Mɛn ˈˈsaaga ˈnën ˈwo dha

Noe, ˗a ˗bha ˈkɔɔmɛn ˗nu waa wü ˗nu ˗wo ˗da ˈˈyitagɔ bhë ˗a ˈgü. ˈDhɛ ˗kë ˈˈdhʋ̈, ˈyö Zoova ˗yö ˈˈyitagɔ bhë ˗a ˈˈkwee ta ˈö dha ˗yö ˗ya ban ˗sü ˗bha. Dha ˗yö ˗ban ꞊dedewo ˈö ꞊gbëë ˈkpii˗ bhë ˗yö ˗ya duŋ ˗sü bha ˈˈyi ˗ta. ˈDhɛ ꞊ɲɔɔn mü, ˈö ˈˈyi ˗yö pa ˗dhɛ ꞊gban ˈgü ˈˈsɛ ˗ta. Mɛn ˈˈpɛpɛ ˈö ˈwaa kun ˈˈyitagɔ bhë ˗a ˈgü ˗an ꞊gban ˗wo ˗ga. ˈˈKɛɛ Noe waa ö ˗bha ˈkɔɔmɛn ˗nu ˗zë ˗wo ˗kë wo ˈflëëgü ˈˈyitagɔ ˈö bhë ˗a ˈgü. Zuʋ̈gblüdhi ˈö kun ˗an ˗gɔ ˈyö ˗tɔ ꞊dhɛ ˗wo ˈwɔn ˗man Zoova ˗ta bhë, ˗bhö ü ˗zota ˗a ˈgü!

Dha ˗yö ˗ban ˗dhɛkpaɔyi 40 waa gbeŋ 40 ˈka ö ˈduannu. ˈYö ˈˈyi ˗yö ˗ya bhʋ̈ʋ̈ˈˈ ˗sü ˗bha ˈˈdhiʋ̈ ˈˈdhiʋ̈. ˗A ˈˈdhiʋ̈tadhɛ ˈgü, ˈˈyitagɔ ˈö bhë ˗yö ˗duannu ˗tɔn do ˈbha ˗ta. ˈˈKɛɛ ˗dhɛ ˈö ˗kë ꞊dhɛ ˈˈyi ˗kun ˈˈsɛ ˗ta ꞊va ꞊dedewo bhë, Noe waa ö ˗bha ˈkɔɔmɛn ˗nu wo ˈti ꞊mɔɔn ˗go ˈˈyitagɔ ˈgü ˗sü ˗bha ˈˈvaandhö.

ˈˈYi ˈö bhë, ˗yö ˗bhʋ̈ʋ̈ ˈˈdhiʋ̈ ˈˈdhiʋ̈. ˈˈTʋ̈ŋ ˈö ˗ʒiö ˗kwɛ do ˗ta ˈnën˗ Noe waa ö ˗bha ˈkɔɔmɛn ˗nu ˗wa ˗kë ˈˈyitagɔ bhë ˗a ˈgü. ˗Dhɛ ˈö ˈˈtʋ̈ŋ ˈbha ˗yö ˗wo, ˈö Zoova ˗ya pö ˗an ˗dhɛ ˗wo ꞊mɔɔn˗ ˗bha ˈwo yö ˈˈkpɛnŋ. ˗An dha ˈö Zoova ˗ya ˗wo bhë, ˗yö ˗an zuʋ̈gblüdhi ꞊dedewo. ˗A ˗wɔn ˈgü ˗wa ˈˈnuɛ ˗bho ˈˈsaa˗ ˗bho ˗a ˗dhɛ ˗sü ˈka.

ˈˈSaa˗ ˈwo˗ bho bhë, ˗yö ˗dhi Zoova ˗dhɛ ꞊dedewo. ˈDhɛ ˗kë ˈˈdhʋ̈, ˈö Zoova ˗yö ö ˗wo ˗bhö ꞊dhɛ yö ˈti ˈdho mɛnbhɩɩdhe ˈgü shiʋ̈ˈˈ ˈzü dha ˈka. Ö ˗wo ˈö Zoova ˗ya ˗bhö bhë, ˗ya ˗zɔn dha ˗kpöŋ ˗blɛɛsü ˈka dhaŋ˗ ˈgü. ˈBha dha ˗kpöŋ yö do ˗ee?

Zoova ˗ya ˗pö Noe waa ö ˗bha ˈkɔdhigümɛn ˗nu ˗dhɛ ꞊dhɛ ˗wo ˈnën ˗nu ˈkpɔ, ˗wo ˈkpɔnŋtaadhɛ pa.