˗Kwaa ˗kë kö kwa ˗de ˗bha Biblö draansü ꞊trɔɔn ˗yö kë

˗MËN ˈÖ ˗KË ˈÖ˗ ˗WƆN ˈDHÖ ˈˈGBƖƖ˗?: Biblö ˗draan kwa ˗de ˈˈpiʋ̈ ˗sü ˗yö kwa ˗takun gagade «daɔng ˗bha ˗kë ꞊gblɛɛn ˗sü oo, ˗a ˗bha ˗kë ˈˈgbɛa ˗sü oo, ˗a ˗bha ˗kë zong ˗sü ˗sü oo ˗a ˗dɔ ˗gɛan ˗sü ˗bha ˗kë ꞊gblɛɛn ˗kɔ ˗nu ˈwo ˗kɔ ˈö˗ ˗bha, kö ˈk[w]a˗ dɔ ˈkpakpadhö ˗së ˈka.» (Ef 3:18) ˗Yö kwa ˗takun kö kwa ˈˈta ˗kɔ ˗yö kë ˗së ˈˈkpɔnŋtaamɛn ˗nu ꞊zinŋ ˈgü, «kö ˈk[w]a ˗dhɛ ˈˈpʋ˗ ˗nu ˗ta ˗Zlan ˗wʋ ˈö mɛ dha bha˗ ˈka.» (Fdh 2:15, 16) ˗Zlan ˈˈDhiwo ˗draan kwa ˗de ˈˈpiʋ̈ ˗sü ˗ya ˗kë ˈö pë ˗nu ˈö ˈkwa ˗bhawɔn ˈdhö ˗an ˗bha, ˈkwa kwa ˗kɔ ˗yɛ ˗an ˗bha. ˈMën ˈkwa ꞊mɔɔn˗ ˗bha ˈkwa˗ kë kö kwa ˗bha Biblö draansü ꞊trɔɔn ˗yö kë ˗dhö?

KWA ˗DHO ˗A KË ˗KƆ ˗KË ꞊DHƐ?:

• Kwa ˗bha Biblö ˗yö ˗kë ˈsëëdhɛ ˈka ɛɛnˈˈ ˗yö ˗kë parɛɛ ˈgü, ˗a ˈˈɲan ˗nu ˈwo ˈpa kwa zuʋ̈ˈˈ ˈka, ˗kwa pë ʒiö ˗an ꞊wlöö kö pë ˗nu ˈwo to kwa ˈˈɲaan ˈkwa ˗an ˗bɛn zë ˗a ˈgü.

• ˈKwa Biblö ˗wo pö ˗ni ˈgü, ˗kwa kwa ˗de dhɛɛˈˈ ˈkpɔ: ‹De? ˗Mën? ˈˈTʋ̈ŋ ˗mɛɛn ˈka? ˈˈMɛn? ˈMën ˗kë? ˗Kɔ ˗kë ꞊dhɛ?›

• ˗Kwaa ˗gɛn dɔ. ˗Kwa bɔ pë ˗mɛɛn ˗a ˈka pë ˗nu ˈwo ˈdhö ˗an ˗ta kö ˈwɔn ˈö ˗gban ˈwɔn ˗gɔ ɛɛnˈˈ Biblö ˈˈɲan ˈbha ˗bha, ˈkwa˗ mɛɛnˈˈ.

• ˗Kwa kwa ˗zota pë ˈö ˈkwa˗ ˗wo pö bhë ˗a ˈgü, kö ˗kɔ ˈö ˗gban ˗a ˈka kwa ˗bha, ˈkwa˗ dɔ.

• Pë ˈö ˈkwa˗ ꞊draan bhë, ˗kwaa ˗da yö ˈˈpiʋ̈.​—Dk 6:47, 48

˗BHÖ VIDEO COMMENT TENIR FERME GRÂCE À UNE BONNE ÉTUDE INDIVIDUELLE ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• Biblö ˗draan ö ˗de ˈˈpiʋ̈ ˗sü bhë, mɛn ˈbha ˗nu ˗wa ˗pö ˗mën ˗mü?

• ˈKwa˗ pö ˈkwa Biblö draanˈˈ, ˈmën ˗kë ˈö ˗së kö ˈkwa bhɛɛˈˈ?

• ˗Mën ˈö dho kwa ˗takun kö ˈkwa Biblö ˈˈɲan ˈbha ˗gɛn ˈman ˗së ˈka?

• ˗Mën ˈö ˈkwa ꞊mɔɔn˗ ˗bha ˈkwa˗ ˗bɛn zë kwa ˗bha Biblö ˈgü?

• ˈKwa ˗Zlan ˗Wo draanˈˈ ˗ni ˈgü, ˈmën ˗kë ˈö kwa ˗zota ˗a ˈgü ˗sü ˈwɔn ˈdhö ˈˈgbɩɩ˗?

• ˈMën kwa dua ˈdhö ˗mü kö ˈkwa˗ kë pë ˈö ˈkwa˗ ꞊draan ˗a ˈka?