KWA ˗BHA ˗KË KLETIƐN ˈKA ˗SÜ

ˈKwa˗ ˈˈpiʋ̈ ˈkwa mɛn ˗nu kë Yesu ˗bha gwëëˈˈ ˗nu ˈka, ˗kwa ˗zlanwopö ˗an ˗dhɛ, ˈkwa ˗an ꞊klaŋ kë

Yesu ˗ya ˗pö ö ˗bha ꞊klaŋ ˗nu ˗wo ˈdho ˗wo mɛn ˗nu kë ö ˗bha gwëëˈˈ ˗nu ˈka. (Mt 28:19) ˗A kë ˈˈdhʋ̈ ˗sü ˈgü, kwa ˗bhawɔn ˗zlanwopösü waa mɛn ꞊klaŋkësü ˗bha. ˗Dhɛ ˈö ˈˈdhʋ̈, kwa kwa ˗zota ꞊shiöŋ ꞊shiöŋ ˗kɔ ˈö ˈkwa ˗dho ˗a kë ˗a ˈka kö kwa ˗gɛn ˗yö ˈdho ˈˈdhiʋ̈ pë ꞊plɛ bhë˗ ˈgü, ˗a ˈgü?

˗ZLANWOPÖSÜ

ˈKwa ˈdho kwa ˈˈɲan ˈto kö mɛn ˗nu ˗wo nu kwa ˈˈpiʋ̈. ˗Kwa ˈdho ‘ˈmɛ ˈö dho ˗kɔ ˗ya kwa ˗dhɛng ˗bha’ ˗a mɛɛnˈˈ. (Mt 10:11) ˈKwa ˗zlanwopö ˗ni ˈgü, ˗kɔ ˈö ˈkwa ˗dho dhiaŋ zë ˗a ˈka mɛn ʋʋ mɛn ˈö “ˈˈdhɛɛ ˈkpii˗ ˈgü ˗dhɛ ˗nu ˈgü” ˗a ˗dhɛ ˈkwa˗ ˈˈslö ˗mɛɛn ˗ee? (Kë 17:17) Bɔmɛn Pɔdhö ˗bha ˗zlanwopö ö ꞊faan ˈka ˗sü ꞊nën˗ ˗kë ˈyö Dhidi ˗yö ˗kë Yesu ˗bha gwëëˈˈ ˈka.—Kë 16:13-15.

Samiɛ ˗yö ˈsëëdhɛ do nu ˗ni ˈgü Ezekiɛdhö ˗dhɛ. Sadhomɔn waa Madhi ˈwo ˗zlanwopö ˗ni ˈgü Ezekiɛdhö waa Abigaidhö ˗an ˗dhɛ. — “Dhiapiʋ̈, ˗bhö ü ˗bha pë ˗ta ˗yö ˈdho ˗yö yö˗ ˈka ˈˈdooka ˗bha, ü ˈgü ˈya ˗dho ga.” (Ec 11:6)

˗KA VIDEO ˗KWA ˗ZLANWOPÖ ˈKWA ˈDHO ˗A ˈKA ˈˈDHIƲ̈ “˗KPLAWO”: ˗DHƐ ˈˈOO ˗DHƐ ˈGÜ WAA ˈKƆ ˈGÜ ˈKƆ ˈGÜ ˗GA. ꞊YA ƝËN, ˗KA DHƐƐˈˈ ˗NU ˈWO YÖ ˗AN ˗YƆ BƆ:

Yi ˈˈpɛpɛ ˈka, Samiɛ ˗ya ˗zɔn ö këwɔn ˗nu ˈgü˗kɔ ˗kë ꞊dhɛ ꞊dhɛ ˗ya ˈˈpiʋ̈ ˈö gagade ˗zɔn mɛn ˗nu ˗dhɛ?
ˈMën ˗kë ˈkwa ˗dho kwa ˈgü dɔ ˈˈgbɩɩ˗ kö ˈkwa ˗zlanwopö ˗kɔ ˗suu ꞊gban kë?
˗De ˗nu ˈü ꞊mɔɔn˗ ˗bha ˈü ˗Zlan ˗bha ˗Gblüdëdhɛ ˗nɔɔn pö ˗an ˗dhɛ yi ꞊gban ˈka?

