˗Kwa kwa zuʋ̈ˈˈ baaˈˈ Biblö draansü ˗bha

Kwa Biblö draanˈˈ ˗ni ˈgü, kwa˗ ˈˈpiʋ̈ kö ˈwɔn ˗nu ˈwo ˗gban Zoova ˗bha bhë ˗wo ˈpa kwa zuʋ̈ˈˈ ˈka. Kwa ꞊mɔɔn˗ ˗bha ˈkwa˗ ˗gleŋ sü Ɛdrasö ˈö «ö zuʋ̈ˈˈ ˗baa kö ˈö Zoova ˗bha ˈtɔŋ˗ ˗wo pö» bhë, ˗a ˗bha. (Esd. 7:10) Kwa ˗dho ˗a kë ˈˈdhʋ̈ ˗kɔ ˗kë ꞊dhɛ?

˗Kwa bhɛɛˈˈ. ˈˈSanni ˈkwa Biblö draanˈˈ, ˗kwa bhɛɛˈˈ. ˗Kwaa pö Zoova ˗dhɛ ˗yö kwa ˗takun kö ˈpë ˈkwa˗ ˗wo pö bhë ˈkwa˗ ˈgüman kö ˈkwa˗ ˗ya ꞊bhlëë ˈgü.—Ps. 119:​18, 34.

˗Kwa kwa ˗de ˈsü ˈˈtɩtɩ. ˗Zlan ˗yö gagade ˗bin ˗desüvamɛn ˗nu ˈwo wo ˗zo yö wo ˗de ˗dhɛ bhë ˗an ˗gɔ. (Dhu. 10:21) ˗Ya ˈgo mü ˈzü, kwa ˈti Biblö draanˈˈ kö ˈkwa˗ ˗zɔn mɛn ˈˈwɛɛ ˗nu ˗dhɛ ꞊dhɛ ˈkwa˗ dɔ ˈgbɛ. ˈˈKɛɛ pë ˈbha ˈö kwa dua ˈdhö ˗mü kö ˈkwa˗ bho ˈˈgblʋʋ ˈkwa˗ yö Biblö ˈgü, ˗kwa kwa ˗de kë ˈˈtɩtɩ ˈkwa˗ ˗ya ꞊bhlëë ˈgü.

˗Kwa kwa ˈˈtʋ ˈto ˗Gblüdëdhɛ ˈˈtan ˗bha. ˈˈTan ˗nu ˗wo ˗pa kwa zuʋ̈ˈˈ ˈka, ˈwo kwa ꞊baa ˗Zlan ˗dhɔkësü ˗bha. ˈˈTʋ ˗to ˗Gblüdëdhɛ ˈˈtan ˗bha ˗sü kö ˈkwa ꞊kun Biblö draanˈˈ bhë, ˗yö ꞊mɔɔn˗ ˗bha ˈö kwa zuʋ̈ˈˈ ꞊baa.