˗Kwa ˈdho kwa ˈˈdhiʋ̈!

1. ˗Zlan ˗bha ʒiaan ˗ta, ˗kwa kë ˗zogbanmɛn ˗nu ˈka!

Kö ˈkwa ˗Zlan ˈˈdhiwo pö ˗dhɛ suu ˈsaadhö ˈgü ˈˈkpɔnŋ ꞊taa.

ˈKwa pë ˈˈplɛ kë kö kwa ˗gɛn ˈdho ˈdhiö ˗a ˈgü,

˗Zlan ˗dho ˈdhuëë˗ ꞊va ˈkpɔ kwa ˗bha.

˗Zlanwopösü mɛn ꞊gban ˗bha yö ˈka.

Kwa Dëmɛn Yesu ˈnën˗ pö ˈkwa˗ kë.

˗Kwaa ˗dhɛ kwa Dë ˗Zlan ˗gɔ kö ˗yö kwa ˗takun,

Kö ˈkwa ˈwɔn ˗së ˗ta ˗ko zë.

2. ˗Bhö ü ˈgü dɔ ˈˈgbɩɩ˗ kö ˈü ꞊faan ˈsü ˈkwa ˈdho,

ˈKwa ˗toëpö ˗këdhösü ˗wɔn blɛɛˈˈ ˈˈkpɔnŋtaadhɛ ꞊gban ˈgü.

˗Kwa ˈdho ˈkwa ˗zlanwopö ˈkɔdhi ˈsaadhö ˈgü,

Kö ˗wo kwa Dë ˗Zlan dɔ ˈpö.

ˈKö ˈwɔnyaakëmɛn ˗nu ˗gban kwa ˗gɔ,

ˈÖ ˈwo ˈˈsuʋ̈ ˗da kwa ˈgü ˗wɔn ˗nu ˗kë,

˗Kwa ˗Zlan ˗bha ˗Gblüdëdhɛ ˗nɔɔn pö kwa ꞊faan ˈka,

ˈKwa gagade pö ˗kplawo.

3. ˗Kwa dɔ ˈgbee˗ kö ˈkwa kë ˗zogbanmɛn ˗nu ˈka.

˗Zlan ˗bha yö kë ˗ni ꞊va,

˗Kwaa kë kwa ꞊faan ꞊dede ˈka.

Kwa ˗kɔ ˈto ˗Zlan ꞊kwɛɛ˗ kö ˗yö ˈˈdhiʋ̈sü kwa ˈka.

˗A ˗kë ˈˈdhʋ̈ ˗sü kwa ꞊nii ˗da.

Zuʋ̈puumɛn ˗nu ˈwo ˗we ˗Zlan ˗Wo ˗bha,

˗Kwa dɔ ˈˈgbɩɩ˗ kö ˈkwa ˈpa ˗an zuʋ̈ˈˈ ˈka.

Wo ˗de ˈpö ˗wa kë ˗Zlan ˗dhɔkëmɛn ˗nu ˈka,

Kö ˗Zlan ˗Wo ˗dhɛ ˈˈpʋ ˗ni ˈgü.