ˈWƆN ˗GƆ 11

ˈWɔn ˗blɛɛ zuʋ̈gblüdhidhe ˈka ˗sü

Wlɔmö 12:11

ˈPË ˈÜ DHO ˗A KË: ˗Bhö ˈwɔn blɛɛˈˈ zuʋ̈gblüdhidhe ˈka kö ˈü ˈpa mɛn ˗nu zuʋ̈ˈˈ ˈka, kö ˈü ˗an ꞊faan ˈmën ˈwɔn ˗së kë ˗sü ˗bha.

ˈWɔn ˈü ˗dho ˗a ˗dhiaŋ zë, ˗yö kë ü ˗dhɛ ˗së. Ü ü ˗de baaˈˈ ˗ni ˈgü, ˈpë ˗kë ˈö ˈwɔn ˈü ˗dho ˗a blɛɛˈˈ ˗a ˈwɔn ˈdhö ˈˈgbɩɩ˗, ˗bhö ü ˗zota ˗a ˈgü. Pë ˈü ˗dho ˗a blɛɛˈˈ, ˗bhö ˗a draanˈˈ ˗së ˈka kö ˈü dhiaŋ zë ˗zogbandhe ˈka.
˗Bhö ü ˗zota ˈˈtʋtomɛn ˗nu ˗wɔn ˈgü. ˈWɔn ˗së ˈö ü ˗bha pë ˗wopösü ɛɛnˈˈ ü ˗bha mɛn ꞊klaŋ kë ˗kɔ ˗dho ˗a kë ˈˈtʋtomɛn ˗nu ˗dhɛ, ˗bhö ü ˗zota ˗a ˈgü. ˗Kɔ ˈü ˗dho ˗a kë ˗a ˈka kö ˗a ˗dhɔ ꞊dede ˗yö ˈˈtʋtomɛn ˗nu kë, ˗bhö ˗a mɛɛnˈˈ.
˗Bhö ˗a kë kö pë ˈü ˗dho ˗a ˗wo pö ɛɛnˈˈ ˗a blɛɛˈˈ ˗yö kë ˈˈwowosü. ˗Bhö dhiaŋ zë ˗zogbandhe ˈka. ˗Bhö ˈpa ü ˗de ˈka. ˗Bhö ˗a ˗kë kö pë ˈö ü zuʋ̈ˈˈ ˈˈpiʋ̈ mɛn ˗nu ˗wa ˗dhɛ yö ü ˈwëëdhɛ ˗bha.

ˈBha ˈdho ˈwɔn do bhë ˗a kë ˗kpɛɛwo kö ˗yö ˈˈyɩɩ ˗da mɛn ˗nu ˈgü. ˈBha ü ˗kɔ ɛɛnˈˈ ü ˗gɔ ɛɛnˈˈ ˈzü pë ˈˈwɛɛ ˈbha vin ü ˗bha, ˗a ˗gɛn ˗yö ˗kë ˗dhö. ˈÜ ˈˈtʋtomɛn ˗nu ꞊faan ˈmën ˗ni ˈgü ˈwɔn ˈbha kë ˗sü ˗bha, ɛɛnˈˈ ˈü ˈwɔn ꞊bhlëësü ˈbha blɛɛˈˈ ˗ni ˈgü, ˗bhö dhiaŋ zë zuʋ̈gblüdhidhe ˈka ˈˈwowosü ˈka. ˈBha ˈdho dhiaŋ zë ˈˈwowosü ˈka ˈˈtʋ̈ŋ ꞊gban ˈka kö ˗yö ˈˈtʋtomɛn ˗nu ˈgü ga.