«Mɛ ˈˈpɛpɛ ˈwo ˈˈkpʋŋtaa ˗a ˗nu ꞊gban˗ ˗gun ˗wʋ dosɛng ꞊në˗ pö sië»

11:1-4, 6-9

Zoova ˗yö mɛn ˗nu ˈwo ˗gban ˗a ˗gɔ Babɛdhö bhë ˗an ˗pɛn, ˗an ˗wo ˗kan ˈˈkwëë ˗sü ˈka. ˈˈKɛɛ ꞊dɛɛ ˗yö mɛn kpö ˗ziisü ˈö ˈwo go ˈˈsɛ suu do do ˈgü, waa ˗wo suu do do pömɛn ˗nu kpaaˈˈ ˗ni ˈgü ˈˈkwëë kö ˗wo «˗wo ˈˈslʋ̈ʋ̈slʋ̈» pö, kë ˈˈdhʋ̈ kö «˗wo Zoova ˈtɔ bhɔ, kö ˗wa ˗dhɔkë ˗dɔ wo ˈko ˗gban ˗gɔ ˗sü ˈka.» (Sph 3:9; ˗Dh 7:9) «˗Wo ˈˈslʋ̈ʋ̈slʋ̈» ˈö bhë, ˈnën ˗tɔ gagade ˈö ˗gban Zoova waa˗ dhɔɔbhaawɔn ˗nu ˈwo Biblö ˈgü ˗an ˗bha.

˗Wo ˗dɛɛ draanˈˈ ˗sü ˈyaa ꞊dhɛ ˗wo kpö ˗dɛɛ ˗nu ˗ya kwa ˗gɔ ˈgü ˗sü ˈdhö. ˗Yö ˗ʒiö ˗a ˗ta. Mɛn ˈü˗ ˈˈpiʋ̈ ˈü ˗wo ˗dɛɛ draanˈˈ, ü dua ˗mü kö ˈü ˗zotakɔ ˗dɛɛ draanˈˈ. ˗Kɔ do bhë˗ ˈka, ˈkwa ˗wo ˈˈslʋ̈ʋ̈slʋ̈ bhë ˗a draanˈˈ ˗ni ˈgü, kwa ˗zotakɔ ˗yö ˗gla. (Wlɔ 12:2) ˗Zlan ˗dhɔkëmɛn ˗bha ˗zotakɔ ˈö ˈˈgla ˗ni ˈgü ˗kpɛɛwo, ˗yö ˗an ˗takun kö ˗wo kë do.​—1Ko 1:10.