˗Kwa Biblö kë ꞊dhɛ kwa ˗bha ˗dhuaŋdhe ˈdhö

Yesu ˗bha gwëëˈˈ Zakö ˗yö Biblö ˗zɔn ˗dhuaŋdhe ˈö kwa ˗takun kö mɛn ˈkwa ˗a ˈka ꞊dedewo kwa ˗a dɔ, ˗a ˈka. (Zak. 1:​22-25) Kwa ˗dho Biblö kë ꞊dhɛ kwa ˗bha ˗dhuaŋdhe ˈdhö ˗kɔ ˗kë ˗dhɛ?

˗Kwaa ˗wo pö ˗së ˈka. Kö ˈkwa kwa de ˗ga ˗bia ˈka ˗dhuaŋdhe ˈgü,˗a ˈbha ˗ya kë kwa ˈti ˗dho ˗kpan kwa ˗de zaadhɛ ˗nu ˗bha. ˗Kɔ do ˈö bhë ˗a ˈka ˈkwa Biblö ˗wo pö ˗bia ˗ta, ˈkwa ˈti ˗dho pë ˗nu ˈö kwa dua ˈdhö ˗mü kö ˈkwa ˗an bho ˈˈgblʋʋ ˗an yo. ˈˈKɛɛ ˈkwa˗ pö ˈkwa ˗an yö, kwa dua ˗mü kö ˈkwa Biblö ˗wo pö ˗kɔ ˗së kë.

˗Kwa kwa ˈˈɲan ˗klu kwa ˗de ˗bha ˗a ˗ya ꞊bhlëë ˈgü ˗kɔ ˗bha, ˈkwa ˗dho ˗a ꞊gban mɛn ˈˈwɛɛ ˗nu ˗bha. ˈˈTʋ̈ŋ ˈbha ˗nu ˈka, mɛn ˗nu ˈwo kwa ˈˈsuee bhë ˈkwa ˗an yö ˗dhuaŋdhe ˈgü, kwa ꞊mɔɔn˗ ˗bha ˈkwa ˗an zaadhɛ yö. ˗Kɔ do ˈö bhë ˗a ˈka, kwa ꞊mɔɔn˗ ˗bha ˈkwa bɔ Biblö ˗ta kö ˈkwa mɛn ˈˈwɛɛ ˗nu zaadhɛ yö. ˈˈKɛɛ ˗a ˗kë ˈˈdhʋ̈ ˗sü ˈti ˗dho kwa ˗takun kö ˈkwa kwa ˗de ˗bha ˗nu bho ˈˈgblʋʋ.

ˈKwa ˗dho ˈwɔn ˗nu ʒiö ꞊gɔɔ. Kö ˈkwa kwa zaadhɛ ˗nu ˗ga dosɛnŋ ˗dhuaŋdhe ˈgü, kwa ˈgü ꞊mɔɔn˗ ˗bha ˈö ga. Kwa ˗Zlan ˈˈDhiwo pö ni ˈgü, ˗kwa kë ˈwɔngümanmɛn ˗nu ˈka. ˈKwa ˗dho ˗a pö ꞊dhɛ ˈkwa ˈwɔn ˗nu kë ˗yö ʒiö ˗a ˈka ˗a ˗dhɛ ˈö Zoova ˈdhö˗ ˈˈpiʋ̈ ˗a ˗ta.—Zak. 3:17.