꞊Ya kë ꞊dhɛ ˈnën ˗nu ˗wa ˈkuee ˈˈpʋ kwa ˗gɔ

꞊Ya kë ꞊dhɛ ˈnën ˈbha ˈnën ˈkuee ˗po kwa ˗gɔ, ˗kwaa ˗mɛn ˗nu dhɛɛˈˈ ˈkpɔ ˗a ˗gɔ. ˗A ˗kë ˈˈdhʋ̈ ˗sü ˗dho ˗a ˗zɔn ꞊dhɛ kwaa˗ ˗mɛn ˗nu ꞊bhlëë ˗ya. (Pr 6:20) ˗Yaa pö ˈkwa ˗da ˈkɔɔ, ˈˈkɛɛ kö ˗a ˗mɛn ˗nu ˈwaa ˈkɔɔ, ˈkwa ˈdho ˈˈwɩ˗ ˗bha. ˗Kwa bɔ mü ˈˈtʋ̈ŋ ˈˈwɛɛ ˈka.

꞊Ya kë ꞊dhɛ ˗a ˗kwɛ ˗yö ꞊mɔɔn ˗kɔŋ do waa ö ga ˗nu ˗bha, ˗yö ˗së kö ˈkwa˗ ˗mɛn ˗nu dhɛɛˈˈ ˈkpɔ ˗a ˗gɔ. ꞊Ya kë ꞊dhɛ ˗a ˗mɛn ˗nu ˈwaa ˈkɔɔ, kwa ꞊mɔɔn˗ ˗bha ˈkwa˗ dhɛɛˈˈ kpɔ ꞊dhɛ ˈkwa ˈsëëdhɛ ˈbha ˈto ˗a ˗gɔ, ˗a ˗mɛn ˗nu ˈwi ˈdho ˈˈwɩ ˗ee? ꞊Ya kë ꞊dhɛ ˈwi ˈdho ˈˈwɩ, kwa ꞊mɔɔn˗ ˗bha ˈkwa ˈsëëdhɛ ˈbha ˈto ˗a ˗gɔ, ɛɛnˈˈ ˈzü ˈkwa kwa ˗bha ɛntɛnɛtö ˈˈnimlɔn ˈö ˗kë jw.org ˈka bhë, ˗a ˗zɔn ˗a ˗dhɛ.

ˈNën bhë, ꞊yaa pö kwa nu ˈzü, ˈkwa ˗wo mü, ˗kwaa pö ˗a ˗dhɛ ꞊dhɛ kwa˗ ˈˈpiʋ̈ kö ˈkwa ˗kpan ˗a ˗mɛn ˗nu ˗bha. ˗A ˗kë ˈˈdhʋ̈ ˗sü ˗dho kwa ˗takun kö ˈkwa kwa nu ˗gɛn pö ˗an ˗dhɛ. ˈGo mü ˈzü, ˗yö ˗dho kwa ˗takun kö ˈkwa ˗dhioo ˗nu ˈwo ˗gban ˈkɔdhigümɛn ˗nu ˗bha ˈwo Biblö ˈgü, ˗an ˗zɔn ˗an ˗dhɛ. (Ps 119:86, 138) ꞊Bhlëë ˈö ˈkwa ˗dho ˗a ˗ya ˗an ˗bha bhë, ˗dho ˗Zlan ˈtɔ bhɔ˗, ˈyö ˗zlanwopö ˗an ˗dhɛ ˗sü ʒian ˗po kwa ˗gɔ.—1P 2:12.