ˈˈSɛgɔdhiʋ̈mɛn ˗nu
Mɛnkɔɔnsü ˗mɛɛn ˈö kletiɛn ˗nu ˈwo ˗klu ˗a ˗bha, ˈö ˈwo wo ˗gɔ dho ˗a ˗dhɛ ˈˈshia˗?
Kpɔɔˈˈ ˈzü Dn 7:13, 14 ˗bha.
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Ps 89:18-29—Zoova ˗ya Mesi kë ˗Gblüdë ˈka ˈˈkpɔnŋtaadhɛ ˗todhösü ˗ta.
˗Dh 12:7-12—ˈˈTʋ̈ŋ ˗totaabhasü zübhodhɛ ˈgü, Mesi ˗yö ˗kë ˗Gblüdë ˈka dhaŋ˗ ˈgü ˈö Sɔtraan ˗zuö ˈˈkpɔnŋ ꞊taa.
Klito ꞊dhegblü ˗nu ˈö ˈwo ˈˈɲɔn ˗a ꞊troo ˗nu ˈka, ˗an ˗bha yö ˗yö ˗gban ˗Zlan ˗bha ˗Gblüdëdhɛ ˗bha ˗kɔ ˗kë ꞊dhɛ?
2Ko 5:20; Fdh 3:20, 21
Kletiɛn ˗nu ˗wo ˈˈsɛgɔdhiʋ̈mɛn ˗nu ꞊bhlëe ˗ya
ˈMën ˗kë ˗ ˈö kletiɛn ˗nu ˈwo ˈˈsɛgɔdhiʋ̈mɛn ˗nu ˗bha ˈtɔŋ˗ ˗nu ꞊bhlëë ˗ya, ˈö ˈwo ˈnii˗ ꞊sɔnŋ bho?
Wlɔ 13:1-7; Tit 3:1; 1P 2:13, 14
Kpɔɔˈˈ ˈzü Kë 25:8 ˗bha.
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Mt 22:15-22—˗Dhɛ ˈö ˈwo Yesu dhɛɛˈˈ kpɔ ꞊ya kë ꞊dhɛ ˗a ˗bha ꞊klaŋ ˗nu ˗wo ˈnii˗ sɔŋ bho bhë, ˗ya ˗yɔ ˗bɔ ˗an ˗gɔ ꞊kpɔɔdhɛ ˈka.
ˈMën ˗kë ˈö ˗wa kwa ˈˈklʋʋ bhɔ ˈö ˈkwaa˗ ˈˈyɔɔ bho?
Kletiɛn ˗nu ˈwaa wo ˗kɔ ˗da ˈˈsɛkɔɔwɔn ˈgü
ˈKö ˗kë ꞊dhɛ kwa ˈˈsɛgɔdhiʋ̈mɛn ˗nu ꞊bhlëë ˗ya, ˈmën ˗kë ˈö ˗wa pö kwa ˗dhɛ ˈkwa Zoova ˗bha ˈtɔŋ˗ ˈbha ꞊lögü, ˈö ˈkwa ˗kɔ?
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Dn 3:1, 4-18—Eblö ˈnëngɔɔn˗ ˗nu ˗yaaga ˈwii ˈˈwɩ˗ ˗bha kö ˗wo wo ˗gɔ ˈdho Babidhɔnö ˗mɛn ˗nu ˗bha ˈtɔŋ˗ do ˗dhɛ ˈˈshia˗ ˈyö ˗tɔ ꞊dhɛ ˗yö ˗kun ˗gban ˗ni ˈgü ˗Zlan ˗bha ˈtɔŋ˗ ˗gɔ.
Dn 6:6-10—˗Dhɛ ˈö ˈˈsɛkɔɔnmɛn ˗nu ˈwo˗ pö ꞊dhɛ mɛn ˈbha ˈya ˈdho bhɛɛˈˈ ˈzü ö ˗bha ˗zlan ˗dhɛ bhë, Daniɛdhö ˈyii˗ ˈto ˗a ˈˈpiʋ̈.
