ˈSëëdhɛ ˈö ˈkwa ˗dho ˗a ˗bɛn zë ˗a ˈwɔnzuan

• ˗Bhö ü ˗de ˗bha ˈsëëdhɛ ˗dadhɛ ˈˈnimlɔn ˗ya. ˈBha˗ yö ꞊dhɛ ü ˗de ˗bha ˈsëëdhɛ ˗dadhɛ ˈˈnimlɔn ˗ya ˗sü ˈyi ˗dho kë ˗së, mɛn zii ˗nu ˗wa ˈˈwɩ˗ ˗bha, ü ꞊mɔɔn˗ ˗bha ˈü ˗Bhɔkwëëkëgükɔ ˗bhaa ˗ya. ˈˈKɛɛ ü dua ˈyaa ˗mü TOŊTOŊDHÖ kö ˈü Betɛdhö ˗bha ˈsëëdhɛ ˗dadhɛ ˈˈnimlɔn ˗ya.

• ꞊Ya kë ꞊dhɛ ü˗ ˗mɛn ˈtɔ ˗dɔ, ˗bhö ˗a ˗ya kö ˈya ˗dho kë ˗a ˈgü ꞊dhɛ ü pë ˈbha ˈˈdhoo dɔ ˗ni ˈgü.

• ˗Bhö ü ˗zoto ˗wo ˈdho ˗kɔ ˗nu waa ˗an ˗bɛn zë ˗kɔ ˗nu ˈˈpiʋ̈. ˈSëëdhɛ ˈü ˗dho ˗a bɔ, ˈya ˗dho kë ˗dhiisü. ꞊Ya kë ꞊dhɛ ü ˗dho ˗a ˗bɛn zë ü ˗kɔ ˈˈdhiʋ̈, ˗a ˗wo ˗pö ˗sü ˈya ˗dho kë ˈˈgbɩɩ˗. Pë ˗nu ˈü ˗dho ˗an ˗bɛn zë, ˈwa ˗dho ꞊bhlëë bho mɛn ˗nu ˗bha ɛɛnˈˈ ˗an ˈgüman ˗sü ˈya ˗dho kë ˈˈgbɩɩ˗.

ˈSëëdhɛ ˈö ˈkwa ˗dho ˗a ˗bɛn ˗zë ˗a ˈwɔnzuan ˈö yö, ˗yö pë ˗nu ˈwo bhë ˗an ˗zɔn. ˈBha˗ pö ˈü ˈsëëdhɛ bɔ mɛn ˈbha ˗dhɛ ka ˗bha ˈˈyasa ˈgü, ˗a ˗dhɛ ˈyaa˗ ˗bha kö ˗wo do ˈö˗ ˈgü bhë, ˈü˗ ˗bɛn zë ˈˈtʋ̈ŋ ꞊gban ˈka. ˈPë ˈü dho ˗a ˗bɛn zë ü ˗bha ˈsëëdhɛ ˈgü ˗yö bɛ pë ˈö˗ ˗wɔn ˈgü ˈü ˈsëëdhɛ ˗bɔ ˗a ˗dhɛ waa ka wɔ ˗kɔ ˗nu ˗bha.