• ˗Mën ˈö ˗tɔ ˗Zlan ˗bha ˗Gblüdëdhɛ?
    Zuʋ̈gblüdhi ꞊slɔɔ ˗toëpö ˈka! (˗Bhö Biblö draanˈˈ)

    • 7. ˗Zlan ˗bha ˗Gblüdëdhɛ ˈtɔŋ˗ ˗nu ˗wo ˗së ꞊dedewo mɛnbhɩɩdhe ˗nu ˗bha ˈtɔŋ˗ ˗nu ˗bha.

      ˈˈSɛkɔɔnmɛn ˗nu ˗wo ˈtɔŋ˗ ˗nu ˗dɔ kö ˈwo wo ˗zokë ˗wo ˗bha ˈˈsɛ ˈgümɛn ˗nu ˈˈpiʋ̈. ˗Zlan ˗bha ˗Gblüdëdhɛ ˗de ˈpö ˗a ˈtɔŋ˗ ˗nu ˗wo ˗dhö, kö ˗yö ˈwɔn ˗së kë mɛn ˗nu ˈö ˗dho ˗an ꞊kɔɔn˗ ˗an ˗dhɛ. ˗Ka 1 Kodhɛngtö 6:9˗11 ˗an ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:

      • Ü ˗bha ˈgü, ˈˈkpɔnŋtaamɛn ˗nu ˈˈpɛpɛ ˗wa ˈto ˗Zlan ˗bha ˈtɔŋ˗ ˗nu ˈˈpiʋ̈, ˗tosɛta ˗dho kë ˗kɔ ˗kë ꞊dhɛ?a

      • Ü ˗bha ˈgü Zoova dua ˗mü kö ˗yö ˈtɔŋ˗ dɔ mɛn ˗nu ˈwo ˗dho kë ˗a ˗bha ˗Gblüdëdhɛ ˗kɔ ꞊löö ˗an ˗ta ˗ee? ˈMën ˗kë ˈü˗ pö ˈˈdhʋ̈?

      • ˗Mën ˈö˗ ˗zɔn ꞊dhɛ mɛn ˗nu ˈö ˈwaa ˈtɔŋ˗ ˗nu ˈwo ˈˈdhʋ̈ ˗an ˈkun ˗ni ˈgü ꞊köŋ, ˗an ˈˈta ˗kɔ ꞊mɔɔn˗ ˗bha ˈö ˗kë ˗së? (˗Kaa ˈˈɲan ˈsɛɛn˗ 11 ˗ga.)

      Polishie mi do ˗ya gɔ ˈduaannu ˗kpinŋ ˗ta. Mɛn ˗nu ˈö ˗an ˗kwɛ ˈyaa do ˗wo ʒiaan ˗zinŋ ˈˈkan ˗ni ˈgü.

      ˈˈSɛ ˗gɔdhiʋ̈mɛn ˗nu ˗wo ˈtɔŋ˗ ˗nu ˗dɔ, kö ˗wo wo ˗zoto wo ˗bha ˈˈsɛ ˈgümɛn ˗nu ˈˈpiʋ̈. ˗Zlan ˗bha ˗Gblüdëdhɛ ˈtɔŋ˗ ꞊bhlëësü ˗nu ˈwo bhë ˗wo kwa ˗bha ˈwɔn ˗së ˈka ˈpö

  • ˗Mën ˈö Biblö ˗ya pö ˈö ˗gban dhe waa gɔɔn˗ ˗an ˗bha sɛɛˈˈ ˗bha ˗kë do ˗sü ˗bha?
    Zuʋ̈gblüdhi ꞊slɔɔ ˗toëpö ˈka! (˗Bhö Biblö draanˈˈ)

    • ˈPë ˈö ˗së kwa ˗bha ˈka Zoova ˗ya ˗dɔ ˈkpakpadhö. ˈPë ˈkwa ˗dho ˗a kë kö ˈkwa ˈto ˈˈslʋ̈ʋ̈slʋ̈ waa ꞊trɔɔn ˗nu ˈö ˈkwa ˗dho ˗an ꞊slɔɔ˗ ˗a ˈgü, Zoova ˗ya ˗zɔn kwa ˗dhɛ. ˗Ka Proverbes 7:7-27 ˗an ˗wo pö ɛɛnˈˈ ˗kaa VIDEO ˗ga, kö ˈka dhɛɛˈˈ ˗nu ˈwo ˈˈshia bhë ˗an ˗yɔ mɛɛnˈˈ.

