Kwa ˗dho ˈwɔn ˈˈgbɩɩ˗ ˗nu ˈkun kwa ˗bha ˗kɔ ˗kë ꞊dhɛ?

˗Kwa ˈWunzüdɔdhɛ 37:​23-28; 39:​17-23 ˗wo pö, kö ˈkwa ˗gleŋ ˈsü ˗kɔ ˈö Zozɛfö ˗yö ˈwɔn ˈˈgbɩɩ˗ kun ˗a ˈka ö ˗bha, ˗a ˈgü.

˗Kɔ ˈö ˈwɔn ˗nu ˗wo ˗kë ˗a ˈka, ˗kwaa dɔ ˗së ˈka. ˈMën ˗kë ˈö mɛn ˗nu ˗wo Zozɛfö ˈˈklʋʋbhɔ? (ˈWun. 37:​3-11; 39:​1, 6-10) Zozɛfö ˗yö ˈwɔn ˈˈgbɩɩ˗ ˗kun ö ˗bha ˈˈtʋ̈ŋ ꞊dhɛ ˈˈpiʋ̈? (ˈWun. 37:2; 41:46) ˈˈTʋ̈ŋ ˈö ˈˈdhʋ̈ ˗a ˈgü, ˈmën Zoova ˗ya ˗kë Zozɛfö ˗dhɛ? ˈˈKɛɛ ˈmën Zoova ˈti˗ kë?—ˈWun. 39:​2, 21; w23.01 17 § 13.

˗Kwaa ˈˈpiʋ̈ ˈpɔn ˗së ˈka. Biblö ˈti˗ pö ꞊dhɛ Zozɛfö ˗yö ö ˗de ˗ta ˗za ˗dɔ ꞊sua ˈö Potifaa ˗bha dhebɔ ˗ya ˗kë ˗a ˗bha, ˗a ˗wɔn ˈgü. Biblö ˈˈɲan ˗nu ˈwo ˈˈshia bhë, ˗wo ꞊mɔɔn˗ ˗bha ˈwo kwa ˗takun kö ˈpë ˗kë ˈö Zozɛfö ˗yö dɔ ˈö ˈˈdhi ˈˈtun ˈkwa˗ dɔ ˗ee? Ɛɛnˈˈ kö ˈpë ˗kë ˈö kwa ˗bhawɔn ˈti yö ˈwɔn ˈsɛɛn˗ ˗nu ˈwo˗ ˈgü ˗an dɔ ˗sü ˗bha, ˈkwa˗ ˈwɔn dɔ ˗ee? (Prov. 20:2; Zan 21:25; Këw. 21:37) ˈˈKlʋʋsë ˗mɛɛn ˗nu ˈwo Zozɛfö ˗takun ˈö bɔ ˈwɔn ˈˈgbɩɩ˗ ˈgü?—Mich. 7:7; Dhu. 14:11; Zak. 1:​2, 3.

-Kwa kwa ˗zota ˗a ˗gleŋ ˗nu ˈgü. ˗Kwa kwa ˗de dhɛɛˈˈ ˈkpɔ, ˈkwa˗ pö:

• ‹N ˗man ˗kë Yesu ˗bha gwëëˈˈ ˈka ˗sü ˗wɔn ˈgü, ˈwɔn ˈˈgbɩɩ˗ ˗mɛɛn ˗nu ˈwo ꞊mɔɔn˗ ˗bha kö ˗wo nu n ˗ta?› (Dhu. 21:​12, 16, 17; Ebl. 10:​33, 34)

• ‹˗Mën ˈa dho ˗a kë ꞊dɛɛ kö ˈa kë baasü ˈka ˈwɔn ˈˈgbɩɩ˗ ˗gɔ?› (Ps. 62:​7, 8; 105:​17-19; w19.07˗F 2-7)