ˈMën ˗kë ˈö mɛnbhɩɩdhe ˗nu ˈwaa ꞊mɔɔn˗ ˗bha kö ˗wo nu ˗yadeflëëgüsü ˈka?: ˈMën Biblö ˗ya pö?

ˈˈSɛgɔdhiʋ̈mɛn ˗nu waa ˗kɔlokota ˗nu ˈö ˈwo ˈˈkpɔnŋ ꞊taa ˗an ˗kɔ ˈyii ꞊mɔɔn˗ ˗bha kö ˗wo nu ˗yadeflëëgüsü ˈka. ˈÖ go ˗gblü ˈkpii˗ ꞊plɛ ˗naan ˗bha ˈö yö ˈka ꞊dɛɛ ˗bha, ˗gblü ˗nu ˈwo ˗gɔn ˗ni ˈgü ˗wa kë yaa ꞊dedewo. Mɛn ˗nu ˈö ˈwo ꞊mɔɔn mɛn ˈˈmliya ꞊plɛ ˗bha, ˗wo ˗dhɛ ˈö ˗gblü ˗nu ˈwo ˈˈdhʋ̈ ˈwo ˗gɔn ˗ni ˈgü ˗a ˗bha, ˗a ˈgü.

ˈMën ˗kë ˈö mɛnbhɩɩdhe ˗nu ˈwaa ꞊mɔɔn˗ ˗bha kö ˗wo nu ˗yadeflëëgüsü ˈka? ˈMën Biblö ˗ya pö?

Pë ˗yaaga ˈö ˗an ˗wɔn ˈgü mɛnbhɩɩdhe ˗nu ˈwaa ꞊mɔɔn˗ ˗bha kö ˗wo nu ˗yadeflëëgüsü ˈka

1. 1. Mɛnbhɩɩdhe ˗nu ˈˈtakɔ waa ˗an këwɔn ˗nu ˗wa ˗kë ˈö ˈwaa ꞊mɔɔn˗ ˗bha kö ˗wo nu ˗yadeflëëgüsü ˈka. Biblö ˗ya to ˈˈdhiʋ̈ ˈö˗ pö ꞊dhɛ kwa ˗bha ˈˈtʋ̈ŋ ˈgü, «ˈmɛ ˈwo ˗ya wo ˗dɩ ˗wɔn ꞊në˗ zuën ˗ta doseng bha ˗wo ˗dho pa. ˗A ˗nu ˗bha ˈwëëga ˗wɔn ˗dho kë ˈˈgbɩɩ˗ ˈö ˗ziö ˈwɔn ꞊gban ˈˈpɛpɛ ˗ta. ˗Wo ˗dho wo ˗dɩ zë ˈtɔ ˈka ˈö ˈwo wo ˗dɩ sü ˈkpii˗. [...]. ˈWii ˈdho ˈˈsuʋ̈ ˗Zlan ˗gɔ, [...]. ˈWii ˈdho ˈˈwɩ mɛ ˈbha ˗bha ˗bha. [...] ˈÖ waa˗ mɛ ˈbha ˗mɛ ˈbha ˈwaa ꞊mɔɔ˗ ˈgü. [...] Woo do bha ˈwɔn˗ ˗dho ˗siö ˗nu ˗dhɛ ˈgü klöklö ˗bha, ˈö ˗dɩ ˗sü ˈkpii˗ ˗ya ˗nu pa.»—2 Timote 3:2-4.

2. 2. ˗A ˈˈsɩ ˈyaa mɛnbhɩɩdhe ˗nu ˗dhɛ kö ˗wo ˈwɔn ˈˈgbɩɩ˗ ˗nu ˈˈɲan bhɔ wo ˗de ˗ta kö kwa ˗Damɛn, Zoova ˗Zlan ˈyii ˗an ˗takuna. Biblö ˗ya ˗pö ꞊dhɛ «mɛnbhɩɩdhe ˈö ˈˈta ˈsü ˗ni ˈgü, ˗a dua ˈyaa ˗mü kö ˗yö ʒiaan bho ö ˗de ˈka.»—Jérémie 10:23.

3. 3. ˈˈKpɔnŋtaadhɛ ˗todhʋ̈sü ˗yö mɛnkɔɔnmɛn yaa ˈbha ˈö ˈwo˗ ˗dhɛ Sɔtraan Dügɔmɛn, ˈö «ˈˈkpënng˗ ˗kë ˈˈkpʋngtaadhɛ ˗todhʋ̈sü ˗gɔ bha» ˗a ˗kɔ ꞊löö. (˗Dhɛkpaɔ dhiaˈˈ ˈsëëdhɛ 12:9) ˗Dhɛ ˈö ˗kë ꞊dhɛ «ˈˈkpʋngtaadhɛ ˗todhʋ̈sü ꞊gban ˗yö Sɔtraan ꞊në˗ ˗bha ˗gɔ ˈgü» bhë, ˗gblü ˗nu ˗dho ˗da ˗kplawo.—1 Zan 5:19.

De ˈö ꞊mɔɔn˗ ˗bha ˈö nu ˗yadeflëëgüsü ˈka?

Biblö ˗ya ˗pö ꞊dhɛ mɛnbhɩɩdhe ˗nu ˈwaa ˈnën ˈö ˈwo dho nu ˗yadeflëëgüsü ˈka, ˈˈkɛɛ ˗Zlan ˗mü.

• «‹˗A ˗gɛn ˗mü ꞊dhɛ ˈpë ˈa˗ ˈˈpiʋ̈ ˈa˗ kë ka ˗dhɛ ˈa˗ ˗dɔ ˗së ˈka, pë ˈö Zoova ˗ya pö ˈyö bhë. ˗Yadeflëëgüsü ˈnën ˈa˗ ˈˈpiʋ̈ ka ˗bha ˈka, ˈmaan ˈwɔn yaa ˈˈpiʋ̈ ka ˗bha ˈka. A˗ ˈˈpiʋ̈ ˈa ˗dhɛkpaɔ dhiʋ̈ˈˈ˗së waa ˗zoyödhe ˗së nu ka ˗dhɛ.»—Jérémie 29:11.

˗Zlan ˗dho ˗wo ˈö bhë ˗a ˗yökodhiʋ̈ ˗kɔ ˗kë ꞊dhɛ? «˗Zlan do ˈö ˗gblü ˈˈkan ˗Zlan ˈka bha ꞊në dho Sɔtraan ˈpɔn.» (Wlɔmö 16:20) ˗Zlan ˗dho bɔ mɛnkɔɔnsü do ˈö dhaŋ˗ ˈgü, ˈö Biblö ˗ya ˗dhɛ «˗Zlan ˗bha ˗Gblüdëdhɛ» bhë ꞊nën˗ ˗ta ˈö nu ˗yadeflëëgüsü ˈka ˈˈkpɔnŋtaadhɛ ˗todhʋ̈sü ˗ta. (Dhukö 4:43) Yesu Klito ˈö ˗kë ˗Gblüdëdhɛ ˈö bhë ˗a ˗Gɔdhiʋ̈mɛn ˈka bhë, ˗a ˗bha mɛnkɔɔnsü ˈˈtʋ̈ŋ ˈka, mɛnbhɩɩdhe ˗nu ˗dho ˗kɔ ˈö ˈwo dho ˗tosɛta kë ˗a ˈka ˗dhikodhɛ ˈgü, ˗a draanˈˈ.—Isaïe 9:6, 7.

• ˈBha˗ pö ˈü˗ ꞊va ˈbha ˈgüman, ˗bhö ˈwɔn ˗gɔ « Que fera le royaume de Dieu ? » ˗wo pö.