ˈWƆN ˗GƆ 27
Yesu ˗bha ga ˗sü ˗yö kwa -dha ˗kɔ ˗kë ꞊dhɛ?
˗Gban ˈö Adan waa Ɛvö ˗wa wo ˗Zlan ˗gɔ bhë ˗ya ˗kë ˈö ˈkwa ˈwɔn yaa ˗kë, ˈö ˈkwa saanˈˈ sü ˈö ˈkwa ga.a ˈˈKɛɛ nɔɔn˗ ˗së ˈö ˈdhö ˈyö ˗tɔ Zoova ˗dhö bɔ ö Gbö Yesu ˗ta ˈö kwa bho saanˈˈ waa ga ˗an ˗gɔ ˈˈgan ˈgü. Biblö ˗ya ˗zɔn ꞊dhɛ Yesu ˗bha ga ˈö˗ wo bhë ˗ya kwa ˗gɔ ˗ta ˈdhɔ. ˗Gɔtadhɔpë ˈnën ˈö ˗tɔ pë ˈwo˗ bho kö ˗yö mɛn bho ˈˈgan ˈgü. Yesu ˗bha ˗tosɛta ˈˈslʋ̈ʋ̈slʋ̈ ꞊bhlëë bhë, ˈyö˗ sü ˈö kwa ˗gɔ ˗ta dhɔ ˗a ˈka. (Matiö 20:28 ˗wo pö.) ˈˈWɩ ˈö Yesu ˗ya wo ˗a ˗bha ˈö ˈwo˗ zë, ˈö yö ˈti ˗tosɛta kë ˗toëpö ˈka ˈˈkpɔnŋ ꞊taa bhë, ˗yö pë ˈˈpɛpɛ ˈö dha Adan waa Ɛvö ˗an ˗gɔ bhë ˗an ꞊slɔɔ ˗sü ˈˈkwee ˗pʋ kwa ˗gɔ ˈzü. ˗Ya ˗zɔn ˈzü ꞊dhɛ kwa ˗dhɔ ˗yö Zoova waa Yesu ˗an ˗kë ꞊dedewo. ˈWɔn ˗gɔ ˈö yö, ˗yö ˗dho kwa ˗takun kö Yesu waa ˗Zlan ˗an ˈˈnuɛ bho ˗dhɔ ˗yö ˗dadhiʋ̈ kwa ˈgü ꞊dedewo ga ˈö Yesu ˗ya wo bhë ˗a ˗bha.
1. ˈWɔn ˗së ˗mɛɛn ˈö Yesu ˗bha ga ˗sü ˗ya ˗kë kwa ˗dhɛ ꞊dɛɛ?
ˈWɔn ˗nu ˈö ˈwaa Zoova ˗dhɛ ˗së kwa ˗an ˗kë ˈyö ˗tɔ ꞊dhɛ ˈwɔn yaa kë ˗dhii ˗yö kwa kwi ˈgü. ˈˈKɛɛ kö ˈwɔn yaa ˗nu ˈö ˈkwa ˗an ˗kë, ˗wo kë kwa ˗dhɛ ˈyaa˗ ꞊dedewo, kö ˈkwa ˈˈkan ˗an ˗bha, kö ˈkwa ˗bhawɔntodhe ˗dhɛ Zoova ˗gɔ Yesu ˈtɔ ˈgü, kwa ꞊mɔɔn˗ ˗bha ˈö ˈkwa ˗kë ˗a ˈˈtɔŋdë ˈˈgbɩɩ˗ ˈka. (1 Zan 2:1) Biblö ˗ya ˗pö: ‹Klisi yöö ꞊dede ˗yö ˗ga ka ꞊në ka ˗wɔn ˈgü. Yö ˈö yö ˗zë ˈö ˈˈslʋ̈ʋ̈slʋ̈ ˈö ˗dhii ˈyaa˗ ˗bha ˗Zlan wëëdhö bha ˗yö kë ga ˗kɔ doseng bha˗ ˗bho ˈˈdhʋ̈ ˈmɛ ˈö ꞊sɔng ˈdhö˗ ˗nu ˗bha bha ꞊në˗ ˗nu ˗wɔn ˈgü, kë ˈˈdhʋ̈ kö ˈö zian ˈö dho ˗Zlan ˈˈpiʋ̈ ˗a bho ka ˈka.›—1 Piɛdhö 3:18.
2. ˈWɔn ˗së ˗mɛɛn ˈö ˈkwa ˗dho ˗a ꞊slɔɔ ˗dhɛkpaɔ dhiʋ̈ˈˈ ˈgü Yesu ˗bha ga ˈsaa˗ ˈgü?
