Kpɛnŋdhödhɛ; ˗klu ˗Zlan ˗bha ˗sü
ˈMën ˗tɔ kpɛnŋdhödhɛ ɛɛnˈˈ ˗klu ˗Zlan ˗bha ˗sü?
Ps 18:23-25; 26:1, 2; 101:2-7; 119:1-3, 80
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Lv 22:17-22—Zoova ˗ya ˗pö ꞊dhɛ wü ˈö ˈwo ˗dho ˈˈsaa˗ bho ˗a ˈka ˗a ˈˈdhiʋ̈, ˗yö kë ˈˈslʋ̈ʋ̈slʋ̈, pö ˈya ˈdho kë ˗a ˗bha. ˗Wo kpö ˈö ˗kë «ˈˈslʋ̈ʋ̈slʋ̈» ˈka bhë waa ˗wo kpö ˈö ꞊waa˗ ꞊dhiëëta Eblö ˗wo ˈgü ˈö ˗kë kpɛnŋdhödhɛ ˈka bhë, ˗wo ˗dho wo ˈko ˈˈdhiʋ̈ ˗gɔ. ˗Ya ˗zɔn ꞊dhɛ mɛn ˈö kpɛnŋdhö ˗yö ˗klu ˗Zlan ˗bha, ˈö˗ ˗dhɔkë ö ˈnii˗ ꞊gban ˈka.
Jb 1:1, 4, 5, 8; 2:3—Zɔbö ˗ya ˗zɔn ö ˗bha ˗tosɛta ˈgü ꞊dhɛ mɛn ꞊yaa˗ pö ˈö kë kpɛnŋdhö, ˗a dua ˗mu kö ˗yö Zoova ꞊bhlëë ˗ya ꞊dedewo, kö ˗ya ˗dhɔkë ö zuʋ̈ˈˈ ꞊gban ˈka. ˈGo mu ˈzü kö ˈwɔn yaa ˗saan ˗ya kë.
ˈMën ˗kë ˈö kwa ˗bhawɔn ˈdhö ˗klu ˗Zlan ˗bha ˗sü ˗bha?
Ps 7:8, 9; 25:21; 41:12; Pr 10:9; 11:3
Kpɔɔˈˈ ˈzü Mk 12:30 ˗bha.
ˈMën ꞊mɔɔn˗ ˗bha ˈö kwa ˗blü kö ˈkwa ˈto kpɛnŋdhö?
1Ch 29:17; Pr 2:7
Kpɔɔˈˈ ˈzü Pr 27:11; 1Zn 5:3 ˗bha.
Kwa ˗dho kwa ˗bha ˗kë kpɛnŋdhösü ˗da ˈˈdhiʋ̈ ˗kɔ ˗kë ꞊dhɛ?
Jos 24:14, 15; Ps 101:2-4
Kpɔɔˈˈ ˈzü Dt 5:29; Is 48:17, 18 ˗bha.
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
Jb 31:1-11, 16-33—Zɔbö ˗ya ˗zɔn ö ˗bha ˗tosɛta ꞊gban ˈgü ꞊dhɛ ˗yö kpɛnŋdhö ˈö ˗klu ˗sü ˈka ˗Zlan ˗bha, ˗kan ˈˈɲangüyaa ˗bha ˗sü, ˈˈgblüsë kë ˗sü waa mɛn ˈˈwɛɛ ˗nu ꞊bhlëë ˗ya ˗sü ˈka. Zɔbö ˗yö Zoova dosɛnŋ ꞊nën˗ ˗dhɔkë. ˈYii ꞊geebɔ ˗dhɔkë. ˈGo mü ˈzü ˗mlɛɛn ˈö kun waa ˗Zlan ˗an ꞊zinŋ ˈgü ˈö ʒiö˗ ˈka ꞊nɔɔn ꞊kwɛɛ˗ ˗nu ˗ta.
Dn 1:6-21—Daniɛdhö waa ö ˈˈtɛɛbɔ ˗nu ˗yaaga ˗wo ˗to kpɛnŋdhö ˈwɔn ˈö ˗gban ˗bhöpë ˗bha bhë ˗a ˈgü ˈkö ˗kë ꞊dhɛ ˗an ˗züzü ˗mɛn nu ˈwaa Zoova ˗dhɔkëmɛn ˗nu ˈka.
Mɛn ˈö ˈwɔn yaa ˗kë ˗gɛnɲan ˈka ꞊va ˗yö ꞊mɔɔn˗ ˗bha ˈö ˗kë kpɛnŋdhö ˈzü ˗ee?
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
1R 9:2-5; Ps 78:70-72—˗Dhɛ ˈö ˗kë ꞊dhɛ ˗Gblüdë Davi ˗yö ˗go ö ꞊sɔŋ yaa ˈgü ˈö Zoova ˗ya ˗bhawɔn to bhë, Zoova ˗ya ˗yö ˗kplawo ꞊dhɛ mɛn kpɛnŋdhö ˈdhö.
Is 1:11-18—ˈKö ˗kë ꞊dhɛ Zoova ˗ya ˗pö ö ˗bha ˈˈsɛgümɛn ˗nu ˈˈgblʋ̈ʋ̈dhɛ ꞊gblɛɛn, ˈgo mü ˈzü ˗wa ˈwɔn yaa ꞊va kë, ˗ya ˗pö ꞊ya kë ꞊dhɛ ˗wa ˈgo wo ˗bha ˈwɔn yaa ˈgü, ˗wa wo bo ˈwɔn yaa kë ˗sü ˈka, ˗yö ˗dho ˗an ˗bhawɔn ˈto.