Dhɛɛˈˈ ˗yɔ ˗nu

◼ ˈˈTʋ̈ŋ ˗mɛɛn ˈwo ꞊mɔɔn˗ ˗bha ˗wo Biblö ˗draan mɛn ˈˈpiʋ̈ ˗sü ˈduannu ˗a ˈgü?

꞊Ya kë ꞊dhɛ Biblö ꞊klaŋ ˈbha ˗gɛn ˈyaa ˈdho ˗ni ˈgü ˈˈdhiʋ̈ ˈzü ˗Zlan ˗bha ʒiaan ˗ta, ˗yö ˗së kö ˈü˗ ꞊klaŋ kë ˗sü ˈduannu. ˗Bhö ˗a kë ˗gleŋ ˈka. (Mat. 10:11) Dhɛɛˈˈ ˗nu ˈwo yö, ˗bhö ü ˗zota ˗an ˈgü. ˈBha ˈdho ˗a ˗mɛn ꞊klaŋ kë, ü ˗kpan ˗a ˗bha ˗ee? ˗Yö ö ˗de ˗baa ˗a ˗bha ꞊klaŋ ˗bha ˈˈdhiʋ̈ ˗be ˗ee? ˗Yö ˗dho ˗zlanwokɔdhi ˗bha ˗bhɔkwëë ˈbhaa ˗nu ˗ta ˗ee? Pë ˈö˗ ꞊draan bhë, ꞊ya ˗wɔn ˗blɛɛ mɛn ˈˈwɛɛ ˗nu ˗dhɛ ˗ee? ˗Ya ö ˗bha ˗tosɛta kë ˗kɔ ˈbhaa ˗nu bho ˈˈgblʋʋ kö ˗yö ˗bɛ ˗Zlan ˗bha ˈtɔŋ˗ ˗nu ˈwo Biblö ˈgü ˗an ˗bha ˗ee? ˈˈKɛɛ ˈü ü ˗zota ˗ni ˈgü dhɛɛˈˈ ˗nu ˈwo bhë ˗an ˈgü, ˗bhö ü ˗zo ˈto ˗a ˗mɛn ˗kwɛ waa pë ˈö ꞊mɔɔn˗ ˗bha kö ˗ya kë ˗an ˈˈpiʋ̈. Ü ˗zo ˈya ˗dho bhɔ ˈpö ꞊dhɛ mɛn ꞊gban ˈˈpɛpɛ ˗gɛn ˗dho ˈˈdhiʋ̈ ˗kɔ ˈyaa do. ꞊Ya ˈgo mü ˈzü, ˈbha˗ pö ü mɛn ˈbha ˗bha Biblö ꞊klaŋ ˈduannu, ˗kɔ ˈü ˗dho ˗a kë˗ ˈka kö ˗yö ˈˈwɩ Biblö draansü ˗bha ꞊taabha bhë, ˗bhö ˗a kë.​—1 Tim. 2:4.