ˈKa˗ ˈˈpiʋ̈ ˈka ka ˗bha ˈkosüsü trʋʋˈˈ kë, ˗ka ˈˈkan ˈˈkpɔnŋtaamɛn ˗nu ˗bha ˈwɔn kë ˗kɔ ˗nu ˗bha

Kletiɛn ˗nu ˈwo˗ ˈˈpiʋ̈ kö ˈwo wo ˈko ˈsü, ˈwɔn ꞊va ꞊nën ˈö ˗an dua ˈdhö ˗mü kö ˗wo ˗da ˗a ˗ʒian ˗ta. Mɛn ˗nu ꞊mɔɔn˗ ˗bha ˈwo ˈˈflɔsɩ ˗wɔ ˗an ˗ta kö ˗wo ˈto ˈkosüsü trʋʋˈˈ kë ˗kɔ ˗nu ˈö ˗an wɔkɔ ˈgü, ˗a ˈˈpiʋ̈. ˗Kɔ ˈö ˗an ˗bha ˈkosüsü trʋʋˈˈ dho kë ˗a ˈka, ˗an ˗mɛn ˗nu ɛɛnˈˈ ˗an ˈˈtɔŋdë ˗nu ꞊mɔɔn˗ ˗bha kö ˗wo wo ˗bhaa pö. ˈˈKɛɛ Biblö ˗bha ˈtɔŋ˗ ˗gɛngbandhɛ ˗mɛɛn ˈö dho mɛn ˗nu ˈwo dho wo ˈko ˈsü ˗an ˗takun kö ˗an zuʋ̈ˈˈ ˈya ˈdho za dɔ ˗an ˗bha, ɛɛnˈˈ ˈya ˈdho ˈto ꞊taama kö ˈkosüsü trʋʋˈˈ ꞊ya ɲën?

˗BHÖ VIDEO DES MARIAGES QUI HONORENT JÉHOVAH ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• Biblö ˗bha ˈtɔŋ˗ ˗gɛngbandhɛ ˗nu ˈwo yö, ˗wo Nikö waa Zuliana ˗an ˗takun ˗kɔ ˗kë ꞊dhɛ?

  • 1Ko 10:31

  • 1Zn 2:15, 16

  • Ga 5:19-21

  • 1Ti 2:9

• ˈMën ˗kë mɛn ˗nu ˈwo dho wo ˈko ˈsü ˗an dua ˈdhö ˗mü kö ˗wo wo ˗kɔ ˈˈyɛ Kletiɛn ˗zogbansü do ꞊nën˗ ˗bha kö ˗yö kë ˗an ˗bha ˈkosüsü « troo ˗gɔmɛ » ˈka?—Zn 2:9, 10.

• Pë ˈö Nikö waa Zuliana ˈwo˗ ˗kë ˗an ˗bha ˈkosüsü ˗ta, ˈö ˗gban mɛn ˈö ˈdhö ˗a ˗bha bhë, ˈmën ˗kë ˈwo˗ ˗kë ˈˈdhʋ̈?

• ˈWɔn ˗nu ˈwo ˗gban ˈkosüsü ˈwlaan˗ waa˗ trʋʋˈˈ ˗nu ˗bha bhë, de ˈö dua ˈdhö ˗mü kö ˗kɔ ˈwo dho ˗a kë˗ ˈka, ˗ya pö?—w06-F 15/10 25 § 10