Zoova ˗yö Yesu ˗bɔ ˈˈkpɔnŋ ꞊taa kö ˗yö ö ˗bha ˗tosɛta ˈˈslʋ̈ʋ̈slʋ̈ nu kwa -wɔn ˈgü, ‹kö mɛ ˈoo mɛ ˈö ˈdhoë˗ ö ˗zo yö ˗a ˗bha, kö ˗yaan ˈkun ga ˗sü ˈka; ˈkɛɛ kö ˗këdhösü ˈö ˗dhö ꞊toëpö ˈka bhë ˗yaan kë ˗a ˗gɔ.› (Zan 3:16, NTBL) Yesu ˗bha ga ˈsaa˗ ˈgü, ˗a ˈˈtʋ̈ŋ ˗ya ˈto ꞊klöö˗ kö ˈwɔn yaa ˈˈpɛpɛ ˈö Adan ˗bha ˗gban ˗Zlan ˗gɔ ˗sü ˗yö nu ˗an ˈka bhë kö Zoova ˗yö ˗an ˈˈɲan bhɔ. ˗Ya ˗zɔn ꞊dhɛ kö ˈkwa kwa ˗zo yö ˈˈsaa˗ ˈö bhë ˗a ˗dhɛ, kwa ꞊mɔɔn˗ ˗bha ˈö ˈkwa ˗tosɛta ˈö ˈyaa ɲën ˗a ˗kë ꞊bhɔɔ ˈˈsɛ ˗ta.—Isaïe 65:21˗23.
˗KAA ˈˈPIƲ̈ ˈPƆN
Pë ˈö ˗kë ˈö Yesu ˗yö ga kwa ˗wɔn ˈgü waa ˗kɔ ˈö ˗gban ˗a ˈka ü ˗bha, ˗kwaa ˈˈpiʋ̈ ˈpɔn.
3. Yesu ˗bha ga ˗yö kwa ˗bho ˈwɔn yaa waa ga ˗an ˗gɔ ˈˈgan ˈgü.
˗Kaa VIDEO ˗ga, kö dhɛɛˈˈ ˈö ˈˈshia bhë ˈka˗ ˗yɔ mɛɛnˈˈ.
ˈDhɛ ˈö Adan ˗yö ˗gban ˗Zlan ˗gɔ, ˗mën ˈö dha ˗a ˗gɔ?
˗Ka Wlɔmö 5:12 ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:
˗Mën ˈö Adan ˗bha ˗gban ˗Zlan ˗gɔ ˗sü ˗ya ˗kë mɛn ꞊gban kwa ˈka?
˗Ka Zan 3:16, NTBL ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:
ˈMën ˗kë ˈö Zoova ˗yö ö Gbö bɔ ˈˈsɛ ˗ta?
(1) Adan ˗yö ˗kun ˈˈslʋ̈ʋ̈slʋ̈. ˈˈKɛɛ ˗a ˗bha ˗gban ˗Zlan ˗gɔ ˗sü ˈnën kwa ˗da ˈˈdhaŋga waa ga ˗an ˗gɔ ˈˈgan ˈgü.
(2) Yesu ˗yö ˗kun mɛn ˈˈslʋ̈ʋ̈slʋ̈ ˈka. ˗A ˗bha ˈwɔn ˗man ˗Zlan ˗ta ˗sü ˗wɔn ˈgü, kwa ꞊mɔɔn˗ ˗bha ˈkwa ˈgo ˈwɔn yaa ˗gɔ ꞊dhuëŋdhɛ ˈgü ˈö ˈkwa ˗tosɛta ˈö ˈyaa ɲën ˗a ꞊slɔɔ.
4. Yesu ˗yö ˗ga mɛn ꞊gban ˈˈpɛpɛ ˗wɔn ˈgü.
˗Kaa VIDEO ˗ga, kö dhɛɛˈˈ ˈö ˈˈshia bhë ˈka˗ ˗yɔ mɛɛnˈˈ.
Mɛn do ˗bha ga ˗sü ˗dhö mɛn ꞊gban ˈˈpɛpɛ bho ˈˈgan ˈgü ˗kɔ ˗kë ꞊dhɛ?
˗Ka 1 Timote 2:5, 6, NWT ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:
Adan ˗yö ˗kun ˈˈslʋ̈ʋ̈slʋ̈, ˈˈkɛɛ ˗a ˗bha ˗gban ˗Zlan ˗gɔ ˗sü ˈnën ˈö˗ ˗wɔn ˈgü ˈö ˈkwa ˈwɔn yaa ˗kë, ˈö ˈkwa ga. Yesu ˗yö ˗kun ˈˈslʋ̈ʋ̈slʋ̈ ˈpö ꞊dhɛ Adan ˈdhö. ˈDhɛ ˈö ˈˈdhʋ̈ ˗a ˗bha ga ˈˈsaa˗ ˗yö kwa «˗gɔtadhɔpë ˈö ˗bɛ ꞊dedewo» ˗a ˈka ˗kɔ ˗kë ꞊dhɛ?
5. ˗Gɔtadhɔpë ˈö bhë gbɔɔdhe ˗së ˈö Zoova ˗ya nu ü ˗dhɛ yö ˗mü.
Zoova ˈˈtɔŋdë ˗nu ˗wo ˗gɔtadhɔpë ˗yö ꞊dhɛ gbɔɔdhe ˗së ˈö Zoova ˗ya ˗kë wo ˗gɔ ˗a ˈdhö. ˗Ka Gadhatö 2:20 ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:
Bɔmɛn Pɔdhö ˗ya ˗zɔn ˗kɔ ˗kë ꞊dhɛ ꞊dhɛ ö ˗gɔtadhɔpë ˗sü ꞊dhɛ gbɔɔdhe ˈö ˗Zlan ˗ya ˗kë ö ˗gɔ ˗a ˈdhö?
