˗Kwa zuʋ̈sëmɛn ˗nu mɛɛnˈˈ

1. Yesu ˗Zlan ˗bha nɔɔn˗ ˗së pö ˗kɔ ˗zɔn kwa ˗dhɛ.

˗Yö ˗dhioo ˗së ˗dɔ kwa ˗ta ˈö˗ pö:

‹˗Ka zuʋ̈sëmɛn ˗nu ˈö ˈwo˗ ˈˈpiʋ̈ ˈwo ˗Zlan dɔ,

ˈWo ˗dhɛ ˈsaadhö ˈgü ˈˈkpɔnŋ ꞊taa ˗an mɛɛnˈˈ.

ˈMɛn ka ˗dhɛŋ kun ˗së, ˗ka ˈdhuëë˗ ˈkpɔ ˗a ˗mɛn ˗bha,

Kö zuʋ̈niidadhe ˗yö kë ˗a ˗gɔ.

Kö ˗wo ˈsi bho ka ˗gɔ, ˗wo ˗kɔ ˗Zlan ˗Wo ˈka,

ˈˈSɛ ˗bi ˈö mü, ˗kaa bho ka ˗gɛn ˗bha.›

2. Kwa Dëmɛn ˗ya ˗pö ‹ˈmɛn ö ˗kɔ kpɔ ka ˗gɔ,

Kö ˗yö ö ˗kɔ ˗kpɔ n ˗dhɛŋ ˗gɔ.›

Kö ˗Zlan zuʋ̈sëmɛn ˗nu ˗takun ˗a ˗Wo ˈgü

man ˗sü ˗bha, ˗yö kwa zuʋ̈ˈˈ ˈˈgblü ˗dhi ꞊dɛɛ.

Kwa ˗zlanwopö ˗ni, ˈkwa kwa ˗zo yö ˗Zlan ˗dhɛ,

˗Yö ˗dho kwa ˗takun dhiaŋzësü ˗bha.

Kwa ˗wo ˗yö kë ˗së, mɛn ˗nu ꞊faanmën ˗wo ˈka,

Kö ˗yö zuʋ̈sëmɛn ˈˈgan ˗Zlan ˗gɔ ˈkɔɔ.