Yesu ˗yö «˗gɔ ˗dho ˗Zlan ˗dhɛ ˈˈshia˗ ˗sü» ˗draan

Yesu ˗yö ö ˗gɔ ˗dho Zoova ˗dhɛ ˈˈshia˗ ˗kplawo. (Zan 8:29) ˗Ya kë ˈˈdhʋ̈ ˈsa kö ˈmën kë ˈö Biblö ˗ya pö: «˗Yö kë ˗wɩ ˗bha kö ˈö sëë suu ꞊gban ˈˈpɛpɛ ˈdo ˈdo bho. Kë ˈˈdhʋ̈ kö ˈö ˗gɔ ˗dho [˗Zlan] ˗dhɛ ˈˈsia˗ ˗sü draan˗»?—Ebl. 5:8.

ˈWɔn ˗nu ˈö Yesu ˗yö bɔ ˗an ˈgü ˈˈkpɔnŋ ꞊taa yö bhë, ˗yö ˈti bɔ ˗an ˈgü kö ˗yö kun dhaŋ˗ ˈgü. ˗A ˈwɔnzuan do ˈnën ˗tɔ ˗a ˗mɛn ˗nu ˈwo˗ ˗to bhë ˈwɔn yaa kë ˗dhii ˗kun ˗an ˗bha. (Luk. 2:51) ˗Zlanwo ˗gɔdhiʋ̈mɛn ꞊flüüsü ˗nu waa ˈˈsɛkɔɔnmɛn ˗nu ˗wo ˈwɔn ˈˈgbɩɩ˗ ˗wɔ ˗a ˗ta. (Mat. 26:59; Mak. 15:15) ˗Yö ˗go mü ˈzü ˈö ga ˈˈdhiʋ̈ ˈˈdhʋ̈ ˗sü wo. Biblö ˗ya ˗pö: ‹˗Yö ö ˗dɩ ˗da ˈˈsia˗, ˈyö ö Dë [˗Zlan] ˗wʋ ˗ya ꞊bhlëë ˈgü ꞊dedewo, ˈyö dho ˈö ˗wɩ ö zëwɔn ˗bha.›—Flp. 2:8.

ˈWɔn ˗nu ˈwo bhë ˗wo Yesu ˗takun ˈö ˗gɔ ˗dho ˈˈshia˗ ˗sü ˈbhaa ˈö˗ ˈti kë dhaŋ˗ ˈgü do ˈpö ˗a ˗kë. ˗A ˗wɔn ˈgü, ˗yö ˗kë ˗Gblüdë ˈˈslʋ̈ʋ̈slʋ̈ waa ˈˈSaabhomɛn ˈkpii˗ ˈö ꞊mɔɔn˗ ˗bha kö ˈö kwa ˗wëëzë ˗a ˈka. (Ebl. 4:15; 5:9) ˈDhɛ Yesu ˗yö ˗gɔ ˗dho Zoova dhɛ ˈˈshia˗ ˗sü ꞊draan ˈwɔn ˈˈgbɩɩ˗ ˗nu ˈwo nu ˗a ˗ta bhë ˗an ˈgü, ˗a ꞊bhlëë ˗yö ˗kë ˈkpii˗ ꞊dedewo Zoova ˈˈɲan ˈˈdhiʋ̈. Kwa ˗de ˈpö ˈkwa ˈto ˗klu ˗sü ˈka Zoova ˗bha ˈwɔn ˈˈgbɩɩ˗ ꞊suu ˈˈpɛpɛ ˈgü, kwa ˗wɔn ˗dho kë ˈˈgbɩɩ˗ Zoova ˗gɔ ˈö yö ꞊suu ˈˈoo ˗su dɔ kwa ˗kɔ ˈka.—Zak. 1:4.