˗Zlan ˗bha ˗zuu ˈˈslʋ̈ʋ̈slʋ̈ ˗yö ˗lɔɔ Kletiɛn ˗nu ˗ta

2:1-8, 14, 37, 38, 41-47

Zuifö ꞊vadhɛ ˈwo kun Zedhizadhɛmö Paŋtökɔtö ˈö ˗kë ˗kwɛ 33 K.Y. ˈka bhë, ˗wo go ˈˈsɛ ˈˈwɛɛ ˈgü. (Kë 2:9-11) ˈKö ꞊dee ˗Zlan ˗bha ˈtɔŋ˗ ˈsëëdhɛ ˈö Moizö ˗ya ˗bɛn zë bhë ˗wa ˗kun, ˗a ˈbha ꞊ya kë kö ˗wo wo ˗bha ˗tosɛta ꞊gban ˗kë ˗dhɛŋ ˈplöö. (Jr 44:1) ˗Dhɛ ˈˈdhʋ̈, ˗yö kë ꞊dhɛ ˗an ˈbha ˗nu ˈwaa kun bhɔ ˗ni ˈgü Zuifö ˗nu ˗bha ˈzü. ˗Wo ˗kun dhiaŋ zë ˗ni ˈgü ˈö ˈwo ˈwɔn ˗nu kë ꞊dhɛ ˈˈsɛ ˈwo˗ ˈgü bhë ˗a ˈgümɛn ˗nu ˈdhö. ˗Dhɛ ˈö mɛn 3.000 ˈwo go ˈˈsɛ ꞊gban ˈˈpɛpɛ ˈgü ˗wo bɔ ˈˈyi ꞊bhaa bhë, ˈyö mɛn suu ꞊va ˗yö ˗da Kletiɛn ˗nu ˗bha ˗zlanwokɔdhi ˈgü. ˈKö kë ꞊dhɛ ˗an ˈgodhɛ ˈyaa kun do, «˗wo ꞊loo ˈko ˗ta ˗dhɛkpaɔyi ꞊gban ˈˈpɛpɛ ˈka Zuifö ˗nu ˗bha ˗Zlan ˗dhɔkëgükɔ ˈgü.»—Kë 2:46.

Ü ˗dho ˗a ˗zɔn ˗kɔ ˗kë ꞊dhɛ ꞊dhɛ ˈü ü ˈˈtʋ̈ŋ ˗kë ꞊dedewo ...

• ˈˈsɛ ˈˈwɛɛ ˈgü mɛn ˗nu ˈwo ü ˗bha ˈˈyasa ˈgü, ˗an ˈgü?

• ü ꞊dhegblü ˗nu ˈwo ü ˗bha ˗zlanwokɔdhi ˈgü ˈö ˈwo go ˈˈsɛ ˈˈwɛɛ ˈgü, ˗an ˈgü?