ˈWƆN ˗GƆ 15

˗Bhö ˗a ˗zɔn ꞊dhɛ ˈwɔn ˈü˗ blɛɛˈˈ ˗ni ˈgü, ü ˈdhaŋ˗ ˗bho ˗a ˈˈdhiʋ̈

1 Tesadhonikö 1:5

ˈPË ˈÜ DHO ˗A KË: ˗Bhö ˗a ˗zɔn ꞊dhɛ ˗yö ga ˗sü ˈka bhii ꞊dede ü ˈgü ꞊dhɛ ˈwɔn ˗nu ˈü ˗an pö ˗ni ˈgü bhë gagade ˗mü, ˈyö ˗an ˗wɔn ˗yö ˈˈgbɩɩ˗.

Ü ˗DHO ˗A KË ˗KƆ ˗KË ꞊DHƐ?:

Ü ˗de baaˈˈ ˗së ˈka. ˈWɔn ˗nu ˈü ˗dho ˗an blɛɛˈˈ ˗bhö ˗an draanˈˈ ˗së ˈka kö ˈü ˗an ˈgüman, kö ˗kɔ ˈö Biblö ˗ya ˗zɔn ˗a ˈka ꞊dhɛ gagade ˗mü bhë ˈü ˗a dɔ. ˗Bhö ü ˈgü dɔ ˈˈgbɩɩ˗ kö ˈwɔn gaga ˗nu ˈü ˗dho ˗an ˈgü ˈˈpʋ, mɛn ˗nu ˗wa ˈgüman. ˗Kɔ ˈö ꞊mɔɔn˗ ˗bha kö ˗yö ˈˈtʋtomɛn ˗nu ˗takun ˗a ˈka, ˗bhö ü ˗zoto ˗a ˈˈpiʋ̈. ˗Bhö bhɛɛˈˈ kö ˗Zlan ˗yö ü gba ö ˗bha ˗zuu ˈˈslʋ̈ʋ̈slʋ̈ ˈka.

˗Bhö ü ˗bha ˈˈdhɛɛtadhiaŋ˗ draanˈˈ ü ˗wo ˗ta kö ˈü˗ dɔ ˗së ˈka, kë ˈˈdhʋ̈ kö ˈü dɔ ˗a zë ˗kɔ ˈka.
˗Wo ˗nu ˈwo˗ ˗zɔn ꞊dhɛ dhiaŋ ˈü˗ zë ˗ni ˈgü ü ˈdhaŋ˗ ˗bho ˗a ˈˈdhiʋ̈, ˗bhö ˗an pö. ˈBha ˈdho ʒiö ˗wo ˗nu ˈwo ˗bɛn zë ˗sü ˈka kwa ˗bha ˈsëëdhɛ ˗nu ˈgü ˗an ˈˈpiʋ̈ dosɛnŋ. ˗Bhö ˗an pö ü ˗de ˗bha dhiaŋ zë ˗kɔ ˈgü. ˗Wo ˗nu ˈwo˗ ˗zɔn ꞊dhɛ ü ˈdhaŋ˗ ˗bho ꞊dedewo ˈwɔn ˗nu ˈü ˗an blɛɛˈˈ ˗ni ˈgü ˗an ˈˈdhiʋ̈, ˗bhö wo ꞊nën ˗an pö.
Ü ˗bha dhiaŋ zë ˗kɔ ˗yö mɛn ˈˈwɛɛ ˗nu ˗takun kö ˗wo ˈdhaŋ˗ bho pë ˈü˗ blɛɛˈˈ ˗ni ˈgü ˗a ˈˈdhiʋ̈. ˗Bhö ˈwɔn blɛɛˈˈ ü ˗wo ˗ta. ꞊Ya kë ꞊dhɛ ˗a kë ˈˈdhʋ̈ ˗sü ˈyaa ˈwɔn yaa ˈka ka ˗gɔ ˈmü, ü dhiaŋ zë ˗ni ˈgü, ˗bhö ˈˈtʋtomɛn ˗nu ˗ga.

꞊Waa˗ pö ü dhiaŋ zë kö mɛn ˈˈwɛɛ ˗nu ˗wo ˈdhaŋ˗ bho pë ˈü˗ pö ˗ni ˈgü ˗a ˈˈdhiʋ̈, ˗a ˗gɛn ˈyaa ˈnën ˈö ˈtɔ˗ ˈü ˗wo ˈˈdhiʋ̈˗ pö ˗an ˗dhɛ, ɛɛnˈˈ ˈü ˈˈgbɩɩdhɛ wɔ ˗an ˗ta kö ˗wo ˈdhaŋ˗ bho ˗a ˈˈdhiʋ̈. ˈÜ ˈwɔn blɛɛˈˈ ˗ni ˈgü kö mɛn ˈˈwɛɛ ˗nu ˈwo ˈdhaŋ˗ bho ü ˗wo ˈˈdhiʋ̈, ˗bhö ˗a blɛɛˈˈ dhɔŋsü ˈka.