      VIDEO: ˗Kwa ˈwɔn ˗nu kë ꞊kpɔɔdhɛ ˈka (9:31)

      • ˗Mën ˈö ˗kë ˈö ˈnëngɔɔnnën ˈö bhë ˗a ˗gɛn ˗yö ˗da ˈwɔn yaa ˈö bhë ˗a ˈgü?—˗Ka Kpɔɔˈˈ Proverbes 7:8, 9 ˗bha.

      • Proverbes 7:23, 26 ˗wa ˗zɔn ꞊dhɛ pë yaa ꞊dede ˗nu ˗wo ˈˈɲangüyaa kë ˗sü ˈgü. ˈˈKɛɛ kwa ˈˈtakɔ ˗ya kë ˈˈslʋ̈ʋ̈slʋ̈ ˗mën ˗wɔn ˗nu ˈö ˈkwa ˗dho dha ˗an ˗gɔ?

      • Kwa ˈˈtakɔ ˗bha ˗kë ˈˈslʋ̈ʋ̈slʋ̈ ˗sü ˗yö kwa ˗takun ˗kɔ ˗kë ꞊dhɛ kö ˗tosɛta kë ˗sü ˈö ˗toëpö ˈka bhë, ˈkwa˗ ꞊slɔɔ?

      Pë ˈö Biblö ˗ya pö ˈö ˗gban gɔɔn˗ waa gɔɔn˗ ɛɛnˈˈ dhebɔ waa dhebɔ ˗an ˗bha wo ˈko ˗nu ˗kun ˈˈnɔnbɔ ˈka ˗sü bha bhë, mɛn ꞊vadhɛ ˗wa ˗yö ˈya˗. ˈˈKɛɛ Zoova ˈö mɛnbhɩɩdhe ˗dhɔ ˗ya ˗kë bhë, ˗ya ˈˈpiʋ̈ kö mɛn ꞊gban ˈˈpɛpɛ ˗wo ˗tosɛta kë ˗toëpö ˈka. ˈKwa˗ pö ˗tosɛta ˈö ˈyaa ɲën ˈkwa˗ ꞊slɔɔ, kwa dua ˗mü kö ˈkwa˗ ˗bha ˈtɔŋ˗ ˗nu ˈkun. ˗Ka 1 Kodhɛngtö 6:9-11 ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:

      • Biblö ˈˈɲan ˈö bhë ˗a ˈgü, dhe waa dhe ɛɛnˈˈ gɔɔn˗ waa gɔɔn˗ ˗an ˗bha wo ˈko ˗nu ˗kun ˈˈnɔnbɔ ˈka ˗sü yö dosɛnŋ ˈnën ˈö Zoova ˗dhɛ ˈya˗ ˗ee?

      ˈKwa˗ pö ˈkwa kë ˗Zlan ˗dhɛ ˗së, kwa dua ˗mü ˈkwa kwa ˈˈtakɔ ˈbhaa ˗nu bho ˈˈgblʋʋ. ˈMën ˗kë ˈö ˗së kö ˈkwa˗ kë ˈˈdhʋ̈? ˗Ka Psaume 19:8, 11 ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:

      • Ü ˗bha ˈka Zoova ˗bha ˈtɔŋ˗ ˗nu ˈwo ˗gban kwa ˈˈtakɔ ˗nu ˗bha bhë, ˗wo kpɛnŋdhö ˗ee? ˈMën ˗kë ˈü˗ pö ˈˈdhʋ̈?

      Pë ˈˈbin ˗nu: 1. ˈNëndhe do ˈö zuʋ̈gblüdhi ˈyaa˗ ˗gɔ, ˗yö ˗ya ˗sü ˈka ö ˗bha ꞊mlaanbɔ ˈˈsuee. Waa ö ˈˈtɛɛbɔ ˗nu ˗wo yɔ waa ꞊shiɛti mü ˗ni ˈgü manki ˈgü. 2. ˗A ˈnëndhe do ˈö bhë, ˗yö ˈwɔn blɛɛˈˈ ˗ni kwa ꞊dhegblüdhe ˗nu ˈˈpiʋ̈ zuʋ̈gblüdhi ˈka ˗zlanwokɔɔdhö.