ˈDhɛ Adan ˗yö ˈwɔn yaa ˗kë ˈyö waa ö suu ˈgü ˗nën ˗nu ˈwo ˗da ga ˗gɔ ˈˈgan ˈgü. ˈˈKɛɛ Zoova ˗yö ö Gbö ˗bɔ ˈö ga kö ˗tosɛta ˈö ˈyaa ɲën ˗ya kë ˗sü ˈˈkwee ˈˈpʋ kwa ˗gɔ.
˗Ka Zan 19:1˗7, 16˗18 ˗an ˗wo pö, kö ˈka dhɛɛˈˈ ˈö ˈˈshia bhë ˗a ˗yɔ mɛɛnˈˈ. Ka ˗an ˗wo pö ˗ni ˈgü, ˗ka ka ˗zota ˗kɔ ˈö Zoova ˗yö ˗kë ö ˗de ˈgü ˗a ˗bha, kö ˗a Gbö ˗yö bɔ ˗ni ˈgü saanˈˈ ˈgü bhë ˗a ˈgü.
ˈBha ü ˗zota pë ˈö Zoova waa Yesu ˈwo˗ ˗kë ü ˗dhɛ bhë ˗a ˈgü, ˗yö ˗kë ü ˈgü ꞊dhɛ?
MƐN ˈBHA ꞊MƆƆN˗ ˗BHA ˈÖ Ü DHƐƐˈˈ KPƆ ꞊DHƐ: «Mɛn dosɛnŋ ˗bha ga ˗sü ˗yö ꞊mɔɔn˗ ˗bha ˈö mɛn ꞊gban dha ˗kɔ ˗kë ꞊dhɛ?»
Ü ˗dho ˗a ˗yɔ bɔ ˗kɔ ˗kë ꞊dhɛ?
˗A ˈDHƐ TO KWA ˈˈƝAAN
Yesu ˗bha ga ˈsaa˗ ˈgü, Zoova ꞊mɔɔn˗ ˗bha ˈö kwa ˗bhawɔn to, ˈö ˈkwa ˗tosɛta ˗kë ˗toëpö ˈka.
˗Zobuödhe
ˈMën ˗kë ˈö Yesu ˗yö ga?
ˈMën ˗kë ˈö Biblö ˗ya pö ꞊dhɛ Yesu ˗bha ˗tosɛta ˈö˗ nu bhë, kwa ˗gɔtadhɔpë ˈö ˗bɛ ꞊dedewo yö ˗mü?
ˈWɔn ˗së ˗mɛɛn ˗nu ˈö Yesu ˗bha ga ˗sü dho ˗an kë ü ˗dhɛ?
˗AN ˗GA ˈPÖ
Yesu ˗bha ˗këdhösü ˈˈslʋ̈ʋ̈slʋ̈ ˈö˗ nu kwa ˗wɔn ˈgü bhë, ˈpë ˗kë ˈö ˈkwa˗ ˗dhɛ kwa ˗gɔtadhɔpë, ˗a ˗gɛn ˗ga.
«Yesu ˗bha ˈˈsaa˗ ˗yö ‹mɛn ꞊vadhɛ ˗gɔtadhɔpë› ˈka ˗kɔ ˗kë ꞊dhɛ?» (ˈWɔn ˗gɔ ˈö jw.org ˗ta)
ˈPë ˈkwa ˗dho ˗a kë kö ˈkwa dha ˈwɔn yaa waa ga ˗an ˗gɔ ˗a ˗ga.
Zoova ꞊mɔɔn˗ ˗bha ˈö kwa ˗bha ˈwɔn yaa ꞊gbɔnŋsü ˗bhawɔn to ˗ee? ˗A ˗yɔ ˗ga.
«Dhɛɛˈˈ ˗nu ˗yɔ ˈwo Biblö ˈgü» (˗Kwɛ 2013 ˈMɛn 1 ˗bha ˈˈGlaadhiʋ̈ ˗tɔn)
Ö ˗zota Yesu ˗bha ga ˈˈsaa˗ ˈgü ˗sü ˗yö gɔndë do ˗takun ˈö ˗mɔn ö ˈˈta ˗kɔ bho ˈˈgblʋʋ ˗sü ˗bha.
«ˈMaan ˈˈvaanvandhɛ ˗bha ꞊dhuëŋ ˈka ˈzüdho» (ˈWɔn ˗gɔ ˈö jw.org ˗ta)
a ˈWɔn yaa kë ˗sü ˈnën ˈö ˗tɔ ˗Zlan ˗bha ˈtɔŋ˗ ꞊lögüsü. ˈˈKɛɛ yö ˈnën ˈö ˗tɔ ˈzü ˈwɔn yaa ˗dhii ˈö kwa ˈˈbheman Adan waa Ɛvö ˗wa to kwa ˗gɔ ˈˈkɛnŋpë ˈka, ˈö kwa ˈgü.