Ka˗ ˈwɔn ˗dɔ ˗ee?

˗Kwɛ këŋ do ˗blɛɛsü ˈgü, ˈmën ˈˈsaabhomɛn ˗nu ˗wa ˗kë wü ꞊ɲɔɔn ˈö kun ˗lo ˗ni ˈgü ˈˈsaabhotapë ˗ta bhë ˗a ˈka?

˗KWƐ ˈˈpɛpɛ ˈka Izraɛdhö ˗kwɛŋzü, ˗wo ˗kun ˈˈsaabho ˗ni ˈgü wü ˈˈgblü ꞊va ꞊dede ˈka ˈˈsaabhotapë ˗ta ˗Zlan ˗dhɔkëgükɔ ˈgü. Zuifömi do ˈwo˗ ˗dhɛ Zozɛfö ˈö kun ˈwɔn zii ˗gɛnbhomɛn ˈka bhë ˗ya ˗pö ꞊dhɛ Pakö yi ˈka, ˈˈbhlaanën ˗nu ˈwo ˗ʒiö 250.000 ˗ta ˈnën ˈwo ˗an ˗kë ˈˈsaapë ˈka ˈwo ˗an ˗gʋ̈. ꞊Ɲɔɔn ꞊va ꞊dede ˗kun yɔɔˈˈ ˗ni ˈgü ˈˈsaabhotapë ˗ta. (Lév. 1:​10, 11; Nomb. 28:​16, 19) ꞊Ɲɔɔn ˈˈsinman ˈö ˈˈdhʋ̈ ˗wa ˗bho mü ˗kɔ ˗kë ꞊dhɛ?

Pë zii ˗gɔkpɔmɛn ˗nu ˗wo ˈˈsɛ ˗bho ˈˈyi ˈˈgblʋʋ ga do ˗ta ˗Zlan ˗dhɔkëgükɔ ˈö Edhɔdö ˗ya dɔ ˈˈkɛɛ ˈö ꞊taabha ˈwo˗ wü ˗kwɛ 70 K.Y. ˈgü bhë, ˗a ˗züzü. ˗A ˈˈyi ˈˈgblʋʋ ga ˈö ˈˈdhʋ̈ ˈnën ꞊ɲɔɔn kun bɔ ˗ni ˈgü ˗a ˈka ˈö go ˗Zlan ˗dhɔkëgükɔ ˈgü.

Pë ꞊plɛ ˈwo˗ ˗kë ˈö ˈˈsabhotapë ˈti kë ˗dhii ˗sü, ˗kwaa ˗ga:

• ˗Glu ˈˈdhi do ˗kun ˈˈsaabhotapë ꞊löö: Zuifö ˗nu ˗bha ˈtɔŋ˗ waa ˗an ˗bha wɔkɔ ˈsëëdhɛ ˗be zii do ˈwo˗ ˗ya ˗kwɛ 200 K.Y. ˗a ˈgü, ˗yö ˈˈyi ˈˈgblʋʋ ga ˗nu ˗wɔn ˗blɛɛ ˈpö. ˗Ya ˗pö: «˗Glu ˈˈdhi ꞊plɛ ˗kun ˈˈsaabhotapë ˈˈsuee mü. ꞊Ɲɔɔn waa ˈˈyi ˈwo ˈˈsabhotapë ˗zu ˗a ˈka bhë ˗wo ˗ʒiö wo ˈˈkwöö ˗glu ˈˈdhi ꞊plɛ ˈwo ˈˈdhʋ̈ ˗an ˈgü ˈwo to ˈˈyi ˈˈgblʋʋ ga ˈpiʋ ˈwo dho Sedrɔn ˈgoogü.» ꞊Dɛɛ ˈsëëdhɛ ˗be do ˈö Zuifö ˗nu ˗bha ˗kwɛzlan bho bhë ˗a ˈgü, ˗wa ˗pö mü ꞊dhɛ pë zii ˗gɔkpɔmɛn ˗nu ˗wo ˗kpan ˈˈyi ˈˈgblʋʋ ga ˗nu ˗bha. ˗A ˗wɔn ˈgü, ˗yö ˗an ˗zokun ꞊dhɛ ˗gblü ˈˈdhi ˗nu ˗kun ꞊ɲɔɔn ˗bɔ ˗dhɛ ˈka.

• Yi ꞊va ˗kun mü: ˈˈSaabhomɛn ˗nu ˗bhawɔn ˗kun ˈˈyi ꞊va ˗bha kö ˗wo ˈˈsaabhotapë waa ꞊ɲɔɔn ˗bɔ ˗dhɛ ˈˈzu ˗a ˈka. ˗Ya kë ˈˈdhʋ̈ kö ˗an ˗bhawɔn ˗kun ˈˈyi ˈö go ˈˈkwiplöö ˗a ˗bha. ˗A ˗wɔn ˈgü, ˈˈyi ˈˈgblʋʋ ga, baliklo waa ˈˈyi ˗gblu ˗nu ˗wo ˗kun mü. Pë zii ˗gɔkpɔmɛn do ˈwo˗ ˗dhɛ Zozɛfö Patrikö ˗ya ˗pö: «˗Zlan ˗dhɔkëgükɔ ˈˈwɛɛ ˈbhaa ˈö dho kë ˈˈtʋ̈ŋ ˈö bhë ˗a ˈgü kö ˗a ˗bha ˈˈyi ꞊slɔɔ ˗kɔ, ˗a ˗bha ˈkɔɔdhɛ ˈˈzu ˗kɔ ˗yö kë ˈˈdhʋ̈, ˈyaa kun ˗dhö toŋtoŋdhö.»