˗Kwa kwa ˗bha Biblö ꞊klaŋnën ˗nu ˗takun kö ˗wo ˈˈkan ˈˈtakɔ yaa ˗nu ˗bha

Mɛn ˗nu ˈö ˗an ˈˈta ˗kɔ ˈdhö ˗së woo dosɛnŋ ꞊nën ˈwo ꞊mɔɔn˗ ˗bha ˈwo ˗kë Zoova ˈˈtɔŋdë ˗nu ˈka. (1P 1:14-16) Kwa ˗bha Biblö ꞊klaŋ ˗nu ˗wa ˈˈkan ˈˈtakɔ yaa ˗nu ˗bha, ˗an ˗bha ˈkɔdhi ˗dho dɔ. ˗Wo ˗dho kë wo ˈflëë˗ ˈgü ˈö ˈwëëga zuʋ̈dhitʋ̈tɛɛ ˈyaa ˗ya ˗an ˗bha.

˗Kwa Zoova ˗bha ˈtɔŋ˗ ˗nu ˈwo ˗gban ˈˈtakɔ ˗së ˗bha bhë, ˗an ˗zɔn ˗an ˗dhɛ ˈˈpuu ˈka. ˈPë ˗kë ˈö ˗an dɔ kwa ˗ta waa ꞊trɔɔn ˈö ˗an ˈkun ˗sü ˈgü, ˗kwaa ˗zɔn ˗an ˗dhɛ ˈpö. ˗Kwa kwa ˗bha Biblö ꞊klaŋ ˗nu ˗takun ˗kplawo kö ˗wo wo ˗zota ˗kɔ bho ˈˈgblʋʋ. ꞊Waa˗ kë ˈˈdhʋ̈, ˗wo ˗dho ꞊mɔn pë ˈö Zoova ˗dhɛ ˗së ˗a kë ˗sü ˗bha. (Ef 4:22-24) ˗Kwaa pö ˗an ˗dhɛ ꞊dhɛ Zoova ˈsaa˗ ˈgü, ˗wo ꞊mɔɔn˗ ˗bha ˈwo ˗kan ˈˈtakɔ yaa ˈbha ˗bha. (Fdh 4:13) ˗Kwaa pö ˗an ˗dhɛ ꞊dhɛ ˈwɔn yaa kë ˗sü ˗dhɔ ˗ya ˗da ˗an zuʋ̈ˈˈ ˈgü, ˗wo bhɛɛˈˈ ꞊dedewo Zoova ˗dhɛ. ˗Kwa ˗an ꞊faan dɔ kö ˗wo ˈwɔn ˗së kë ˈwɔn yaa ˗nu ˈˈgblʋʋ ˈgü. Kwa ˗bha Biblö ꞊klaŋ ˗nu ˗wa ˈˈkan ˈˈtakɔ yaa ˗nu ˗bha Zoova ˈsaa˗ ˈgü, kwa zuʋ̈ˈˈ ˈˈgblü ˗dho dhi.

˗BHÖ VIDEO ˗BHÖ Ü ˗BHA BIBLÖ ꞊KLAŊNËN ˗NU ˗TAKUN KÖ ˗WO ˈˈKAN ˈˈTAKƆ YAA ˗NU ˗BHA ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  Nita waa mɛn zii ˗nu ˗wa ˗zɔn ˗kɔ ˗kë ꞊dhɛ ꞊dhɛ ˗an ˈdhaŋ bho ˗sü ˗yö ˈˈSënŋ ˈˈdhiʋ̈?

• 

  Nita ˗yö ˈˈSënŋ ˗takun ˈzü ˗kɔ ˗kë ꞊dhɛ?

• 

  ˈˈSënŋ ˗yö ˗bhɛɛ kö Zoova ˗ya ˗takun ˗kɔ ˗kë ꞊dhɛ?