ˈˈTAN 91
Yö ˈö ˈyi˗ ˗kë ˗dhɔ ˈgü
(Psaume 127:1)
1. ˈˈTʋ̈ŋ ˈyi˗ ˈgü yö Zoova,
Yi ü ˗dhɔkë yi zuʋ̈ˈˈ ˈˈplɛ ˈka.
ˈYö ˗tɔ ü yi ˗takun, yi Dë ˗Zlan,
ˈÜ ꞊bhlëë ˗ya yi ˗bha.
Yö ˗së ˈyi˗ ˗kë ˗dhɔ ˈgü bhë,
Ü ˗nu yi ˗dhɛ kö ˗yö ˈwɔn ˈkun.
Bhi ˈnën ü ˈsaa˗ ˈgü ˗Zlan ˈyö ˈkɔ ꞊nɛn
ˈYi ˗kë ˗a ˈgü ꞊dɛɛ.
(˗A ˈKUN ˗KƆ)
˗Yö ꞊bhlëëwɔn ˈka yi ˗gɔ ˗Gblüdë ˗Zlan,
Kö ü ˗bha ˈkɔ ˗së ꞊nɛn ˈyi˗ dɔ.
˗Bhö yi ˗takun kö ˈyi ü ˈtɔ bhɔ ˈˈtʋ̈ŋ ˈsaadhö ˈka,
˗Zoyödhe ˈka, zuʋ̈gblüdhi ˈka.
2. ꞊Dɛɛ, yi zuʋ̈ˈˈ ꞊nii ˗da ˗sü ˈka.
˗Ya yi ˗bha ˈˈtɔŋdëdhɛ ˈˈyi ˈˈkan.
Yi ˈgo ˗sü ˈka ˈyö ꞊dɛɛ, ˈwɔn ˗së ꞊va
˗Dho ˈto yi ˈˈɲaan ˈka.
Ü ˗bha ˗zuu ˈnën yi ˗takun,
ˈÖ ˗dhɔ ˗kë yi ꞊zinŋ ü ˗gɔ ˈkɔɔ.
˗Yö ü ˗bha ˈtɔbhɔdhe, ˈˈpiigbedhɛ
˗nu ˗zɔn mɛn ˗nu ˗dhɛ.
(˗A ˈKUN ˗KƆ)
˗Yö ꞊bhlëëwɔn ˈka yi ˗gɔ ˗Gblüdë ˗Zlan,
Kö ü ˗bha ˈkɔ ˗së ꞊nɛn ˈyi˗ dɔ.
˗Bhö yi ˗takun kö ˈyi ü ˈtɔ bhɔ ˈˈtʋ̈ŋ ˈsaadhö ˈka,
˗Zoyödhe ˈka, zuʋ̈gblüdhi ˈka.
(Kpɔɔˈˈ Ps. 116:1; 147:1; Wlɔ. 15:6 ˗bha.)