Ü ˗BHA ˗ZLANWOPÖSÜ ˈKUN ˈˈGBƖƖ˗ | ˗KWA KWA ˗BHA ZUƲ̈GBLÜDHI ˗DADHIƲ̈ ˗ZLANWOPÖDHƐ ˈGÜ
˗Kwa yö kë pë ˗draan ˗a ˈka ˗pë ˗nu ˈka
Pë ˗nu ˈö ˈkwa dho mɛn ˗nu ꞊klaŋ kë ˗a ˈka ˗së ˈka ˈö˗ ˈbha ˗nu ˗kë ꞊dhɛ video ˗nu, ˈsëëdhɛ ˈˈpɛn ˗nu, ˈˈsu ˗bha ˈsëëdhɛ ˗nu, ˈsëëdhɛ ˗be ˈnën ˗nu, ˈsëëdhɛ ˗be ˗nu waa Biblö ˗nu ˈdhö bhë, Zoova ˗yö ˗an ˗nu kwa ˗dhɛ. (2Ti 3:16) ˗Yö pë ˗draan ˗a ˈka pë ˗nu ˈö ˈwo dho kwa ˗takun Biblö ˈˈɲan ˗nu ˈgü ˈˈpʋ ˗sü ˗bha, ˗an nu ˗sü ˈka kwa ˗dhɛ ˈpö. Pë ˗nu ˈwo ˈˈdhʋ̈, ˗a ˈbha ˗nu ˈnën ˈwo ˗tɔ Watchtower Library, JW Library®, Watchtower ˗BHA ˈSËËDHƐ ˗LO ˗DHƐ ˈÖ ƐNTƐNƐTÖ ˗TA, waa Guide de recherche pour les Témoins de Jéhovah.
ˈKwa bɔ pë ˗draan ˗a ˈka pë ˗nu bhë ˗an ˗ta kö ˈwɔn ˗nu ˈwo ˗gban Biblö ˗bha ˈkwa ˗an ˈˈpiʋ̈ ˈpɔn, kwa ˗bha zuʋ̈gblüdhi ˗dho ˗dadhiʋ̈. ˗Kwa kwa ˗bha Biblö ꞊klaŋ ˗nu ˗takun ˈpö kö ˗wo yö ˗kë ˗an ˈka ˗dhɛ dɔ ˈpö. ˈKwa ˗kë ˈˈdhʋ̈, woo ꞊dede ˗wa dhɛɛˈˈ ˗nu ˈwo ˗an kpɔ wo ˗de ˗gɔ ˈö ˈwo ˗gban Biblö ˗bha ˗an ˗yɔ ꞊slɔɔ, ˗an zuʋ̈ˈˈ ꞊nii ˗dho ˗da.
˗BHÖ VIDEO ˗KWA ˈˈWƖ ZOOVA ˗BHA ˗TAKUNDHE ˗BHA, KÖ ˈKWA ZUƲ̈GBLÜDHI ꞊SLƆƆ MƐN ˗NU ˗KË YESU ˗BHA GWËËˈˈ ˗NU ˈKA ˗SÜ ˈGÜ: PË ˗DRAAN ˗A ˈKA ˗PË ˗NU ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
˗Mën ˈö ˈˈSënŋ ˗ya pö ˈö ˗gban ˗dapë ˗nu ˗bha?
ˈWɔn ˗nu ˈwo ˗gban ˗dapë ˗nu ˗bha, Nita ˗yö ˗go ˗an ˗yɔ ˈka ˈˈmɛn?
Pë ˗sɛŋbɔ ˗nu ˈö ˈwo Biblö ˈgü, ˗an ꞊slɔɔ ˗sü waa ˗an ˗wɔn ˗blɛɛ mɛn ˈˈwɛɛ ˗nu ˗dhɛ ˗sü ˗yö kwa zuʋ̈ˈˈ ˈˈgblü ˗dhi.
ˈWɔn ˗nu ˈwo ˗gban ˈˈSënŋ ˗bha bhë, Nita ˗yö ö ˗kɔ ˗yɛ ˗an ˗bha ˗kɔ ˗kë ꞊dhɛ?
Yö ˈö Nita ˗ya ˗kë kwa ˗bha pë ˗draan ˗a ˈka pë ˈka bhë, ˗ya ˗kë ˈö ˗kë ö ˗de ˈgü ˗kɔ ˗kë ꞊dhɛ?