˗Kwa kë ˗yödhiʋ̈ ˈka

˗Zlan ˗bha yö ˈbhaa ˗nu kë ˗sü ˗wɔn ˗ya kwa ˗zo ˈˈpiʋ̈ ˗sü kwa ˗takun ˈö ˈkwa ˈwɔn ˗së ˗kë kwa ꞊faan ˈka. (1Ko 9:26) ˈˈKpɔnŋtaadhɛ ɲën ˈˈtʋ̈ŋ ˈyaa ꞊gblɛɛn ˈzü. ˗A ˗wɔn ˈgü ˗Zlan ˗bha yö kë ˗sü ˗wɔn ˗ya kwa ˗zo ˈˈpiʋ̈ ˗sü kwa ˗takun ˈö ˈkwa ˈwɔn ˗së ˗kë ˈˈtʋ̈ŋ ˈnën ˈö ˗ya ˈto bhë ˗a ˈka. (Ef 5:15, 16) Ka ˗bha ˗Zlan ˗dhɔkë ˈkɔɔsü ˗ta, ˗kaa ka ˗bha ˈkɔdhigümɛn ˗nu ka ˈpë ˈka˗ ˈˈpiʋ̈ ˈka˗ kë ˗Zlan ˗bha yö ˈgü ˗zlanwopö ˗yö ˗kwɛ ˈö nu ˗ni ˈgü yö ˗a ˈka ˗a ˈˈdoo dɔ. Pë ˈö ˈka ꞊mɔɔn˗ ˗bha ˈka˗ ˗kë, ˗an ˈbhaa ˗nu ˗wo ˗bhɔkwëë ˗kë ˗a ˈka ˈsëëdhɛ ˈö yö ˗a ˈwɔn ˗gɔ ˈbha ˗nu ˈgü. ˈKa ka ˗zota ˗an ˈgü, ˈka bhɛɛˈˈ ˗Zlan ˗dhɛ ˗wo ꞊mɔɔn˗ ˗bha ˈwo ka ˗takun. —Zk 1:5.

˗A ˈbha ꞊ya kë ˈka ka ˈko ˗takun ˈkɔdhi ˈgü, mɛn do ɛɛnˈˈ mɛn ꞊plɛ ꞊mɔɔn˗ ˗bha ˈö ˈwo ˗kë ˈˈtʋ̈ŋ ꞊gban ˈgü ˗yödhiʋ̈ ˈka. ꞊Ya kë ꞊dhɛ ka ˗bhaa ˈka ˈkii ˈdho ꞊mɔɔn˗ ˗bha kö ˈka yö ˈˈlɛlɛ ˈö ˗yödhiʋ̈ ˗nu ˗wa ˗kë ˗a ˗bha, ˗kaa ˗wɔn blɛɛˈˈ ˗yödhiʋ̈ ˗nu ˈwo ˈwɔn suu do ˈka˗ ˈgü ˗a ˈgü ˗an ˗dhɛ. (Pr 15:22) Ka ꞊mɔɔn˗ ˗bha ˈka dhɛɛˈˈ ˗nu ˈkpɔ ˗an ˗gɔ ka ˗bha ˗Zlan ˗dhɔkë ˈkɔɔsü ˗ta. ˈKa ka bo, ˗ka ˈˈlɛlɛ ˗nu ˈka ˗dho ˗zlanwopö ˗an ˈka ˗an ˗bɛn zë. ꞊Ya kë ꞊dhɛ ka kun ˗yödhiʋ̈ ˈka zii ˈka ˗be, ˗ka ka ˗zota ˈˈni ˈka ꞊mɔɔn˗ ˗bha ˈka kë ˗a ˈka ˈzü ˈˈtʋ̈ŋ ˈö yö ˗a ˈgü kö ˈka˗ ˈwɔn dɔ.

Ka ˗bha ˈkɔdhigümɛn ˈbhaa ˗nu ꞊mɔɔn˗ ˗bha ˈwo kë ˗yödhiʋ̈ ˗kɔ ꞊löö ˈka ˈˈsu do ɛɛnˈˈ ˈˈsü ꞊va ˈˈpiʋ̈ ˗ee? ꞊Ya kë ꞊dhɛ ꞊faan ꞊va ˈyaa ka ˗gɔ, ˈka ˗zlanwopö ˈˈlɛlɛ ˈdɔɔni ˈka yi ꞊gban ˈka, ka ˗dho ꞊mɔɔn˗ ˗bha ˈka kë ˗yödhiʋ̈ ˗kɔ ꞊löö ˈka. ꞊Ya kë ˈzü ꞊dhɛ ˈˈtʋ̈ŋ ˈyaa ka ˗gɔ ˈyö ˗tɔ ꞊dhɛ ka ˈdho yi ꞊gban ˈka yö ˈˈdhiʋ̈ ɛɛnˈˈ ꞊klaŋplöö ka ꞊mɔɔn˗ ˗bha ˈka kë ˗yödhiʋ̈ ˈka ˈˈsu ˗nu ˈö ˈka ˈˈkwɛɛnŋdhö yi ꞊va ˈka ɛɛnˈˈ ˈö ˗an ˗bha ꞊glooyi ˗nu ˈwo ˈˈsoodhu bhë, ˗an ˈka. ˗Ka ˈˈsu ˗nu ˈka˗ ˈˈpiʋ̈ kö ˈka kë ˗yödhiʋ̈ ˗kɔ ꞊löö ˗nu ˈka ˗an ˈgü waa ka ˗bha ˗zlanwopö ˈˈtʋ̈ŋ ˗nu ˗ya kadhaŋdrie do ˗ta.—Pr 21:5.

˗BHÖ VIDEO KA ˈGÜ ˗YÖ KË ˈˈGBƖƖ˗ . . . ˗YÖDHIƲ̈ ˗NU ˗GA. ꞊YA ƝËN DHƐƐˈˈ ˈÖ YÖ ˗BHÖ ˗A ˗YƆ BƆ:

• Kwa ꞊dhegblüdhe Aaman ˗bha ˗bɔagüwɔn ˗ya ˗zɔn ˗kɔ ˗kë ꞊dhɛ ꞊dhɛ mɛn ˗nu ˈö ˈwo wo ˈgü dɔ ˈˈgbɩɩ˗ ˈwo kë ˗yödhiʋ̈ ˈka ˗an ˗dhɔ ˗yö Zoova ˗kë ˈö ö ˗zokë ˗an ˈˈpiʋ̈?