      Zoova ˗ya mɛn ꞊vadhɛ ˗takun kö ˗wo wo ˈˈtakɔ ˗nu ˗bɛ ˗a ˗bha ˈtɔŋ˗ ˗nu ˗bha. ˗Yö ꞊mɔɔn˗ ˗bha kö ˗yö ü ˗takun ˈpö.

  • Kletiɛn ˗nu ˗wo we mü ˗sü ˗yö ˗kɔ ˗kë ꞊dhɛ?
    Zuʋ̈gblüdhi ꞊slɔɔ ˗toëpö ˈka! (˗Bhö Biblö draanˈˈ)

    • 6. ˗Mën ˈö mɛn ˗takun ˈö mɛn ˗kan we ꞊va mü ˗sü ˗bha?

      Pë ˈö gɔndë do ˗takun ˈö go we ˗gɔ ꞊dhuëŋdhɛ ˈgü ˗kaa VIDEO ˗ga, kö ˈka dhɛɛˈˈ ˗nu ˈwo ˈˈshia bhë ˗an ˗yɔ mɛɛnˈˈ:

      VIDEO: ‹N ˗man ˗tosɛta kë ˗kɔ ˗yö n ˈgü ˗ga› (6:32)

      Pë ˈˈbin ˗nu: ˈWɔn ˗nu ˈwo ˗kë video ‹N ˗man ˗tosɛta kë ˗kɔ ˗yö n ˈgü ˗ga› ˈka ˗a ˈgü bhë ˗an ˈˈbin ˗nu. 1. Dimitri ˗yö we ˗sanŋdhe ˗ga ˗ni ˈgü. 2. Dimitri waa ˈö ˗bha dhebɔ waa ˗an ˈdhu ˗wo Biblö draanˈˈ ˗ni ˈgü wo ˈkwëë˗.

      • Video ˈö bhë ˗a ˈgü, we ˗yö Dimitri ˗bha ˗tosɛta ˗shiʋ̈ ˗kɔ ˗kë ꞊dhɛ?

      • ˗A ˗kɔ ˗yö ˗mɔn ˗kan we ˗bha ˗sü ˗bha ˈˈvaandhö ˗ee?

      • ˗Mën ˈö˗ ˗takun ˈö ˗kan we ꞊va mü ˗sü ˗bha ˈpapadhö?

      ˗Ka 1 Kodhɛngtö 6:10, 11 ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:

      • ˈWɔn ˈˈgbɩɩ˗ ˗mɛɛn ˈö we ꞊va mü ˗sü ˈgü?

      • ˗Mën ˈö ˗zɔn ꞊dhɛ mɛn ˈö we ˈˈdudu mü ˗mɛn ˈka ˗yö ꞊mɔɔn˗ ˗bha ˈö ˗kan ˗a ˗bha?

      ˗Ka Matiö 5:30 NWT ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:

      • ˗Wo kpö ˈö ˗kë ö ˗kɔdhɛ ˈˈklu bho ˗sü ˈka bhë, ˗a ˗gɛn ˈnën ˗tɔ kwa ˈgü ˗dɔ ˈˈgbɩɩ˗ ˗sü kö ˈkwa Zoova ˗dhidhɛwɔn kë. ꞊Ya kë ꞊dhɛ ü we ˗gɔ ꞊dhuëŋdhɛ ˈgü, ˗mën ˈü ˗dho ˗a kë kö ˈü ˈˈkan ˗a ˗bha?a

      ˗Ka 1 Kodhɛngtö 15:33 ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:

      • Ü ˈˈtɔŋdë ˗nu ꞊mɔɔn˗ ˗bha ˈwo ü ˈˈtakɔ shiʋ̈ˈˈ ɛɛnˈˈ ˈwo˗ ˗kë ˗së ˈwɔn ˈö ˗gban we mü ˗sü ˗bha ˗a ˈgü ˗kɔ ˗kë ꞊dhɛ?