˗Kwa ˗an ꞊klaŋ kë pë ˗nu ˈö ˈwo ˗dho ˗an ˈgüman ˗an ˈka

Pë ˈö Yesu ˗ya ˗kë

VIDEO: Yesu ˗ya ˗zɔn ꞊dhɛ kwa Dë ˗zo ˗yö kwa ˈˈpiʋ̈

1. VIDEO ˈö yö ˗a ˗ga ɛɛnˈˈ Matiö 6:​25-27 ˗wo pö. ˈBha ü bo, ˗bhö ü ˗zota dhɛɛˈˈ ˗nu ˈö ˈwo yö ˗an ˈgü:

1. Yesu ˗ya ˗zɔn ˗kɔ ˗kë ꞊dhɛ ꞊dhɛ Zoova ˗zo ˗yö kwa ˈˈpiʋ̈?

2. ˈKö ˗kë ꞊dhɛ Yesu ˗yö ˈwɔn ˗nu ˈwo ˗gban ˗mannën ˗nu ˗bha ˗a ꞊va ˗dɔ, ˗a ˗mɛɛn ˗nu ˈö ö ˈˈtʋ̈ŋ ˗kë ˗an ˈgü? ˈMën ˗kë ˈö˗ ˗kë ˈˈdhʋ̈ ˗sü ˈö kun mɛn ꞊klaŋ kë ˗kɔ ˗së ˈka?

˗Gleŋ ˗mɛɛn ˈö Yesu ˗ya ˗da kwa ˗bha?

2. ˈKwa mɛn ˗nu ꞊klaŋ kë pë ˗nu ˈö ˈwo ˗dho ˗an ˈgüman ˗an ˈka, ˗an ˗zo ˈyii ˈdho bhɔ ˗an ˈka, ˈgo mü ˈzü ˗yö ˗dho ˈpa ˗an zuʋ̈ˈˈ ˈka.

˗Kwa ʒiö Yesu ˗bha ˈwɔnzuan ˈˈpiʋ̈

3. ˈKwa ˈdho ˈwɔn blɛɛˈˈ ꞊va. ˗Kwa ˈto pë ˈö ˈsëëdhɛ ˗be ˈö ˈkwa˗ draanˈˈ ˗ni ˈgü, ˗a ˈgü ꞊nën˗ ˗ta. ˈKwa ˈdho ʒiö ˈwɔn ˈˈpɛpɛ ˈkwa˗ dɔ ˈö ˗gban ˈwɔn ˗gɔ ˈö ˈkwa˗ draanˈˈ ˗ni ˈgü bhë ˗a ˗bha, ˗a ˈgü. ˈKwa dhɛɛˈˈ ˈkpɔ kwa ˗bha Biblö ꞊klaŋ ˗nu ˗gɔ, ˗kwa kwa ˈˈɲan ˈto kö ˗wa ˗yɔ bɔ. ꞊Ya kë ꞊dhɛ ˈwaa˗ ˗yɔ dɔ ɛɛnˈˈ ˗wa pë ˈbha ˈö ˈyii ˈgo Biblö ˈgü ˗a pö, ˗kwa dhɛɛˈˈ ˈˈwɛɛ ˈbha ˗nu ˈö ˈwo ˗dho ˗an ˗takun ˗a ˈgümansü ˗bha, ˗an ˈkpɔ ˗an ˗gɔ. ˗Wa wo bo ˗a ˈgümansü ˈka, ˗kwa ˈdho ˈˈdhiʋ̈.

4. ˗Kwa kwa bha Biblö ꞊klaŋ ˗nu ˗takun kö pë ˈö ˈwo˗ dɔ ˈsaadhö ˗wa ˗gban ˗a ˗dɛɛ ˈö ˈwo˗ draanˈˈ ˗ni ˈgü, ˗a ˗bha. ˗A ˈwɔnzuan do ꞊nɛɛn: ˈˈSanni ˈkwa ˈwɔn ˗gɔ ˈö ˗gban ˗gogagüsü ˗bha ˗a draansü züdɔ kwa ˗bha Biblö ꞊klaŋnën ˈbha ˈˈpiʋ̈, kwa ꞊mɔɔn˗ ˗bha ˈkwa ʒiö ˈdɛdɛ ˈka pë ˈö˗ ꞊draan ˈö ˗gban mɛn ˗nu ˈö ꞊wa ga ˗an ˗bha bhë, ˗a ˈgü.

5. ˗Kwa yö kë ˈwɔnzuan ˗nu ˈka ˗së ˈka. ˈˈSanni ˈkwa ˈwɔnzuan ˈbha ˈsü, ˗kwa kwa ˗de dhɛɛˈˈ ˈkpɔ:

1. ‹ˈWɔnzuan ˈö bhë ˗a ˈgümansü ˗yö ˈˈplëëplë ˗ee?›

2. ‹N ˗man Biblö ꞊klaŋnën ˗dho ˗a ˈgüman ˈˈvaandhö ˗ee?›

3. ‹˗Yö ˗dho ˗a ˗takun kö ˈpë ˈkwa˗ draanˈˈ ˗ni ˈgü bhë ˗a ˈwɔn gaga ˗nu ˗wo ˈto ˗a ˈˈɲaan ˗ee?›