˗Kɔ ˗mɛɛn ˈö Yesu ˗ya ˗zɔn ˗a ˈka ꞊dhɛ kletiɛn ˗nu dua ˈyaa ˗mü kö ˗wo wo ˗kɔ ˗da ˈˈsɛkɔɔwɔn ˈgü?
˗Zlan ˗bha ˈtɔŋ˗ ˈö˗ pö ꞊dhɛ ˗Zlan ˗dhɔkëmɛn ˗nu ˈwa ˈdho ꞊geebɔ ˗dhɔkë bhë, ˗yö ꞊mɔɔn˗ ˗bha ˈö kletiɛn ˗nu ˗takun ˗kɔ ˗kë ꞊dhɛ kö ˈwa ˈdho wo ˗kɔ ˗da ˈˈsɛkɔɔwɔn ˈgü
Ex 20:4, 5; 1Ko 10:14; 1Zn 5:21
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Dn 3:1, 4-18—˗Gblüdë Nabukodonozɔ ˗yö pë ˈˈbin do ˈö ˗gban ꞊sua ˗zlan Madukö ˗dhɔkësü ˗bha bhë ˗a ˗yö ˗kë, ˈö˗ pö mɛn ꞊gban ˈˈpɛpɛ ˗wa ˗dhɔkë.
Biblö ˈˈɲan ˗mɛɛn ˈö ꞊mɔɔn˗ ˗bha ˈö kletiɛn ˗nu ˗takun ꞊ya kë ꞊dhɛ ˈˈsɛgɔdhiʋ̈mɛn ˗nu ˗wa pö ˗an ˗dhɛ ˗wo wo ˗kɔ ˗da ˗gblü ˈgü?
Is 2:4; Zn 18:36
Kpɔɔˈˈ ˈzü Ps 11:5 ˗bha.
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Mt 26:50-52—Yesu ˗ya ˗pö ˈˈpuu ˈka ꞊dhɛ ˗a ˗bha gwëëˈˈ ˗nu ˈwaa wo ˗kɔ ˗da ˗gblü ˈgü.
Zn 13:34, 35—Kletiɛn ˗nu dua ˗mü kö ˗wo wo ˗de dhɛɛˈˈ ˈkpɔ: «꞊Ya kë ꞊dhɛ ˈman buu ˈsü ˈˈsɛ ˈˈwɛɛ ˈgümɛn ˗nu ˗gɔ kö ˈa ˈdho n ꞊dhegblü kletiɛn ˗nu ˈwo mü ˗an zë, kö Yesu ˗bha ˈtɔŋ˗ bhë ˈa ˈto ˗ni ˈgü ˗a ˈˈpiʋ̈ ˗ee?»
Mɛn ˗nu ˈwo ˈˈta ˈsü ˗ni ˈgü kö ˗wo ˗gban ˈˈsɛkɔɔnmɛn ˗nu ˗gɔ, ˈmën ˗kë ˈö kletiɛn ˗nu ˈwaa ˗da ˗an ˈˈpiʋ̈?
Pr 24:21, 22; Wlɔ 13:1-7; 1P 2:17
ˈˈSɛgɔdhiʋ̈mɛn ˗nu ˗wa ꞊sua ˗ya kwa ˗bha, ꞊waa˗ pö ˈkwaa ˈtɔŋ˗ ˗nu ꞊bhlëë ˗ya ɛɛnˈˈ ˈˈbhluubhudhe ˗damɛn ˗nu ˗mü kwa ˈka, ˈmën ˗kë ˈö˗ ˗wɔn ˈyaa kwa ˈkun?
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Kë 16:19-23—Bɔmɛn Pɔdhö waa Silasö ˗wo ˗saan ˗an ˗bha ˗zlanwopösü ˈkosɔn.