˗Zlan ˗dhɔkësü
Mɛn dosɛnŋ ˗mɛɛn ˈö kwa dua ˈdhö ˗mü kö ˈkwa˗ ˗dhɔkë?
Ex 34:14; Dt 5:8-10; Is 42:8
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Mt 4:8-10—Sɔtraan ˗yö ˗gblüdëdhɛ ˈˈpɛpɛ ˈö ˈwo ˈˈkpɔnŋ ꞊taa ˗an nu Yesu ˗dhɛ kë ˈˈdhʋ̈ kö Yesu ˗ya ˗dhɔkë. ˈˈKɛɛ Yesu ˗yö ˗kɔ ˈö˗ pö ˗a ˗dhɛ ꞊dhɛ Zoova dosɛnŋ ˈnën kwa dua ˈdhö ˗mü ko ˈkwa˗ ˗dhɔkë.
˗Dh 19:9, 10—˗Zlan ˗bha ˈˈkiö ˈˈgbɩɩ˗ do ˈbha ˈyii ˈˈwɩ˗ ˗bha kö bɔmɛn Zan ˗ya ˗dhɔkë?
˗Kɔ ˗mɛɛn ˈö Zoova ˈdhö˗ ˈˈpiʋ̈ kö ˈkwa˗ ˗dhɔkë ˗a ˈka?
Zn 4:24; Zk 1:26, 27
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Is 1:10-17—Zoova ˈyaa ˈˈwɩ mɛn ˗nu ˈö ˗an ˈˈgblʋ̈ʋ̈dhɛ ˈdhö ꞊gblɛɛn ˈö ˈwaa˗ ˗bha ˈtɔŋ˗ ˗nu ˗ya ꞊bhlëë ˈgü, ˗an ˗bhaa ö ˗dhɔkësü ˗bha.
Mt 15:1-11—Yesu ˗ya ˗zɔn ꞊dhɛ Zoova ˈyaa˗ ˈˈpiʋ̈ kö ˗a ˗dhɔkësü ˗yö ˗gban mɛnbhɩɩdhe ˗nu wɔkɔ ˗ta. ˈˈKɛɛ ˗ya ˈˈpiʋ̈ kö ˗yö ˗gban ˗a ˗bha ˈtɔŋ˗ ˗nu ˗ta.
ˈDe ˗nu ˈö ˈkwa dho Zoova ˗dhɔkë ˗an ˈˈpiʋ̈ ꞊ya kë ꞊dhɛ ˗a ˈˈsɩ ˗ya kë kwa ˗dhɛ?
Eb 10:24, 25
Kpɔɔˈˈ ˈzü Ps 133:1-3 ˗bha.
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Kë 2:40-42—˗Kwɛ këŋ do ˗blɛɛsü ˈgü, kletiɛn ˗nu ˗kun ˗ya ˗ni ˈgü ˗dhɛ do ˈgü ˈö ˈwo ꞊bhɛɛ, ˈö ˈwo ˗Zlan ˗Wo ꞊draan.
1Ko 14:26-40—Bɔmɛn Pɔdhö ˗ya ˗pö ꞊dhɛ kletiɛn ˗nu ˗bha ˗bhɔkwëë ˗yö kë ö ˗naan ˈka, ˗yö mɛn ˗nu ꞊faan ˈmën kö mɛn ꞊gban ˈˈpɛpɛ ˗wo pë ˈö ˈwo˗ draanˈˈ ˗ni ˈgü ˗a ˈgüman, ˗wa ꞊trɔɔn ꞊slɔɔ.
ˈMën ˈö kwa dua ˈdhö ˗mü kö ˈkwa˗ kë kö ˈkwa˗ ˈwɔn dɔ ꞊ya kë ꞊dhɛ kwa ˗bha ˗Zlan ˗dhɔkësü ˗ya ˗dhɛ ˗së?
Mt 7:21-24; 1Zn 2:17; 5:3
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Eb 11:6—Bɔmɛn Pɔdhö ˗ya ˗pö ꞊dhɛ ˈkwa˗ pö ˈkwa Zoova ˗dhɔkë ꞊dhɛ ˗kɔ ˈö dhi ˗a ˗dhɛ ˗a ˈka, ˗zoyödhe dua ˗mü kö ˗yö kë kwa ˗gɔ.
Zk 2:14-17, 24-26—Yesu ꞊dhegblü Zakö ˗ya ˗pö ꞊dhɛ kwa dua ˗mü kö ˈkwa kwa ˗bha ˗zoyödhe ˗zɔn kwa këwɔn ˗nu ˈgü. ˈGo mü ˈzü kwa ˗bha ˗zoyödhe dua ˗mü kö ˗yö kwa ˗blü ˈwɔn ˗nu kë ˗sü ˗bha.