Kwa dho kwa ˗de baaˈˈ ˗zo ˗bo ˈwlaan˗ ˗bha ˗kɔ ˗kë ꞊dhɛ?

ˈÖ ˗sü ˗kwɛ ˈö yö ˗a ˗bha, ˈˈtʋ̈ŋ ꞊va kwa ˗gɔ ꞊dedewo kö ˈkwa kwa ˗de baaˈˈ Klito ˗bha ga ˈwlaan˗ ˗bha. ꞊Ya kë ꞊dhɛ ˗zo ˗bo ˈwlaan˗ ˗ya ˗pö ˈˈdhoogɔ ꞊zinŋ ˈgü, kwa ˗bha ˗kë Kletiɛn ˈka ˗sü waa ˗zlanwopö yö ˗bhɔkwëë ˈyi ˈdho kë ˈˈdhoogɔ ˈö bhë ˗a ˈka. ꞊Ya kë ˈzü ꞊dhɛ ˗ya ˗pö ꞊glooyi ˈka, ˈˈdhɛɛtadhiaŋ˗ waa La Tour de Garde draansü ˈwi ˈdho kë ˗dhö. ˈˈTʋ̈ŋ ˈö to kwa ˗gɔ bhë, kwa dho ˗a ˈsü kö ˈkwa ˈwɔn ˗së kë ˗a ˈka ˗ee? Kwa dua ˗mü kö ˈkwa kwa ˗de baaˈˈ ˈwɔn ꞊bhlëësü ˈö bhë ˗a ˗bha ꞊dhɛ ˈkɔ ˈö Kletiɛn ˗nu ˈwo˗ ˗kë ˗a ˈka ˗kwɛ këŋ do ꞊blɛɛsü ˈgü bhë, ˗a ˈdhö. (Dk 22:7-13; km˗F 3/15 1) ˗Dhɛ ˈö ˈˈdhʋ̈, mɛn ꞊gban ˈˈpɛpɛ kwa dua ˗mü kö ˈkwa kwa ˗de baaˈˈ ˗së ˈka. ˈˈKɛɛ kwa ˗dho ˗a kë ˗kɔ ˗kë ꞊dhɛ?

• ꞊Trɔɔn ˈö dho ˈgo ˗kë ˈwlaan˗ bhë ˗a ˗ta ˗sü ˈgü bhë, ˗kwa kwa ˗zota ˗a gü.​—1Ko 11:23-26

• ˗Mlɛɛn ˈö kwaa Zoova kwa ꞊zinŋ ˈgü, ˗kwa kwa ˗zota ˗a ˈgü. ˗Kwa bhɛɛˈˈ ˗a ˗dhɛ.​—1Ko 11:27-29; 2Ko 13:5

• Biblö ˈˈɲan ˗nu waa ˈsëëdhɛ ˗nu ˈwo ˗gban ˗zo ˗bo ˈwlaan˗ ˗bha bhë, ˗kwa ˗an ˗wo pö kö ˈkwa kwa ˗zota ˗an ˈgü ˗së ˈka.—Zn 3:16; 15:13

Kletiɛn ˈbhaa ˗nu ˗wo Biblö ˈˈɲan ˗nu ˈö ˈwo kwa ˗bha ˈsëëdhɛ ˗be ˈnën Examinons les Écritures chaque jour ˈgü ˗zo ˗bo ˈwlaan˗ ˗bhaa ˈka bhë, ˗an ˗wo ˗pö ˈö ˈwo wo ˗zota ˗an ˈgü. ˗A mɛn ˈbhaa ˗nu ꞊dee ˈpö, ˗wo Biblö ˈˈɲan ˗nu ˈwo tablo yö˗ ˈgü, ˗an ˗wo ˗pö. Mɛn ˈˈwɛɛ ˈbhaa ˗nu ˗wo La Tour de Garde ˈˈpian ˗dhɛ ˗nu ˈwo ˗gban ˗zo ˗bo ˈwlaan˗ ˗bha, ˈö ˈwo ˗gban ˈzü ˗dhɔ ˈö Zoova waa Yesu ˈwo˗ ˗zɔn kwa ˗dhɛ bhë ˗an ˗bha, ˗an ˗wo ˗pö. Pë ˈˈʋʋ pë ˈkwa dho ˗a ꞊draan ˈˈtʋ̈ŋ bhë˗ ˈgü, kö ˗yö kwa ꞊ɲɔɔn Zoova waa ö Gbö Yesu ˗an ˗bha bhë, ˈaa ˗yö kë!