˗Kwa kwa zuʋ̈ˈˈ kë ˗saa

Pë ˈö Yesu ˗ya ˗kë

VIDEO: Yesu ˗yö ö ꞊dhegblü ˗takun zuʋ̈saadhɛ ˈka

1. VIDEO ˈö yö ˗a ˗ga ɛɛnˈˈ Zan 7:​3-5 waa 1 Kodhɛngtö 15:3, 4, 7 ˗wo pö. ˈBha ü bo ˗bhö ü ˗zota dhɛɛˈˈ ˗nu ˈö ˈwo yö ˗an ˈgü:

1. Yesu ꞊dhegblü ˗ya ˗bha nɔɔn˗ ˗wo ˗sü ˗kɔ ˗kë ꞊dhɛ ˗a zübhodhɛ ˈgü?

2. ˗Mën ˈö˗ ˗zɔn ꞊dhɛ Yesu ˈgü ˈyii ga ö ꞊dhegblü Zakö ˗wɔn ˈka?

˗Gleŋ ˗mɛɛn ˈö Yesu ˗ya ˗da kwa ˗bha?

2. Kwa dua ˗mü kö ˈkwa kwa zuʋ̈ˈˈ kë ˗saa ˈyö ˗tɔ ꞊dhɛ mɛn ˈbha ˗nu ˈwaa ˈˈwɩ gagade ˗bha ˈˈvaandhö.

˗Kwa ʒiö Yesu ˗bha ˈwɔnzuan ˈˈpiʋ̈

3. ˗Kwa ˗zlanwopö ˗kɔ ˈˈslö ˈˈwɛɛ ˈbha ˈgüdan. Mɛn ˗nu ˈwii ˈˈwɩ Biblö draansü ˗bha kwa ˈˈpiʋ̈ ˈˈvaandhö, ˈkwa ˈdho ˈˈgbɩɩdhɛ ˗wɔ ˗an ˗ta. ˗Kwa bɔ video ɛɛnˈˈ ˈwɔn ˗gɔ ˈbha ˗nu ˗ta kö ˗kɔ ˈö ˈkwa Biblö ꞊draan ˗a ˈka mɛn ˗nu ˈˈpiʋ̈ waa ˈwɔn ˗së ˈwo ˗dho ˗a ꞊slɔɔ ˗a ˈgü, ˈkwa˗ ˗zɔn ˗an ˗dhɛ.

4. ˈKwa ˈdho ˗an ˗zɔn mɛn ˈˈwɛɛ ˗nu ˈka. Mɛn ꞊gban ˈwaa do. ꞊Ya kë ꞊dhɛ kwa ˗bha ˈkɔdhigümɛn do ɛɛnˈˈ kwa ˗bha ˗womɛndhɛsü ˗dɛɛ do ˈyaa˗ ˈˈpiʋ̈ kö ˗yö Biblö draanˈˈ, ˈpë ˗kë ˈö ˈyaa˗ ˈˈpiʋ̈, ˗kwa kwa ˗zota ˗a ˈgü. Pë ˈbha ˗ya ˗bha ˗zlanwo ˈgü ˈö ˗klu ˗sü ˈka˗ ˗bha ˗ee? ˗A ˗mɛn ˗nu ɛɛnˈˈ ˗a ˗yayoo ˗nu ˈnën ˈö ˈwo ˈˈgbɩɩdhɛ ˗wɔ ˗ni ˈgü ˗a ˗ta ˗ee? ˗Kwa ˈˈtʋ̈ŋ nu ˗a ˗dhɛ kö ˗yö ö ˗zota ˈwɔn ˈö ˈkwa˗ ꞊blɛɛ waa ˈwɔn ˗së ˈö Biblö draansü ˈgü, ˗an ˈgü.

5. ˗Kwa bhɛɛˈˈ kwa ˗bha ˗womɛndhɛsü ˗nu ˗bha ˈka. ˗Kwa bhɛɛˈˈ Zoova ˗dhɛ kö ˗yö kwa ˗takun kö kwa ˈgü ˈya ˈdho ga, ˈgo mü ˈzü kö kwa ˗wo ˗yö kë ˈˈnɛɛnnɛn. ˗Kwa bhɛɛˈˈ kö ˗yö kwa ˗takun kö ˈmɛn ˈö Biblö draansü ˗dhɔ ꞊dede ˈyaa˗ ˗bha, waa ˈˈtʋ̈ŋ ˈö ˈkwa ˗dho kwa bo ˗wo ˗a ˗dhɛ ˗sü ˈka ˈkwa ˗an dɔ.—1 Ko. 9:26.