˗Kwa we mü kwa ˈsuan ˈka

Kletiɛn ꞊gban ˈˈpɛpɛ dua ˗mü kö ˗an ˗kɔ ꞊mɔɔn wo ˗de ˗bha ˈwɔn ˈö ˗gban we mü ˗sü ˗bha, ˗a ˈgü. (Pr 23:20, 29-35; 1Ko 6:9, 10) Kletiɛn ˈbha ˈö˗ ˈˈpiʋ̈ kö ˗yö ˗we mü, ˗a dua ˗mü kö ˗ya mü ö ˗naan ˈka. ˗A dua ˈyaa ˗mü kö ˗yö kë we ˈˈdudu mü mɛn ˈka, ɛɛnˈˈ kö ˗a ˗bha we mü ˗sü ˗yö mɛn ˈˈwɛɛ ˗nu ˗gɛn ˈˈdhiʋ̈ ˗zuö. (1Ko 10:23, 24; 1Ti 5:23) Mɛn ˈbha dua ˈyaa ˗mü kö ˗yö ˈˈflɔsɩ wɔ mɛn ˈˈwɛɛ ˗nu, ˈö ˗an ˈbha ˗nu ˗kë wlüünën ˗nu ˈka bhë ˗an ˗ta kö ˗wo we mü.

˗BHÖ VIDEO BOIRE OU PAS : DANS TOUS LES CAS, PENSE AUX DÉGÂTS ! ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• ˈMën ˗kë kletiɛn ꞊gban dua ˈdhö ˗mü kö ˗wo ˈtɔŋ˗ ˈö ˗gban we mü ˗sü ˗bha, ˗a ˈkun?​—Wlɔ 13:1-4

• ˈMën ˗kë kwa dua ˈyaa ˗mü kö ˈkwa kwa ꞊kwaa mɛn ˈˈwɛɛ ˗nu ˗zü kö ˈwo ˈˈflɔsɩ wɔ kwa ˗ta kö ˈkwa we mü?​—Wlɔ 6:16

• Kwa ˗dho ˈˈkan ˗kɔ ˗kë ꞊dhɛ ˈwɔn ˗nu ˈwo ꞊mɔɔn˗ ˗bha ˈwo kwa ˗da we ꞊va mü sü ˈgü, ˗an ˗bha?