Zoova ˗bha ꞊Gbɛkiö ˗nu ˗bha Biblö ˗yö ˗dhö ö ˗de ˗ta ˗ee?

Zoova ˗bha ꞊Gbɛkiö ˗nu ˗wo pë ˗draan Biblö suu ꞊va ˈka. ˈKɛɛ Traduction du monde nouveau ˗ya kë ˗an ˗wo ˈgü, pë ˗draan ˗a ˈka ˗sü ˗dhɔ ˗yo ˗an ˗kë, ˈyö ˗tɔ ꞊dhɛ ˗Zlan ˈtɔ ꞊dede ˗ya ˈgü, ˈö kpɛnŋdhö, ˈö˗ ˈgümandhɛ ˈdhö ˗së.

• ˗Zlan ˈtɔ pö ˗sü. Biblö ꞊dhiëëtamɛn ˈbhaa ˗nu wo ˈti ꞊bhlëë ˗ya Biblö Dëmɛn ˗bha. ˗A ˈwɔnzuan ˈnën ˗tɔ Biblö do ˈbha ˈgü, mɛn 70 ˈö ˗an ˗kɔ ˗yö kun ˗a ˗yökësü ˈgü, ˗wo ˗an ˈtɔ ˗pö. ˈˈKɛɛ Zoova ˗Zlan ˈö ˗kë Biblö Dëmɛn ˈka bhë ˗a ˈtɔ ˈyaa˗ ˈgü.

  Traduction du monde nouveau ˗zë ˗a ˈgü, ˗Zlan ˈtɔ ˗yö ˗ya ˗sü ˈka ˗dhɛ ˈˈgblü ꞊va ˈö kun ˗a ˗bha Biblö ˗be zii ˈgü bhë ˗a ˗bha. Mɛn ˗nu ˈwo˗ ꞊dhiëëta, wo ˈti wo ˗de ˈtɔ pö.

• Gagade pö ˗sü. Biblö ˗nu ˈwo˗ ꞊dhiëëta ˗an ˗kpɛɛ ˈwaa ˈto pë ˈö˗ ˗be zii ˈgü ˗a ˈˈpiʋ̈ ˈkpakpadhö. ˗A do ˗yo Matiö 7:13 ꞊dhiëëta ˈö˗ pö:«˗Dho dhaŋ˗ ˈgü ˗Ʒian ˈö ˈdhö ˗yö ˈˈsɔɔsɔ, ˈyö ꞊geebɔɔ pɛng ɛɛnˈˈ ˈˈwo ˈgü ˗Ʒian ˈdhö ˈˈgbɛɛ.» ˈˈKɛɛ pë ˈö˗ ˗be zii ꞊dede ˈgü ˈyö ˗tɔ «ˈgüshiʋ̈dhe», «꞊geebɔɔ ˗pɛng» ˈyaa ˗mü. ˗A ˈbhaa ˗ya kë kö ˗a ꞊dhiëëtamɛn ˗nu ˗wo «꞊geebɔɔ ˗pɛng» ˗ya mü ˈˈdhʋ̈ ˈyö ˗tɔ ˗an ˗bha ˈgü, ˈwɔnyaakëmɛn ˗nu ˈˈklʋʋ ˗dhö bhɔ ˈˈwo ˈgü. ˈˈKɛɛ ˗zoyödhe suu ˈö bhë ˈyaa ˗gban ˗sü ˈka Biblö ˗ta toŋtoŋdhö. Biblö ˈˈɲan ˈö bhë ˗kɔ ˈwo˗ ꞊dhiëëta ˗a ˈka Traduction du monde nouveau ˈgü ˈyö ˗tɔ:«˗Ka ˗da ˈkɔ ˈˈdhi ˈö ˈˈsɔɔsɔ ˗a ˈka. ˗A ˗gɛn ˗mü ꞊dhɛ ˈkɔ ˈˈdhi ˈˈgbɛɛ bhë ˈyö ˗tɔ ˈgüshiʋ̈dhe ˗Ʒian».

• ˗A ˈgümansü. ˗Yö ˗së kö Biblö ˈwo˗ ꞊dhiëëta ˗yö gagade pö, ˈˈkɛɛ kö ˗a ˈgümansü ˗yö kë ˗së. ˗Kwaa ˈwɔnzuan do ˗ga. Wlɔmö 12:11 ˈgü, bɔmɛn Pɔdhö ˗yö ˗wo do ˈbha ˗pö, ˈö ꞊waa˗ ꞊dhiëëta ˈö ˗kë «˗Zuu ˈˈwowosü ˈgü» ˈka. ˗Kë ˈö˗ wo ꞊dhɛ ˗wo ˈö bhë ˗a ˈklɔɔ ˈˈwɛɛ ˈbhaa ˈö˗ ˗wɔn ˈdhö˗ ˈˈgbɩɩ˗ ˈyaa ˈdhö bhë, ˗wa ꞊dhiëëta ˗bhaasü Traduction du monde nouveau ˈgü kö ˗a ˈgümansü ˗yö kë ˗së. ˗Ya ˗pö kletiɛn ˗nu dua ˗mü kö ˗wo ‹ˈwɔn ˗nu kë ˈˈwowosü ˈka ˗Zlan ꞊faan ˈgü».

ˈPë ˈwo Traduction du monde nouveau dɔ ˗a ˗bha ˈyö ˗tɔ ˗yö ˗Zlan ˈtɔ ˗pö, ˈö gagade pö, ˈö˗ ˈgümansü ˈdhö ˗së. ꞊Ya ˈgo ˗a ˈgü ˈzü, ˗wa ˗gblü mɛn ˗nu ˗ta ˈˈwɛɛwɛ. ˗A ˗wɔn ˈgü mɛn ˈˈmliɲɔn ꞊va ꞊mɔɔn˗ ˗bha ˈwo Biblö ˗wo pö wo ˗de ˗wo ˈgü, ˈö mɛn ˗nu ˈö ˈwëëga ˈyaa ˗an ˗gɔ ˈwo˗ ꞊slɔɔ, ˈwo˗ ˗wo pö.