Pë ˗nu ˈkwa ꞊mɔɔn˗ ˗bha ˈkwa ˗an draanˈˈ kwa ˗de ˈˈpiʋ̈ waa kwa ˗bha ˗Zlan ˗dhɔkë ˈkɔɔ ˗sü ˈgü

Kwaa mɛn ˈˈwɛɛ ˗nu kwa Zoova ˗dhɔkë ˗bhɔkwëë ˗nu, pian do ˈˈpiʋ̈ ˗bhɔkwëë waa ˗bhɔkwëë ˈkpii˗ ˗nu ˗ta. ˈˈKɛɛ kwa Zoova ˗dhɔkë ˈpö kwa ˗de waa kwa ˗bha ˈkɔdhigümɛn ˗nu ˈˈpiʋ̈. Pë ˗nu ˈkwa ꞊mɔɔn˗ ˗bha ˈkwa ˗an draanˈˈ kwa ˗de ˈˈpiʋ̈ waa kwa ˗bha ˗Zlan ˗dhɔkë ˈkɔɔ ˗sü ˈgü, ˗a ˈbha ˗nu ꞊nɛn:

• ˗Kwa kwa ˗de baaˈˈ ˗bhɔkwëë ˗nu ˗bha. Kwa ꞊mɔɔn˗ ˗bha ˈkwa ˈˈtan ˗nu ꞊draan, ˈkwa kwa ˗bha ˈkɔdhigümɛn ˗nu ˗takun kö ˗wo wo ˗de baaˈˈ ˈwɔndaakësü ˗bha.

• ˗Kwa ˗kwɛzlan ˈbha ˗wo po Biblö ˈgü. ˈKwa kwa bo, ˗kwa ˈwɔn ˈö to kwa ˈˈɲaan ˗a ˈˈbin ˈsü ɛɛnˈˈ ˗a ˗bɛnzë.

• Bhɛɛwo ˈbha ˈö Biblö ˈgü, ˗kwaa ˗wo pö kö ˈkwa kwa ˗zota ˗kɔ ˈö dho kwa ˗takun ˗a ˈka kö kwa ˗bha bhɛɛwo ˗nu ˗wo kë ˗së, ˗a ˈgü.

• ˗Kwa video do ˈö jw.org ˗a ˗ta ˗a ˗ga kö ˈkwa˗ ˗ta ˈˈdoodɔ. ˗Ya ˈgo mü, ˗gleŋ ˈkwa˗ sü ˗a ˈgü, ˗kwaa ˗bɛnzë.

• ˗Kwa kwa ˗de baaˈˈ ˗zlanwopösü ˗bha. Kwa ꞊mɔɔn˗ ˗bha ˗ʒianwo kö ˈkwa ˈˈslözɔndhe ˈbha kë.

• ˗Kwa ˗dapë ˗nu ˗ga, ˈkwa kwa ˗zota ˗an ˈgü kö ˗gleŋ ˗nu ˈwo˗ ˗da kwa ˗bha ˈwo ˗gban Zoova ˗bha, ˈkwa ˗an ˗wɔn blɛɛˈˈ.a