˗Zlan ˗dhɔkëmɛn ˗nu ˗bha bhɛɛwo

1. Yi Dëmɛn ˗Zlan, ü ˈtɔ ˗yö bhɔ ˈˈkpɔnŋ ꞊taa.

Bhi ˈnën ˈü ˗tɔ ˗Zlan ˈö˗ ˗zɔn ˈka ˗mɛn ˈyaa ˈdhö.

ˈPë ü ˗zokunwɔn ˗nu ˈka ˗wo ˗kë!

˗Zlan yi ˗bhɛɛ ü ˗bha ˗Gblüdëdhɛ ˗wɔn ˈgü.

Yi ˗bhɛɛ kö ˗yö nu ˈˈkpɔnŋ ꞊taa,

Kö ˈwɔn ˗së ꞊va kë yi ˗dhɛ.

2. ˗Bhatoëdë ˗Zlan, yi zuʋ̈ˈˈ ꞊nii ˗da ˗sü ˈka.

Ü ˈwɔn ˗së ꞊va ˗nu ˗kë yi ˗dhɛ yi ˈˈplɛ ˈka.

Bhi ˈnën ˈü ˗tosɛta nu yi ˗dhɛ.

Ü ˈwɔndɔdhe waa ˗gleŋ ˗së ˗zɔn yi ˗dhɛ.

Ü ˗bha ˗dhɔkaadhe ˗wɔn ˈgü,

ˈYa ü ˈˈnuɛ bho yi Dë ˗Zlan.

3. Kö ˈwɔn ˈˈgbɩɩ˗ ˗nu ˗wo nu yi ˗ta ˈˈkpɔnŋ ꞊taa,

˗Bhö yi ˗zo ˗gban kö ˗zoyödhe kë yi ˗gɔ.

Yi Dë ˗bhö ꞊kwɛɛ˗ ˈgbinŋ˗ ˗nu bho yi ˗ta.

˗Bhö ü ˗dhɔkësü ꞊faan ˗dɛɛ nu yi ˗dhɛ.

Yi ˗dho ü ˗bha ˈtɔŋ˗ ˗nu ˈkun,

Bhi ˈnën ˈü ˗tɔ ˗Zlan ꞊dede.