˗Kɔ ˗nu ˈkwa ˗dho yö kë JW Library ˈka

KÖ ˈKWA KWA ˗DE ꞊KLAŊ KË:

• ˗Bhö Biblö waa ˗dhɛkpaɔyi ˗dhɛ ˈö ˈdhö, ˗a ˗bha Biblö ˈˈɲan ˗nu ˗wo pö.

• ˗Bhö Annuaire, ˈˈsu ˗bha ˈsëëdhɛ ˗be ˈnën ˗nu waa ˈsëëdhɛ ˈˈwɛɛ ˗nu ˗wo pö. ˗Bhö yö kë mɛn ˈˈdhiʋ̈todhɛ ˗zɔn ˗a ˈka pë ˈka

• ˗Bhö ˗zlanwokɔdhi ˗bha ˗bhɔkwëë ˗nu baaˈˈ, ˈü pë ʒiö ˗an ˗yɔ ˗ta.

• ˗Bhö video ˗nu ˗ga.

˗BHƆKWËË ˗NU ˗TA:

• Biblö ˈˈɲan ˗nu ˈö dhiaŋzëmɛn ˗ya ˗wɔn ꞊blɛɛ bhë, ˗bhö ˗a mɛɛnˈˈ. ˗Bhö yö kë ˗kwɛzlan ˈˈpian ˈka kö ˈü ü yee kë ü ˈˈgblʋʋ ˗ta.

• ˗Bhö ü ˗bha telefɔnö ˈsü kö ˈü ü ˗zoto ˗bhɔkwëë ˈˈpian ˗nu ˈˈpiʋ̈, kö ˈü ˈˈtan ˗nu bho. ˈBha ˈdho nu ˈsëëdhɛ ˗be ꞊va ˈka ˈzü. ˈˈTan ˗dɛɛ ˗nu ˈö ˈwaa kwa ˗bha ˈˈtan ˈsëëdhɛ ˗be ˈgü ꞊köŋ, ˗wo JW Library ˗ta.

˗ZLANWOPÖDHƐ ˈGÜ:

• ˗Bhö pë ˈbha ˗zɔn mɛn ˈbha ˈö ˗Zlan ˗wo ˗dhɔ ˈdhö˗ ˗bha, ˗a ˗dhɛ JW Library ˗ta. ꞊Ya ˈgo mü, ˗bhö ˗a ˗takun kö ˗yö app bhë, waa ˈsëëdhɛ ˗nu ˈsü ö ˗bha telefɔnö ˗ta.

• ˗Bhö pë mɛɛnˈˈ ˗sü ˈˈpian ˈsü kö ˈü Biblö ˈˈɲan ˗nu mɛɛnˈˈ. ꞊Ya kë ꞊dhɛ ˗wo ˗bhüöö ˈbha ˈyaa Traduction du monde nouveau ˗dɛɛ ˈgü, ˗bhö ˈˈdhʋ Bible avec notes et références ˈgü, kö ˈü˗ mɛɛnˈˈ ˗dɛɛwo.

• ˗Bhö video do ˗zɔn. ˈNën ˗ya kë˗ ˗mɛn ˗gɔ, ü ꞊mɔɔn˗ ˗bha ˈü Deviens l’ami de Jéhovah ˗bha video do ˗we. Ɛɛnˈˈ ˈzü, ü ꞊mɔɔn˗ ˗bha ˈü vidéo ˗Mën ˈö ˗kë ˈkwa ˗dho Biblö draanˈˈ? ˗zɔn ˗a ˗mɛn ˗dhɛ kö ˗yö Biblö draansü ˗dhɔ ˗da ˗a ˗bha. ꞊Ya kë ꞊dhɛ ˗a ˗mɛn ˗yö ˗wo ˈˈwɛɛ pömɛn ˈka, ˗bhö video do ˗zɔn ˗a ˗dhɛ ˗a ˗de ˗wo ˈgü.

• ˗Bhö Biblö ˈˈɲan ˈö ˗wo ˈˈwɛɛ ˈgü, ˗a ˗zɔn mɛn ˈbha ˗dhɛ Biblö ˗wo ꞊dhiëëta ˗kɔ ˈˈwɛɛ ˈü˗ sü ˗a ˈgü. ˗Bhö ˈˈdhʋ ˗a Biblö ˈˈɲan ˗dhɛ ˈgü, kö ˈü ü ˗kɔ ꞊nënŋ ˗a ˈˈɲan ˈˈsɛɛn˗ ˈˈnimlɔn ˗dhɛ ˈü˗ ˈˈpiʋ̈ ˗a ˗ta, kö ˗yö Biblö ˗wo ꞊dhiëëta ˗kɔ ˈˈwɛɛ ˗nu ˗zɔn ü ˗dhɛ.