MƐN ꞊KLAŊKËSÜ

ˈKwa˗ ˈˈpiʋ̈ ˈkwa mɛn ˗nu kë Yesu ˗bha gwëëˈˈ ˗nu ˈka, ˈsëëdhɛ ˈˈkpaan ˗to ˗an ˗gɔ ˗sü ˈyaa ꞊mɔɔn. ˈKwa˗ ˈˈpiʋ̈ kö ˗Zlan ˗dhɔ ˗yö ˗an kë, kwa dua ˗mü kö ˈkwa wo ˗an ˗dhɛ ˗gɛnɲan ˈka ꞊va kö ˈkwa ˗an ꞊klaŋ kë Biblö ˈka. (1Ko 3:6-9) ˈˈKɛɛ mɛn ˈbha ˈö ˈkwa kwa ˈgü dɔ ˈˈgbɩɩ˗ ˈkwa˗ ꞊klaŋ ˗kë, ˗a ˗gɛn ˈyaa ˈdho ˗ni ˈgü ˈˈdhiʋ̈ ꞊wɛ, ˈmën ˈkwa ˗dho ˗a kë? (Mt 13:19-22) ˗Kwa dua ˗mü kö mɛn ˗nu ˈö ˗an zuʋ̈ ˈdhö ꞊dhɛ “ˈˈsɛ ˗së” ˈdhö ˈkwa ˈdho ˗an mɛɛnˈˈ ˗sü ˈka ˈˈdhiʋ̈.—Mt 13:23; Kë 13:48.

Sadhomɔn waa Madhi ˈwo ˗zlanwopö ˗ni ˈgü Ezekiɛdhö waa Abigaidhö ˗an ˗dhɛ. Ezekiɛdhö waa Abigaidhö wo ˗zlanwopö ˗ni ˈgü ˈˈdhɛɛta. — “Ma ꞊në ma ˗zë ˈa˗ ta, ˈyö Apodhɔsö ˗yö ˈˈyi kpɔ˗ ˗ta. ˈˈKɛɛ ˗Zlan ꞊në yö ˗zë ˈö˗ ˗bhong ˗ya ˈˈdhiʋ̈ ˈyö bhɔ.” (1Ko 3:6)

˗KA VIDEO ˗KWA ˗ZLANWOPÖ ˈKWA ˈDHO ˗A ˈKA ˈˈDHIƲ̈ “˗KPLAWO”: ˈˈDHƐƐTA WAA MƐN ˗NU ˗KË YESU ˗BHA GWËËˈˈ ˈKA ˗SÜ ˗GA. ꞊YA ƝËN, ˗KA DHƐƐˈˈ ˗NU ˈWO YÖ ˗AN ˗YƆ BƆ:

Sadhomɔn waa Madhi ˗wo ˈˈyi ˗lo ˗gagade ˈwo˗ ta Ezekiɛ waa Abigaidhö ˗an zuʋ̈ˈˈ ˈgü bhë, ˗a ˗ta ˗kɔ ˗kë ꞊dhɛ?
ˈMën kwa dua ˈdhö ˗mü ˈkwa ˗ya kwa ˗zo ˈˈpiʋ̈ ˈö ˗gban ˗zlanwöpo ˗kɔ ˈˈpɛpɛ ˈö˗ ˈbhaa ˗kë ˗zlanwopö ˈˈdhɛɛta ˗sü ˈka bhë ˗an ˗bha?
Kwa ˗dho ˗a ˗zɔn ˗kɔ ˗kë ꞊dhɛ ꞊dhɛ mɛn ˈˈwɛɛ ˗nu ꞊klaŋ ˗kë gagade ˈka ˗sü ˗wɔn ˗yö kwa ˗gɔ ˈˈgbɩɩ˗?