Babɛdhö ˈkɔ ˈkpii˗

ˈDhɛ ˈö ˈˈyi ˈö pa Noe ˗bha ˈˈtʋ̈ŋ ˈgü ˗yö ˗ʒiö, Noe waa ö ˗bha ˈnën ˗nu ˗wo ˈnën ꞊va ˗kpɔ ˈö ˗an ˗bha ˈkɔdhi ˗kë ˈkpii˗ ꞊dedewo. ˗A ˗wɔn ˈgü, mɛn ˈbha ˗nu ˗wo ˗dho ˈwo ˗ya ˈˈsɛ ˈˈpian ˈˈwɛɛ ˈbha ˗nu ˈgü ꞊dhɛ ˗kɔ ˈö Zoova ˗ya pö˗ ˈka bhë ˗a ˈdhö.

ˈˈKɛɛ ˗a ˗bha ˈkɔdhigümɛn ˈbha ˗nu wo ˈti ˈwɔnman Zoova ˗ta. ˗Wa ˗pö wo ˗de ˗dhɛ ‹˗kwa ˈkɔ do ˈbha dɔ, kö˗ ˗gɔ ˗yö yö dhaŋ˗ ˗bha, kö ˗yö kë kwa ˈtɔ ˈka.›

Pë ˗nu ˈwo kun ˗an kë ˗ni ˈgü bhë, yö ˈti dhi Zoova ˗dhɛ, ˗a ˗wɔn ˈgü ˈö˗ pö ꞊dhɛ ö dho ˗an ˗bha yö ˈduannu. ˗Kɔ ˈö˗ ˗kë ˈka ü˗ ˗dɔ ˗ee? Zoova ˗yö ˗an ˗wo ˗kaan ˈˈkwëë. ˈDhɛ ˗kë ꞊dhɛ ˈwaa kun wo ˈko ˗nu wo ˈgüman ˗ni ˈgü bhë, ˗ya ˗kë ˈwo ˈkɔ ˗dɔ yö bhë ˗a ˈduannu. ˈˈKwipö ˈwo kun ˗a dɔ ˗ni ˈgü bhë, ˗wa ˗dhɛ Babɛdhö. ˗A ˈklɔɔ˗ ˈnën ˗tɔ «˗kaankwëëdhe ɛɛnˈˈ ˗bhluubhluudhe.» Mɛn ˈö ˈdhö ˗yö ˗dho ˈˈsɛ ˈˈpian ˈˈwɛ ˈbha ˗ta kö ˗yö ö ˗bha ˗tosɛta kë mü. ˈˈKɛɛ ˗dhɛ ˗nu ˈwo dho ˈwo ˗ya ˗an ˗bha bhë, ˗wo ˗to ˈwɔn yaa ˗nu kë ˗sü ˗bha mü dosɛnŋ. Mɛn ˈbha ˗kun ˗dhö ˈˈsɛ ˗ta ˈˈtʋ̈ŋ bhë ˗a ˈka ˈö Zoova ˗dhɔ kun ˗a kë ˗ni ˈgü ˗ee? ˈWɔn ˗gɔ ˈö dɔ ˗a ˗dhɛ ˈö yö ˗a ˈˈpiʋ̈ ˗dho dhɛɛˈˈ bhë, ˗a ˗daakë.