈkwa ˈwɔn ˈkun kwa zuʋ̈ˈˈ ˈˈpiʋ̈ ˗a ˗bha?
Pr 20:22; 24:29; Wlɔ 12:17, 18; Zk 1:19, 20; 1P 3:8, 9
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
1S 25:9-13, 23-35—˗Dhɛ ˈö Nabadhö ˗yö ˈˈsi bho Davi ˗gɔ ˈö ˗kɔ ˗an ˗takun ˗sü ˈka, Davi ˗kun ˗a ˈˈpiʋ̈ kö ˈö waa gɔɔn˗ ˗nu ˈˈpɛpɛ ˈwo kun ˗a ˗bha ˈkɔdhi ˈgü ˗an zë. ˈˈKɛɛ Abigaidhö ˈö kun dhebɔ ꞊kpɔɔsü ˈka bhë, ˗yö Davi ˗takun ˈö ˈyii mɛn zë.
Pr 24:17-20—˗Gblüdë Sadhomɔn ˗ya ˗pö ˗Zlan ˗bha ˈˈsɛgümɛn ˗nu ˗dhɛ ꞊dhɛ ˗an ˈyɔɔ˗ ˗nu ˈwo bɔ ˗ni ˈgü ˈwɔn ˈˈgbɩɩ˗ ˈgü, ˈyaa ˗së kö ˗wo ˈˈyɩɩ ˈto. ˗An dua ˗mü kö ˗wa ˈwɔn ˈto Zoova ˗gɔ.
Kletiɛn ˗nu dua ˗mü kö ˗wo ˈwɔn ˈkun wo ꞊dhegblü ˗nu ˗bha ɛɛnˈˈ kö ˗wo wo bo dhiaŋ zë ˗sü ˈka ˗an ˗dhɛ kö ˈwɔn ˗ya ˗da ˗an ꞊zinŋ ˈgü ˗ee?
Lv 19:17, 18; 1Ko 13:4, 5; Ef 4:26
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Mt 5:23, 24—Yesu ˗ya ˗pö ꞊dhɛ ˈˈdhinaan ˗ya kë kwaa kwa ꞊dhegblü ˈbha kwa ꞊zinŋ ˈgü, kwa dua ˗mü kö ˈkwa ˈwɔn ꞊gban ˈˈpɛpɛ kë kö ˈkwa ˗dhikodhɛ mɛɛnˈˈ ˗a ˈˈpiʋ̈.
Mɛn ˈbha ˗ya ˈwɔn ˈˈdhiʋ̈˗ kë kwa ˈka, ˈmën kwa dua ˈdhö ˗mü kö ˈkwa˗ kë?
Pr 10:12; 19:11; Ef 4:32; Ko 3:13
ˈMën ˗kë ˈö kwa dua ˈdhö ˗mü kö ˈkwa mɛn ˗nu ˈö ˈwo ˈwɔn yaa ˗kë kwa ˈka ˈö ˈwo ˗bhawɔntodhe ꞊dede ˗dhɛ kwa ˗gɔ, ˗an ˗bhawɔn ˈto?
Mt 18:21, 22; Mk 11:25; Dk 17:3, 4; Ko 3:13; 1P 4:8
Kwa ꞊dhegblü ˈbha ˗ya ˈwɔn yaa kë kwa ˈka, ˗a ˗bhawɔn ˈto ˗sü ˗ya kë kwa ˗kɔa ˈˈgbɩɩ˗, de ˈö˗ dua ˈdhö ˗mü kö ˗yö ˈdho ˈwɔn blɛɛˈˈ ˗a ˗dhɛ? (˗A ˈwɔn yaa ˈö ˈˈdhʋ̈ ꞊mɔɔn˗ ˗bha ˈö ˗kë kwa ˗dhiaŋ yaa ˈö˗ zë ɛɛnˈˈ kwa ˗ta ˈö˗ ˗bhö ˗a ˈka.)
Kpɔɔˈˈ ˈzü Zk 5:20 ˗bha.