KWA ˗BHA ˗KË KLETIƐN ˈKA ˗SÜ
Kwa ꞊mɔɔn˗ ˗bha ˈkwa kwa ˗bha ˈˈtʋ̈ŋ waa kwa ꞊faan nu ˗ee?
Zoova ˗bha ˗kɔlokota ˈˈpian ˗dhɛ ˈö ˈˈsɛ ˗ta ˗yö ˗da ˗ni ˈgü˗ ˈˈdhiʋ̈ ꞊dedewo ꞊dhɛ ˗kɔ ˈö Izai ˗ya to˗ ˈˈdhiʋ̈ ˈö˗ ꞊blɛɛ ˈka˗ bhë, ˗a ˈdhö. (Is 54:2) ˗A ˗da ˈˈdhiʋ̈ ˗kɔ ˗ya ˗kë ˈö kwa ˗bhawɔn ˗yö yö ˗bhɔkwëëkëgükɔ ˗nu, ˗bhɔkwëë ˈkpii˗ ˗kë ˗dhɛ ˗nu waa Betɛdhö ˗kɔ ˗dɛɛ ˗nu dɔ ˗sü ˗bha. ˈKɔ nu ˈwo bhë, ˈkwa kwa bo ˗an dɔ ˗sü ˈka kwa dua ˗mü kö ˈkwa kwa ˗zokë ˗an ˈˈpiʋ̈, kö ˈkwa˗ ˗dhɛ ˗nu ˈö ˗wa shiʋ̈ˈˈ ˗an baaˈˈ. Kwa dho kwa ˗bha ˈˈtʋ̈ŋ waa kwa ꞊faan nu Zoova ˗dhɛ ˗kɔ ˗kë ꞊dhɛ ˈˈtʋ̈ŋ ˗nu bhë, ˗an ˈka?
꞊Ya kë ꞊dhɛ kwa ˗bha ˗zlanwopö kpö ꞊nën˗ dua ˈdhö ˗mü kö ˗yö ˗bhɔkwëëkëgükɔ ˗gloo ɛɛnˈˈ ˗a ˈˈzu, ˗kwa kwa ˗kɔ ˗da ˗a ˗yö ˈgü.
Kwa ꞊mɔɔn˗ ˗bha ˈkwa kwa ˗de nu kö ˗kɔ ˈö ˈwo wo ˗zokë ˗a ˈka ˗bhɔkwëëkëgükɔ ˗nu ˈˈpiʋ̈, ˗wa ˗zɔn kwa ˗dhɛ.
Kwa ꞊mɔɔn˗ ˗bha ˈkwa kwa ˈtɔ ˗ya Demande d’admission comme volontaire local développement/construction (DC-50) ˗ta, kö ˈkwa ˈkɔdɔmɛn ˗nu ˗takun ˗bhɔkwëëkëgükɔ ˗nu ˈwo kwaa ˈˈpian ˈˈpiʋ̈ ˗an dɔ ˗sü ɛɛnˈˈ ˗zokë ˗an ˈˈpiʋ̈ ˗sü ˗bha.
Kwa ꞊mɔɔn˗ ˗bha ˈkwa kwa ˈtɔ ˗ya Demande d’admission comme volontaire (A-19) ˗ta, kö ˈkwa ˈˈwɩ˗ ˗bha kö ˈkwa kwa ˗bha Betɛdhö ɛɛnˈˈ Betɛdhö ˈˈwɛɛ ˗takun ˈˈdhoogɔ do ɛɛnˈˈ ˈˈdhoogɔ ꞊va ˈˈpiʋ̈.
˗BHÖ VIDEO UN NOUVEAU PROJET DE CONSTRUCTION (EXTRAIT) ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
ˈÖ sü ˗kwɛ 2014 ˗bha ˈö yö˗ ˈka ꞊dɛɛ ˗bha, kwa ˗bha yö ˗kë video ˗nu ˈka ˗sü ˗ya ˗dadhiʋ̈ ˗kɔ ˗kë ꞊dhɛ?
˗Mën ˈö˗ dɔ ˗sü ˗wɔn ˈdhö ˈdhö kö video ꞊va ˈö kwa ˗bhawɔn ˈdhö ˗an ˗bha bhë, ˈkwa ˗an ꞊slɔɔ? ˈYö ˗a dɔ ˗sü ˗dho ˈˈtʋ̈ŋ ˗dhɛ ˈsü?
˗Kɔ ˗mɛɛn ˈö kwa ꞊mɔɔn˗ ˗bha ˗a ˈka kö ˈkwa kwa ˗de nu yö ö bhë ˗a ˗dhɛ?
꞊Ya kë ꞊dhɛ ˈkwa˗ ˈˈpiʋ̈ kö mɛn ˗nu ˈwo dho ˈkɔ dɔ Ramapo ˈkwa ˗an ˗takun, ˈmën ˗kë kwa dua ˈdhö ˗mü kö ˈkwa kwa ˈtɔ ˗ya DC-50 ˗ta, kö yö ˗nu ˈö LDC ˗mɛn ˗nu ˈwo˗ ˗kë kwa ˈˈsɔɔ bhë, ˈkwa ˗an ˗takun ˗a ˗bha?
˗Mën ˈö˗ ˗zɔn ꞊dhɛ Zoova ˈnën «ˈˈdhiʋ̈sü» ˗ni ˈgü yö ˈö bhë, ˗a ˈka?
꞊Ya kë ꞊dhɛ ˈkwaa ꞊mɔɔn˗ ˗bha kö ˈkwa kwa ˗kɔ ˗da ˈkɔ dɔ ˗sü ˗yö ꞊dede ˈgü, kwa ˗dho kwa ˗kɔ ˗ya ˗a ˗gɔ ˗kɔ ˗kë ꞊dhɛ?