Pë ˈö mɛn ˗nu dho ˗a kë ˗bhö ˗a ˗zɔn ˈˈpuu ˈka

Proverbes 3:21

ˈPË ˈÜ DHO ˗A KË: ˈWɔn ˈü˗ ˈgü ˈˈpʋ ˗ni ˈgü, ˗kɔ ˈö ˗gban ˗a ˈka ˈˈtʋtomɛn ˗nu ˗bha, ˗bhö ˗a kë ˗wa dɔ ˗së ˈka. ꞊Ya ˈgo mü pë ˈö ˈwo ˗dho ˗a kë kö ˗wa ꞊trɔɔn ꞊slɔɔ, ˗bhö ˗a ˗zɔn ˗an ˗dhɛ.

Ü ˗DHO ˗A KË ˗KƆ ˗KË ꞊DHƐ?:

• ˗Bhö ü ˗zota ˈˈtʋtomɛn ˗nu ˗wɔn ˈgü. ˈPë ˗kë ˈö ˈˈtʋtomɛn ˗nu ˗bhawɔn ˈdhö ˈwɔn ˈü˗ blɛɛˈˈ ˗ni ˈgü ˗a man ˗sü ˗bha, ˗bhö ü ˗zota ˗a ˈgü. ˗A ˗dhɛ ˈö ˗dho ˗an ˗takun ꞊dedewo, ˗bhö ˗a mɛɛnˈˈ.

• ˈÜ ü ˗bha dhiaŋ zë ˗ni ˈgü, pë ˈö ˈˈtʋtomɛn ˗nu dho ˗a kë, ˗bhö ˗a ˗zɔn ˗an ˗dhɛ. Ü ˗bha ˈˈdhɛɛtadhiaŋ˗ züdɔdhɛ ˈgü, ˈˈtʋtomɛn ˗dhɛ ˈö ˈdhö ˗a dua ˗mü kö ˗ya pö ö ˗de ˗dhɛ ꞊dhɛ: ‹Dhiaŋ ˈö˗ zë ˗ni ˈgü yö, ˗yö ˗gban n ˗bha.› ˈÜ ˈwɔn ga ˈbha ˈgü ˈˈpʋ ˗ni ˈgü, ˗kɔ ˈö ˈˈtʋtomɛn ˗dho ˗a ˗ya ꞊bhlëë ˈgü ˗a ˈka, ˗bhö ˗a ˗zɔn. ˈBha ˈdho ˈwɔn ˈö ˈyaa ˗gban mɛn ˈbha ˗bha ˗a blɛɛˈˈ.