ˈˈTAN 150
˗Bhö ˗Zlan mɛɛnˈˈ, kö ˈü dha
(Sophonie 2:3)
1. ˗Gblüdë ˗nu ˈwo ˈˈkpɔnŋ ꞊taa,
˗Wa ˗gban ˗Zlan ˗bha ˗Yamɛn ˗gɔ.
ˈˈKɛɛ Zoova ˗Zlan ˗ya ö ˗wo ˗bhö,
˗An ˗bha mɛnkɔɔnsü ˗dhö ɲën.
˗An ˗bha mɛndhɛkësü
ˈˈDhiʋ̈toyi ˗yö ˗wo ˗ni ˈgü.
Yesu ˗kɔ ˗dho ʒiö ˗a ˈyɔɔ˗ ˗nu ˗gɔ.
˗A ˈˈtʋ̈ŋ ˗ya ꞊töŋ ꞊dedewo.
(˗A ˈKUN ˗KƆ)
ˈMɛn˗ ˈpiö ˈö dha ˗Zlan ˗bha ˗gblü ˗gɔ,
˗A dua ˗mü kö ˗yö ˗klu ˗Zlan ˗bha.
˗Zlan ˗bha ˗Gblüdëdhɛ
Waa ˈwɔn ˗së kë ˗sü,
ˈNën ˈkwa ˗dho ˗klu ˗an ˗bha ˗kplawo.
˗Zlan ˗dho ö ˗kɔ ˗së kpa kwa ˗ta,
ˈÖ ˈkwa ꞊bhɔɔ ˈˈsɛ ꞊slɔɔ.
2. ˗Kwa ˗zlanwopö ˗kplawo,
Kö ˈkwa zuʋ̈puumɛn ˗nu mɛɛnˈˈ.
Mɛn ˈö ˗dho ö ˈˈtʋ ˈto kwa ˗bha,
Yö ˈnën ˗Zlan dho ˗a dha ˈpö.
ˈKö ˈwo ˗dho kwa ˈˈklʋʋ bhɔ,
ˈˈSuʋ̈ ˈbha ˈya ˗dho kë kwa ˈgü.
Zoova ˗zo ö ˗dhɔkëmɛn ˗nu ˈpiö,
˗Yö ˗dho kwa dha ˈˈtʋ̈ŋ ˈˈgbɩɩ˗ ˈgü.
(˗A ˈKUN ˗KƆ)
ˈMɛn˗ ˈpiö ˈö dha ˗Zlan ˗bha ˗gblü ˗gɔ,
˗A dua ˗mü kö ˗yö ˗klu ˗Zlan ˗bha.
˗Zlan ˗bha ˗Gblüdëdhɛ
Waa ˈwɔn ˗së kë ˗sü,
ˈNën ˈkwa ˗dho ˗klu ˗an ˗bha ˗kplawo.
˗Zlan ˗dho ö ˗kɔ ˗së kpa kwa ˗ta,
ˈÖ ˈkwa ꞊bhɔɔ ˈˈsɛ ꞊slɔɔ.
(Kpɔɔˈˈ 1 Sam. 2:9; Ps. 2:2, 3, 9; Prov. 2:8; Mat. 6:33 ˗bha.)