KWA ˗BHA ˗KË KLETIƐN ˈKA ˗SÜ

ˈWɔn ˗së ˗nu ˈö ˗Zlan ˗zo ˈyaa bhɔ ˗an ˈka

Zoova ˗dhɔkëmɛn ꞊gban ꞊mɔɔn˗ ˗bha kö ˗wo ˈwɔn ˗së ˈö Zoova ˗zo ˈyi ˈdho bhɔ ˗a ˈka ˗a kë. ˈNënmɛn ˈö˗ ˗bha ˈnën ˗nu ˗dhɔ ˗ya ˗kë, ˗a ˗zo ˈyaa bhɔ ˈwɔn ˗së ˈö ˈwo˗ ˗kë ˗a ˈka. ˗Kɔ do bhë˗ ˈka ˈpö Zoova ˗zo ˈyii ˈdho bhɔ ˈwɔn ˗së ˈkwa˗ ˗kë ˗a ˈtɔ ˗dhɔ ˗bha bhë ˗a ˈka. (Mt 6:20; Eb 6:10) ˗Yö ˈˈdhʋ̈, ˈˈkɛɛ mɛn ꞊gban kwa ˗bha ˗tosɛta waa kwa ˗kɔmɔɔnwɔnbhasü ˈwaa do. ˈKö kë ˈˈdhʋ̈, ꞊ya kë ꞊dhɛ ˈkwa kwa ˈgü dɔ ˈˈgbɩɩ˗ Zoova ˗bha yö ˗bha, kwa dho zuʋ̈niidadhe ꞊slɔɔ. (Ga 6:4; Ko 3:23) Kwa ꞊dhegblü ˈˈgblü ꞊va ˗wo ˗yö ˗kë Betɛlö ˗kwɛ ꞊va ˈˈpiʋ̈. Ka ˗de ˈpö ka ꞊mɔɔn˗ ˗bha ˈka ka ˗de nu ˈka yö ˗kë Betɛlö ˗ee? ˗A ˈˈsɩ ˈyaa ka ˗dhɛ, ka ꞊mɔɔn˗ ˗bha ˈka mɛn ˈbha ꞊faan mën kö ˗yö yö kë mü ˗ee, ɛɛnˈˈ ka ꞊mɔɔn˗ ˗bha ˈka betɛlögümɛn do ˗takun kö ˗yö ˈto ˗kpɛɛwo Betɛlö ˗ee?

˗BHÖ VIDEO QUE PEUX˗TU FAIRE POUR SERVIR AU BÉTHEL ? ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

ˈMën dho kwa ˗blü ˗yö ˗kë Betɛlö ˗sü ˗bha?
˗Mën ˈö mɛn ˈbha ˗nu ˈwo˗ pö ˈö ˗gban ˈdhuëë˗ ˗nu ˈwo˗ ꞊slɔɔ ˗yö ˗kë Betɛlö ˗sü ˈgü, ˗a ˗bha?
ˈKwa˗ pö ˈkwa yö kë Betɛlö, ˈˈklʋʋsë ˗mɛɛn ˈkwa ˗bhawɔn ˈdhö˗ ˗bha?
Ü ˗dho ˗a kë ˗kɔ ˗kë ꞊dhɛ kö ˈü yö kë Betɛlö?

Betɛlömɛn ˗nu ˗yaaga ˗wo yö ˈbha kë ˗ni ˈgü ɔdinatëë ˗ta. Kwa ꞊dhegblü do ˗yö ˈsëëdhɛ ˗nu ˗da ˗ni ˈgü pë ˈgü. Kwa ꞊dhegblü do ˗yö yö kë ˗ni ˈgü ˈˈdhüɲëndhɛ ˈgü, Betɛlö.