˗Kɔ ˈˈpian 3 zübhodhɛ

ˈDhɛ ˈˈyi pa ˗sü ˈˈtʋ̈ŋ ˗yö ˗ʒiö ˗kwɛ ˗nu ˈwo dɔ ˗an ˈˈpiʋ̈ ˗an ˈgü, Biblö ˈti mɛn ˗nu ˈwo kun Zoova ˗dhɔkë ˗ni ˈgü ˗an ꞊vadhɛ ˗wɔn blɛɛˈˈ. Mɛn ˗nu ˈö ˈwo˗ ˗dhɔkë ˈˈdhʋ̈, ˗a mɛn do ˈnën ˗tɔ Ablaamö. ˈMën ˗kë ˈö ˈwo Ablaamö ˗dhɛ Zoova ˈˈtɔŋdë? ꞊Ya kë ꞊dhɛ ˈnënmɛn ˗mü ü ˈka, ü ˗bha ˈnën ˗takun kö ˗ya ˈwɔn dɔ ꞊dhɛ Zoova ˗yö ö ˈˈtʋ̈ŋ ˗kë ˗a ˈgü ꞊dedewo, ˈö˗ ˈˈpiʋ̈ ˈkö ˈö˗ ˗takun. ꞊Dhɛ Ablaamö, Lɔtö waa Zakɔbö ˈö ˈwo ˗klu ˗Zlan ˗bha ˗an ˈdhö, kwa ꞊mɔɔn˗ ˗bha ˈkwa ˗takundhe ˗dhɛ Zoova ˗gɔ kwa ˈflëëgü. ˗Yö kë ˗ga ˗sü ˈka kwa ˈgü ꞊dhɛ pë ˗nu ˈö Zoova ˗yö ˗an ˈˈplüün bho bhë, ˗yö ˗dho ˗an ꞊gban kë.