Pë draansü ˈˈslö ˈbha ˗nu

Kwa ˗dho ˗yökë « Nouveautés » ˈgü ˗kɔ ˗kë ˗dhɛ?

Kwa ˗bha JW Library ˈˈpian ˈö ˗kë « Nouveautés » ˈka bhë waa « Les nouveautés » ˈö jw.org ˗ta ˗an ˈgü, kwa ˗dho ˗kpan pë ˗dɛɛ ˗nu ˈwo yö ˈˈkpɛɛn ˗an ˗bha mü. Kwa ˗dho ˗a kë ꞊dhɛ kö pë ˗dɛɛ ˗nu ˈwo ˈˈdhʋ̈, ˈkwa ˗an ˗ga?

JW Library

• Pë ˗dɛɛ ˗ya yö ˈˈkpɛɛn, ˗yö ˗da ˈˈpian ˈö˗ ˈdho ˗dhɛ ˈka ˗a ˈgü. ˈDhɛ ˈˈdhʋ̈, pë ˗dɛɛ ˗ya yö ˈˈkpɛɛn « Nouveautés » ˈgü, kwa ꞊mɔɔn˗ ˗bha ˈkwa˗ ˈsü. Pë ˗dɛɛ ˈö ˈˈdhʋ̈, kwa ꞊mɔɔn˗ ˗bha ˈkwa ˗wo pö, ˈyö sü ꞊dhɛ ˗yö ˗ya ˗a ˗dhɛ ˗nu ˈwo mü ˗an ˗ta ˈˈdhuŋ. Pë ˗dɛɛ ˗nu ˈwo ˈˈpian ˈö bhë ˗a ˗ta, ˗an ˗yö ˈˈkpɛɛn ˈˈtʋ̈ŋ ˗yö ˗dhö.

• ˈSëëdhɛ ˗nu ˈwo ˗kë ꞊dhɛ ˈˈsu ˗bha ˈsëëdhɛ ˗nu ˈdhö bhë, ˈwɔn ˗gɔ ˗nu ˈwo ˗an ˈgü ˗wo ꞊va ˈö ˈkwaa ꞊mɔɔn˗ ˗bha ˈkwa ˗an ꞊gban ˗wo pö ˈˈtʋ̈ŋ do ˈgü. ˈKwa ˈti kwa bo ˗a ˗wo pö ˗sü ˈka, kwa ꞊mɔɔn˗ ˗bha ˈkwa˗ ˗da « Favoris » ˈgü. ˈKwa kwa bo, kwa ꞊mɔɔn˗ ˗bha ˈkwa ˗an bho mü ˈpö.

JW.ORG

ˈWɔn ˗nu ˈwo ˗gban ˗nɔɔn ˗dɛɛ ˗nu ˗bha bhë ˗wo ˗yö ˈˈkpɛɛn dosɛnŋ jw.org ˗ta, ˈwaa yö ˈˈkpɛɛn JW Library ˗ta. ˗Kwa ˈdho jw.org ˗ta zoodhö zoodhö ˈkwa ˗wo « Les nouveautés » ˈgü kö pë ˗dɛɛ ˗nu ˈwo mü, ˈkwa ˗an ˗ga.